“ভারত অসি মালেমগী খ্বাইদগী নৌরিবা লৈবাক্নি। চহি 35গী মখাদা লৈবা মীওইশিংনা মীশিং 65% ওইবা লৈবাক, মাগী নহারোলশিং শীংথানীংঙাই ওইনা মপাঙ্গল কনবা, মখোয়গী খুৎশানা কম্প্যুতরশিংগী থোংদা মালেমগীন কন্নেক্ত তৌবা ঙম্বা লৈবাক অমা, মশাগী তুংলমচৎ শেমজনবা ফিরেপ চেৎপা নহারোলশিংগী লৈবাক অমা ওইরিবা অসিনা হৌজিক তুং হন্দুনা য়েংবগী মথৌ তাদ্রে”, হায়না পি.এম. নরেন্দ্র মোদীনা ফোঙদোকখ্রে।

অনৌবা চহিচা অসিদা ৱেস্ত মেনেজমেন্ত তৌবদা জেন Z না শীংথানীংঙাই ওইবা অমসুং অনৌবা খোঙথাংশিং পাইখৎলি। মখোয়গী প্রোওক্তিব ওইবা ইনিসিএতিবশিং অমসুং ক্রিএতিব সোল্যুসনশিংনা অকোইবগী ফীবম ঙাকশেন্নবগীদমক কত্থোকপগী মমিং তারি। “স্বচ্ছতা”গী লম্বেলদা তপ্না-তপ্না চংশিন্দুনা জেন Zকী নৌরিবা ৱাখল অমসুং তেক হৈবগী মতৌনা মখোয়বু শক্তি পীদুনা অফবা অহোংবা অমস পুরক্নবা অমসুং হেন্নস সস্তেনেবল ওইবা তুংলমচৎ অমা শেম্নবা হোৎনরি। অমরোমদা জেন অল্ফানা স্বচ্ছরগীদমক চাউনা কন্সিয়সনেস ওই অমসুং তেক্নোলোজীগা ইন্নোবেসনগা পুনশিল্লি। মখোয়না রিসাইকল তৌবা মেতরিএলশিংদগী শাবা শান্নপোৎশিং পাম্মি, মখোয়গী ইকো-কন্সিয়স ওইবা ৱাখল্লোনগা চুন্নবা মওংদা ইন্দিজিনেস ওইনা রিইমেজিন তৌবা পাম্মি।

বিজিন অসিগী পরিং মখাদা হাউসিং অমসুং অর্বান এফিয়র্স মন্ত্রালয়না ইন্দিয়ন স্বচ্ছতা লীগ, স্বচ্ছতা কে দো রংগুম্বা থৌশিলশিং পাইখৎখি, মসিনা ভারতকী অঙাংশিংগী মীশিং অসিবু লুনান্নবগী জন অন্দোলনদা শরুক য়াহন্নবা পান্দম থমখি। মসিগী মথক্তা MoHUA না স্বচ্ছ তোইকাথোন' 2022দা হৌদোকখি। চহি কাংলুপ পুম্নমক লোইয়ননা গ্রুপশিং অমদি স্তার্তঅপশিংদগী মীওইশিংগীদমক পাঙথোকপা নেস্নেল কম্পিতিসন অসিনা গেম অমসুং শান্নপোৎশিং দিজাইন তৌবা অমসুং পেকেজিংদা ইন্নোবেসন অমসুং সর্ক্যুলরিতী পুথোক্নবা পান্দম থমখি। কম্পিতিসন অসিদা ইকো-ফ্রেন্দলী তোই প্রোতোতাইপশিং, ৱেস্ত-মেতরিএল তোইশিং অমসুং ইন্দস্ত্রীবু রিইমেজিন তৌবগী অনৌবা ৱাখল্লোনশিংগী এন্ত্রীশিং উবা ফংখি। তোইবেঙ্কগুম্বা ওর্গনাইজেসনশিংনা শোত্থরবা কাংলুপশিংগী অঙাংশিংদা ‘রাইৎ তু প্লে’ ফংহন্নবা অমনবা অমসুং হুন্দোক্লবা শান্নপোৎশিং রি-পর্পজ তৌরি। সাইন্স অমসুং সস্তেনেবিলিতীগী বেসিক প্রিন্সিপলশিংগী মরমদা অঙাংশিংদা  তাকপী তম্বীনবা ইমুংগী ৱেস্ত আইতেমশিংবু শান্নপোৎশিংদা ওন্থোক্লি। স্বচ্ছতাগী খোঙচৎ থৌগৎনবা জুলাই 2023দা কর্নাতকাদা লৈরবা ULB কয়ানা ইকো-ক্লবশিংগী খুত্থাংদা স্কুলশিং য়াওহনখি অমসুং রাজ্য অসিগী “প্লাস্তিক ফ্রী কেম্পেন”গী শরুক ওইনা প্লাস্তিক ৱেস্ত মেনেজমেন্তগী থৌশিল মখল কয়া হৌদোকখি। হেব্বাগোরী  CMC দা রিদ্যুস, রিয়ুজ অমসুং রিসাইকল(RRR)গী ৱাখল্লোন পুথোকপগা লোয়ননা নীংথিনা ৱেস্ত সেগ্রেগেসন তৌবগী মরু ওইবা তাক্লিবা ত্রেনিং সেসনশিং পাঙথোকপা অমসুং SUP প্লাস্তিক মুক্তা অভিয়ান অসি  শীংথাবা য়াবা খোঙথাং অমা ওইখি।

উত্তরাখন্দ-বেজ NGO ‘ৱেস্ত ৱারিয়র্স’না সিতী সেনিতেসনগীদমক নহারোলশিং য়াওহন্নবা ‘গ্রীন গুরুকুল’ প্রোগ্রাম হৌদোকখি। স্কুল 100+দা ওপরেৎ তৌরিবা থৌশিল অসিনা মহৈরোয় 39,000+দা কান্নবা পীখি, মখোয়বু সস্তেনেবল ৱেস্ত মেনেজমেন্তদা য়াওহনখি। এজুকেসন্দা ইন্তিগ্রেৎ তৌদুনা মসিনা 2016 SWM রুলশিং অদু ঙাক্নবা চৎতুনা মহৈরোয়শিং অমসুং ওজাশিংগী লমচৎ-শাজৎতা অওনবা পুরক্নবা হোৎনখি অমসুং সোর্স সেগ্রিগেসন অমসুং নীংথিনা দিস্পোজেল তৌবদা মীৎয়েং চংলি। হিমাচল প্রদেশ অমসুং উত্তরাখন্দদা গ্রেদ 6-12তা ৱেস্ত মেনেজমেন্তগী মরমদা তাকপী-তম্বীনবা ইন্তরেক্তিব সেসনশিং, মুবীশিং, গেমশিং, ক্বিজশিং, অমসুং ক্রিএতিব ৱার্কশোপশিং পাঙথোকখি।

2014 দা হৌদোকখিবা য়ুথ ফোর পরিবার্তননা “ক্লীন বেঙ্গলুরু” হৌদোকখি, প্রোগ্রাম অসিনা ব্লেক-স্পোৎ 400গী মথক্তা রিভাইতেলাইজ তৌরি, পি.এম. শ্রী নরেন্দ্র মোদীগী মন কী বাতকী 93শুবা তাঙ্কক্তা মখোয়বু শকখঙবীখি। মখোয়গী ‘রিসাইক্লোথোন” কেম্পেন্না খুঙ্গংদা লৈবা কর্নাতকাগী সরকারগী স্কুলগী মহৈরোয়শিংগীদমক কালেন থাগী মতমদা শীজিন্নরবা বোইশিং খোমজিল্লি, ইনদ্রিবা চেনাশিংবু রিসাইকল তৌদুনা অনৌবা লাইরিকশিং শেমখি। য়ুথ ফোর পরিবার্তনগী খোঙথাংশিংনা বেঙ্গলুরুগী এনভাইর্নমেন্তদা অমসুং এজুকেসন সিস্তেমদা অফবা অহোংবা অমা পুরকখি।

2014দগী হৌদুনা ব্যাতরানাপুর, য়েলাহঙ্কা জোনদা নহারোল কাংলুপ অমা ওইরিবা সত্যা ফাউন্দেসন্না মীরোলশিংবু পুনশিল্লিবা নহা ওইরিবা এম্বেসেদরশিংগী খুত্থাংদা স্কুলশিংদা ৱেস্ত মেনেজমেন্তবু রিসোর্স অমা ওইনা তাকপী-তম্বীনবা “ত্রেশোনোমিক্স” কৌবা ক্রোর্স অমা হৌদোককী। অঙাংশিংনা ৱেস্তপু রিসোর্সশিংদা ওন্থোক্নবা কম্পোজিং, অপসাইক্লিং তম্নবা অমসুং 3Rs(রিদ্যুস-রিয়ুজ-রিসাইকল) তম্মি।

2019দগী হৌনা হিমাচল-বেজ ‘ধৌলাধার ক্লীনর্স’না নোংমাইজিং নুমিৎ খুদিংগী ধরমশালাগী লমকোইবশিংনা লাকপা মফমশিংদগী অমোৎপা খোমজিল্লি। মখোয়গী পান্দম অসি নহারোলশিংবু মশা-মউ ফবা, তুংকোইনা চৎকদবা তুংলমচৎ অমগীদমক তাকপীবা অমসুং ইথিল পীবনি। ‘ক্লীনঅপ পিক্নিক্স’কী খুত্থাংদা ভোলুন্তীয়রশিংনা ফজরবা মফমশিংদা শেংদোকপগী দ্রাইবকা লোয়ননা নুংঙাইরবা আউতিংসু তৌরি। মখোয়না কান্নবা পীখিবদা হিমাচলগী লমকোইফমশিংদগী অমোৎপা 40,000+ KG খোমগৎপা ঙমখিবা অসি য়াওরি।

2020দগী হৌদুনা গুজরাতকী নহা, দা. বিনিশ দেসাইনা কোবিদকা মরী লৈনবা বাইও-মেদিকেল ৱেস্তশিং অসি মখোয়বু এদভান্স P-ব্লোক ব্রিকশিংদা ওন্থোক্তুনা রিসাইকল তৌবগী থৌরাং হৌদোকখি। মহাক্কী খ্বাইদগী নৌবা ইন্নোবেসন P-ব্লোক 2.0 অসি হেন্না য়াংই, মপাঙ্গল কল্লি অমসুং হেন্না ভর্সেতাইল ওই। গুজরাতকী CM ওইরিঙৈ মনুংদা পি.এম নরেন্দ্র মোদীনা বিনিশবু থৌরম অমদা বর্তন তৌখি অমসুং মহাক্কী থৌশিল অসিগীদমক থাগৎপা ফোঙদোকখি। মহাক্কী থৌশিল ইকো ইলেক্ত্রিক তেকনা PPE ৱেস্ত তন 45বু রিপর্পজ তৌদুনা, লেন্দফিলদগী মেত্রিক তন 6700 দাইভর্ত তৌদুনা অমসুং তোঙান-তোঙানবা ৱেস্তশিংদগী প্রদক্ত 150+ পুথোকপা ঙমখি। মসিনা তোইলেৎ 10,000+ অমসুং স্ত্রকচর 500+ শাবদা মতেং ওইখি। ভারতকী ইকো-কন্সিয়স জেন Zনা থৌদাং লৈনা ৱেস্ত মেনেজমেন্ত তৌবা খুন্নাই অমা তুংলমচৎকীদমক শেম্বদা মরু ওইবা মীৎয়েং চংলি।

***********