ఎలక్ట్రానిక్స్ మరియు ఇన్ఫర్మేషన్ టెక్నాలజీ మంత్రిత్వ శాఖ ఈ ఏడాది అక్టోబర్‌లో  గ్లోబల్ ఇండియాఏఐ 2023ని నిర్వహించనుంది. ఇందులో భారతదేశంతో పాటు ప్రపంచవ్యాప్తంగా ఉన్న ప్రముఖ ఏఐ ప్లేయర్‌లు, పరిశోధకులు, స్టార్టప్‌లు మరియు పెట్టుబడిదారుల భాగస్వామ్యం ఉంటుంది.

నెక్స్ట్ జనరేషన్ లెర్నింగ్ మరియు ఫౌండేషన్ ఏఐ మోడల్స్, హెల్త్‌కేర్, గవర్నెన్స్ మరియు నెక్స్ట్-జెన్ ఎలక్ట్రిక్ వెహికల్స్‌లో ఏఐ  అప్లికేషన్‌లు, ఫ్యూచర్ ఏఐ రీసెర్చ్ ట్రెండ్‌లు, ఏఐ కంప్యూటింగ్ సిస్టమ్స్, ఇన్వెస్ట్‌మెంట్ అవకాశాలు మరియు ఏఐని పెంపొందించడం వంటి అనేక రకాల అంశాలను కవర్ చేయడానికి ఈ సమావేశం సిద్ధంగా ఉంది.

గ్లోబల్ ఇండియాఏఐ 2023 ఆకృతిని రూపొందించే బాధ్యతను అప్పగించిన కాన్ఫరెన్స్ స్టీరింగ్ కమిటీకి కేంద్ర నైపుణ్యాభివృద్ధి & ఎంటర్‌ప్రెన్యూర్‌షిప్ మరియు ఎలక్ట్రానిక్స్ & ఐటీ శాఖ సహాయ మంత్రి శ్రీ రాజీవ్ చంద్రశేఖర్ అధ్యక్షత వహిస్తున్నారు. ఇది ఎంఇఐటీవై డిజిటల్ ఎకానమీ అడ్వైజరీ గ్రూప్ నుండి  ఏఐ రంగంలో సభ్యులను తీసుకుంటుంది.

కాన్ఫరెన్స్ గురించి ఎంఒఎస్ శ్రీ రాజీవ్ చంద్రశేఖర్ మాట్లాడుతూ ఏఐ  భవిష్యత్తును మరియు అనేక రంగాలలో దాని ప్రభావాన్ని ఉద్దేశపూర్వకంగా చర్చించడానికి ప్రపంచంలోని అత్యుత్తమ మరియు ప్రకాశవంతమైన శక్తులను ఒకే తాటిపైకి తీసుకురావడమే ప్రభుత్వ ఉద్దేశం అని ఉద్ఘాటించారు.

“గ్లోబల్ ఇండియాఏఐ 2023 కాన్ఫరెన్స్ అక్టోబర్ 14,15 తేదీల్లో తాత్కాలికంగా ప్లాన్ చేయబడింది. ఇది భారతదేశంతో పాటు ప్రపంచవ్యాప్తంగా  ఏఐ ఉన్నలో అత్యుత్తమ మరియు ప్రకాశవంతమైన వాటిని ఒకచోట చేర్చుతుంది. గ్లోబల్ ఏఐ పరిశ్రమ, స్టార్టప్‌లు, అభ్యాసకులు, పరిశోధకులు మరియు విద్యార్థుల వార్షిక క్యాలెండర్‌లో ఈ సమ్మిట్ అభివృద్ధి చెందుతుంది అని చెప్పారు.ప్ర‌ధాన మంత్రి శ్రీ న‌రేంద్ర మోదీ చేపట్టిన సెమికాన్ ఇండియా కాన్ఫరెన్స్  గత రెండు ఎడిషన్‌ల భారీ విజయం భారతదేశాన్ని ప్రపంచ సెమికాన్ మ్యాప్‌లో దృఢంగా ఉంచింది. ఈ రంగంలో పెట్టుబడులు మరియు వృద్ధికి భారతదేశం ఒక ఉత్ప్రేరకం కావడానికి వీలు కల్పించింది. గ్లోబల్ ఇండియాఏఐ సమ్మిట్ భారతదేశం యొక్క ఏఐ ల్యాండ్‌స్కేప్ మరియు ఇన్నోవేషన్ ఎకోసిస్టమ్‌ను కూడా ఉత్ప్రేరకపరుస్తుంది ” అని మంత్రి చెప్పారు.

ఇండియా డేటాసెట్స్ ప్రోగ్రామ్ డిఐ భాషిణి, స్టార్టప్‌ల కోసం ఇండియాఏఐ ఫ్యూచర్‌డిజైన్ ప్రోగ్రామ్ మరియు ప్రపంచ స్థాయి ఏఐ ప్రతిభను పెంపొందించడానికి అంకితమైన ఇండియాఏఐ ఫ్యూచర్‌స్కిల్స్ ప్రోగ్రామ్ వంటి కీలక కార్యక్రమాలను కలిగి ఉన్న శక్తివంతమైన ఇండియాఏఐ పర్యావరణ వ్యవస్థకు ఈ సమావేశం ఒక ప్రదర్శనగా కూడా ఉపయోగపడుతుంది.

ఇండియాఏఐ వెనుక ఉన్న సమగ్రమైన పునాదిని ఎంఒఎస్ శ్రీ రాజీవ్ చంద్రశేఖర్ హైలైట్ చేస్తూ..పరిశ్రమ,స్టార్టప్‌లు & అకాడెమియా భాగస్వాములతో సన్నిహితంగా సహకరించిన వర్కింగ్ గ్రూపుల కీలక పాత్రను వివరించారు.. ఈ సమూహాలు ఇండియాఏఐ చొరవ కోసం సమగ్రమైన ఫ్రేమ్‌వర్క్‌ను అందించాయి. ఇవి: ఏఐ ఇన్ గవర్నెన్స్, ఏఐ కంప్యూటింగ్ & సిస్టమ్స్, ఏఐ డేటా, ఏఐ ఐపీ మరియు ఇన్నోవేషన్, ఏఐలో నైపుణ్యం అనే ప్రధాన స్తంభాలపై ఆధారపడి ఉంటుంది. ఈ  అంశాలు రాబోయే కాన్ఫరెన్స్ ఎజెండాలో అంతర్భాగంగా ఉంటాయి.

“ ఏఐ కోసం భారతదేశాన్ని చాలా ఆకర్షణీయంగా మార్చేది మన వైవిధ్యం. ఏదైనా పెద్ద భాషా మోడల్ లేదా ఏదైనా ఏఐ లెర్నింగ్ మోడల్ కోసం డేటా సెట్‌ల నాణ్యతకు మన వైవిధ్యం అదనంగా ఉంటుంది. మేము కోరుకునేది ఏమిటంటే ఏఐ బాధ్యత వహించాలి. తద్వారా వినియోగదారుకి జరిగే ఇబ్బందులను అరికట్టవచ్చు మరియు ఆవిష్కరణలు ప్రోత్సహించబడతాయి. మా ప్రాథమిక లక్ష్యం సహకార మరియు భాగస్వామ్య విధానాన్ని నిర్ధారించడం. ప్రపంచ భాగస్వామ్యాలను నిర్మించడం మరియు ప్రపంచ సాంకేతిక పరిజ్ఞానాన్ని చురుగ్గా రూపొందించడం ద్వారా పాలనను మెరుగుపరచడం మరియు జీవితాలను మార్చడం కోసం ఏఐని నడిపించాలి” అని మంత్రి తెలిపారు.
 

***