சிறந்த வெப் தொடர்கள் (ஓடிடி) விருதின் தொடக்க பதிப்பின் உள்ளீடுகளை ஆன்லைனில் சமர்ப்பிப்பதற்கான கடைசி தேதியை ஆகஸ்ட் 25 தேதியில் இருந்து செப்டம்பர் 4 மாலை 6 மணி வரை தகவல் மற்றும் ஒலிபரப்பு அமைச்சகம் நீட்டித்துள்ளது, அதே நேரத்தில் தொடரின் அசல் பிரதியை செப்டம்பர் 12, 2023-க்குள் சமர்ப்பிக்கலாம்.

செப்டம்பர் 12, 2023 விடுமுறையாக அறிவிக்கப்பட்டால், அடுத்த வேலை நாள் விண்ணப்பம் பெறுவதற்கான கடைசி தேதியாக கருதப்படும்.

கடந்த இரண்டு ஆண்டுகளில் பன்மடங்கு வளர்ந்துள்ள ஓடிடி தளத்தின் படைப்பாற்றல் திறனை அங்கீகரிக்கும் நோக்கில் இந்த விருதுக்கு அதிக எண்ணிக்கையிலான வெப் தொடர்கள் பங்கேற்பதை உறுதி செய்யும் முயற்சியாக சமர்ப்பிப்பதற்கான தேதியை நீட்டிக்க அமைச்சகம் முடிவு செய்தது.

பொழுதுபோக்கு துறையைச் சேர்ந்த பிரபலங்களைக் கொண்ட ஒரு சிறந்த நடுவர் குழு சிறந்த வெப் தொடரைத் தேர்வு செய்யும், வெற்றியாளருக்கு ரூ.10 லட்சம் ரொக்கப் பரிசு மற்றும் சான்றிதழ்கள் 54-வது இந்திய சர்வதேச திரைப்பட விழாவில் வழங்கப்படும்.

இந்த விருதுக்கு தகுதி பெற, வெப் தொடர்கள் எந்தவொரு இந்திய மொழியிலும் முதலில் உருவாக்கப்பட்ட / படமாக்கப்பட்ட தொடராக இருக்க வேண்டும், மேலும் இது ஒரு அசல் படைப்பாக இருக்க வேண்டும் அல்லது தயாரிக்கப்பட்டதாக இருக்க வேண்டும். மேலும், ஓடிடி தளத்தில் மட்டுமே வெளியிடும் நோக்கத்துடன் இந்த தொடரை தயாரித்திருக்க வேண்டும், உரிமம் பெற்றிருக்க வேண்டும் அல்லது வாங்கியிருக்க வேண்டும்.

மேலும், இந்த விருதுக்கு தகுதி பெற, பதிவின் அனைத்து அத்தியாயங்களும் (வெப் தொடர்கள் / சீசன்) ஜனவரி 1, 2022 முதல் டிசம்பர் 31, 2022 வரை ஓடிடி தளத்தில் வெளியிடப்பட்டிருக்க வேண்டும்.

விருதுகளுக்கான தகுதி குறித்த கூடுதல் விவரங்கள் தகவல் மற்றும் ஒலிபரப்பு அமைச்சகம், தேசிய திரைப்பட மேம்பாட்டுக் கழகம் மற்றும் ஐ.எஃப்.எஃப்.ஐ ஆகியவற்றின் வலைத்தளங்களில் கிடைக்கின்றன.

***

(Release ID:1952150)

SM/PKV/AG/KRS