২০২৩গী ওগস্ত ২২দা দিবলপমেন্ত ওফ নোর্থ ইস্তর্ন রিজন মন্ত্রালয় অমসুং য়ু.এন.দি.পি.না দোনর মন্ত্রালয় অমসুং কোওপরেসন মন্ত্রালয়গী রাজ্য মন্ত্রী শ্রী বি.এল. বর্মা অমসুং য়ুনাইতেদ নেসন্স দিবলপমেন্ত প্রোগ্রাম (য়ু.এন.দি.পি.)গী য়ু.এন. এসিস্তেন্ত সেক্রেতরী-জেনরেল অমসুং ব্যুরো ওফ এক্সতর্নেল রিলেসন্স এন্দ এদভোকেসীগী দাইরেক্তর শ্রীমতী উলরিকা মোদীরনা শরুক য়াদুনা য়ানা ৱারোল অমদা খুৎয়েক পীনখ্রে, মদুদা য়ু.এন.দি.পি.না দোনর মন্ত্রালয়দা এস.দি.জি.শিংদা খোংলৈ থুনা খুমাং চাউশিন্নবগীদমক তেক্নিকেল সপোর্ত পীগনি মসিদা মোনিতর তৌবা, ইভালুয়েসন অমসুং কেপাসিতী বিলদিং, শোত্থরিবা জিলাশিং অমসুং ব্লোকশিং তেংবাংবা, গবর্নান্স অমসুং গুদ প্রেক্তিসশিং হেনগৎহনবদা হৌজিক লৈরিবা তেক্নোলোজীশিং দিপ্লোই তৌবদা তেংবাংবা য়াওরি। 

দোনরগী রাজ্য মন্ত্রী শ্রী বি.এল. বর্মানা দেলেগেতশিংদা ৱা ঙাংলদুনা হায়খি মদুদি প্রধান মন্ত্রীগী মরুওইবা পান্দমদি নোর্থ ইস্তর্ন রিজনদা সোসিয়েল অমসুং ইনফ্রাস্ত্রকচর কনেক্তিবিতী চাউখৎহনবনি অমদি পান্দম অসি ফংবদা য়ু.এন.দি.পি.না মন্ত্রালয়দা মতেং পাংগনি হায়না থাজবা থম্লি। মহাক্না মসিমসু হায়খি মদুদি দোনর মন্ত্রালয়না রিজন অসিদা লৈরিবা মীয়ামগী পুন্সী ত্রান্সফোর্ম তৌনবা ইনফ্রাস্ত্রকচর, কনেক্তিবিতী, হেল্থ, এজুকেসন, ক্লাইমেত চেঞ্জ অমসুং ইকোনোমিক গ্রোথ অসিনচিংবা ক্রিতিকেল সেক্তরশিংদা মশক নায়বা খোংথাংশিং পায়খৎলি। খোংচৎ অসিদা য়ু.এন.দি.পি.না অখন্ননা নোর্থ ইস্ত রিজন দিস্ত্রিক্ত এস.দি.জি. ইন্দেক্সকী খুত্থাংদা দেতাদা য়ুমফম ওইবা ৱারেপ লৌবা প্রমোত তৌবদা ঐখোয়গী মরুওইবা পার্তনর ওইরি।

রাজ্য মন্ত্রীনা হায়খি মদুদি এন.ই.আর. দিস্ত্রিক্ত এস.দি.জি. ইন্দেক্সনা ফ্লেগশিপ পি.এম.-দিভাইন স্কিম শেম্বদা তেংবাংখি, মদুনা রিজন অসিদা অখন্ননা নুপী অমসুং নহাশিংদা লাইবলিহুদ ওপোর্চুনিতী হেনগৎহন্নবা ইনফ্রাস্ত্রকচর অমসুং সোসিয়েল দিবলপমেন্ত ফন্দিং ফংহল্লি।

শ্রীমতী উলরিকা মোদীরনা নোর্থ ইস্তর্ন রিজনগী দিবলপমেন্তদা খোংজেল য়াংশিন্নবগী মায়কৈদা ভারত সরকারনা হোৎনরিবশিংবু থাগৎপা ফোংদোকখি। মহাক্না হায়খি, “য়ু.এন.দি.পি.না দোনর মন্ত্রালয়গা লোয়ননা য়ানা ৱারোল অসি খুৎয়েক পীনবগী লাইবক ফবা তাঞ্জা অদু ফংলে। ঐখোয়না এস.দি.জি. লোকেলাইজেসনদা তেক্নিকেলগী ওইবা তেংবাং ফংহন্দুনা পান্দম ফংনবগী মায়কৈদা খোংজেল য়াংনা চংশিন্নবগীদমক নেস্নেল অমসুং সব নেস্নেল হোৎনরিবশিং তেংবাংবা অমসুং প্রোগ্রামশিং ইমপ্লিমেন্ত তৌবা অমসুং মোনিতর তৌবগী মায়কৈদা কেপাসিতীশিং ফগৎহনবদা ৱারেপ লৌরে।”

***