Ka tnat kyntiew ia ka thain shatei lammihngi
Soi MoU hapdeng ka tnat Development of North Eastern Region bad ka UNDP
Ka jingpeit bniah u Myntri Rangbah Duh ka dei ia ka jingtei ia ki jingdon jingem ha ka imlang sahlang bad ki lad pyniasoh ha ka thain shatei lammihngi: B.L. Verma
Posted On:
22 AUG 2023 6:10PM by PIB Shillong
Ha ka 22 tarik u Nailar, 2023, ka tnat Development of North Eastern Region (MDoNER) bad ka UNDP, ha ka jingiadon lang u Myntri Khynnah ki tnat DoNER bad Cooperation, u B. L. Verma bad ka UN Assistant Secretary-General & Director jong ka United Nations Development Programme (UNDP) Bureau of External Relations and Advocacy (BERA), ka Ulrika Modéer, ka la iasoi ia ka MoU ha kaba ka UNDP kan ai jingkyrshan teknikal ia ka MDoNER ban pynstet ia ka jingpynurlong ia ki thong SDG, ka jingpeit ia ki kam bad ka jingkyntiew ia ki sap treikam, kyrshan ia ki Aspirational district bad block; ai jingkyrshan ia ki teknoloji ba thymmai ha ki kam ai jingsynshar bad ruh ban kyntiew ia ki rukom treikam ba bha.
U Myntri Khynnah ka tnat MDoNER, u B.L. Verma u la ai jingkren ia ki delegate ha kaba u la ong ba ka jingpeit bniah jong u Myntri Rangbah Duh ka dei ka jingtei ia ki jingdon jingem ha ka imlang sahlang bad ki lad ka jingpyniasoh ha ka thain shatei lammihngi bad u la ong ba u kyrmen ba ka UNDP kan iarap ia ka tnat ba kan pynurlong ia kane ka thong. “Ka tnat MDoNER ka la iaid shaphrang ha ki kam bapher bapher kiba iadei bad ki jingdon jingem, ki lad ka leit ka wan, ka koit ka khiah, ka pule puthi, ka jingkylla ka suinbneng bad ka jingkiew shaphrang ha ka ioh ka kot ban pynkylla ia ka jingim jong ki briew na kane ka thain. Ha kane ka jingiaid lynti, ka UNDP ka dei kaba la iatrei lang bad ngi ban kyntiew ia ka jingshim ia ki rai da kaba ioh ki jingtip kiba shai, khamtam lyngba ka North East Region District SDG Index,” u la ong.
U Myntri Khynnah u la ong ruh ba ka NER District SDG Index ka la iarap ban tei ia ka skhim PM-DevINE, kaba pynbiang pisa na ka bynta ki kam ban kyntiew ia ki jingdon jingem bad ka imlang sahlang ha ka thain, khamtam ha kaba iadei bad ki longkmie bad ki samla.
Ka Ulrika Modéer ka la iaroh ia ki sienjam jong ka Sorkar India ban pynstet ia ka roi ka par ha ka thain shatei lammihngi. “Ka UNDP ka sngewbha ban soi ia kane ka MoU bad ka tnat Development of North Eastern Region. Ngi ieng skhem na ka bynta ka jingkyrshan ia ki sienjam ha ka ri ban pynstet ia ka jingpynurlong ia kine ki thong da kaba pynbiang ia ki jingkyrshan teknikal ha ka jingpynpoi ia ki SDG sha ki jaka bapher bapher bad ka jingkyntiew ia ka jinglah pyntreikam bad ka jingpeit ia ki prokram,” ka la ong.
***
(Release ID: 1951186)
Visitor Counter : 123