‘মেরী মাতি মেরা দেশ’ কেম্পেনগী মখাদা হৌজিক ফাওবদা উ চারা লাখ ১৭ হেন্না থাখ্রে। মসিদসু নত্তনা অমৃত বাতিকা লিশিং ২৫ হেন্না শেমখ্রে। ইনফোর্মেশন অসি ভোপালদা ভারত সরকারগী য়ুথ এফিয়ার্স অমসুং স্পোর্তস মন্ত্রালয়গী য়ুথ এফিয়ার্স বিভাগকী সেক্রেতরী শ্রীমতী মীতা রজিবলোচননা পীখিবনি।

মহাক্না হায়খি মদুদি ‘মেরী মাতি মেরা দেশ’ কেম্পেনগী মখাদা মীওই করোর ৪ হেনবনা পঞ্চ প্রানগী ৱাশক লৌখি। কেম্পেন অসিদা নহাশিংনা ইচং থৌনা শরুক য়াখি হায়নসু মহাক্না খংহনখি।

শ্রীমতী মীতা রজিবলোচননা ভোপালগী তাত্য তোপে স্তেদিয়মদা পাংথোকপা মেরী মাতি মেরা দেশ প্রোগ্রামগী রাজ্য থাক্কী য়েংশিনবগী মীফমদা রাজ্যদা পায়খৎলিবা এক্তিবিতীশিংগী মতাংদা হংখি।

মহাক্না পঞ্জাব বতালিয়নগী থৱায়না পোন্থা পীখ্রবা অথৌবা কেপ্তেন দেবশিশ শর্মগী অপোকপী শ্রীমতী নির্মলা শর্মবুসু ইকায় খুম্নখি। মীফম অদুদা মধ্য প্রদেশ সরকারগী স্পোর্তস অমসুং য়ুথ এফিয়ার্সকী সেক্রেতরী শ্রী পি. নরহরিগা লোয়ননা পি.আই.বি., দুরদর্শন, ওলইন্দিয়া রেদিও, নেস্নেল সর্বিস স্কিম, নেহরু য়ুবা কেন্দ্র সঙ্গথন অমসুং রাজ্য সরকারগী ওফিসিয়েল কয়ানা শরুক য়াখি।

মহাক্কী নুমিৎ নিনিগী খোংচৎকী অহানবা নুমিৎতা শ্রীমতী মীতা রজিবলোচননা ‘মেরী মাতি মেরা দেশ অভিয়ান’গী মখাদা ইন্সতিত্যুত ওফ এক্সেলেন্স ইন হায়র এজুকেসন, ভোপালদা চত্থরিবা এক্তিবিতীশিং য়েংশিনখি অমসুং কেম্পসতা শারিবা অমৃত বাতিকা শঙ্গাখি। মহাক্না রুদ্রক্ষকী চারাসু থাখি অমসুং নেস্নেল সর্বিস স্কিম ওফিসতা উৎলিবা একজিবিসনদা চৎখি।

***