2022 లో 100 బిలియన్ డాలర్లు ఉన్న భారత బయో ఎకానమీ 2025 నాటికి 150 బిలియన్ డాలర్లకు చేరుతుందని కేంద్ర సైన్స్ అండ్ టెక్నాలజీ శాఖ సహాయ మంత్రి (స్వతంత్ర హోదా),  పి ఎం ఒ ,  పర్సనల్, పబ్లిక్ గ్రీవెన్స్, పెన్షన్స్, అటామిక్ ఎనర్జీ, స్పేస్ సహాయ మంత్రి డాక్టర్ జితేంద్ర సింగ్ తెలిపారు.

డిపార్ట్ మెంట్ ఆఫ్ బయోటెక్నాలజీ (డి బి టి) , యునైటెడ్ స్టేట్స్-నేషనల్ సైన్స్ ఫౌండేషన్ (యుఎస్-ఎన్ ఎస్ ఎఫ్) మధ్య 'ఇంప్లిమెంటేషన్ అరేంజ్ మెంట్ ' పై ఢిల్లీలో జరిగిన సంతకాల కార్యక్రమాన్ని పర్యవేక్షించిన సందర్భంగా మంత్రి మాట్లాడారు. జూన్ 2033 లో డీబీటీ, యుఎస్-ఎన్ఎస్ఎఫ్ మధ్య 'వ్యూహాత్మక భాగస్వామ్యాన్ని' అభివృద్ధి చేసే అవకాశాలపై చర్చించేందుకు డి బి టి కార్యదర్శి డాక్టర్ రాజేష్ ఎస్ గోఖలే ఎన్ఎస్ఎఫ్ డైరెక్టర్ డాక్టర్ సేతురామన్ పంచనాథన్ మధ్య జరిగిన సమావేశానికి  కొనసాగింపుగా ఈ సంతకాలు జరిగాయి. 

2023 జూన్ లో ప్రధాని నరేంద్ర మోదీ అమెరికా పర్యటన సందర్భంగా, ప్రస్తుతం ఉన్న భాగస్వామ్యాన్ని అధునాతన బయోటెక్నాలజీ, బయో మాన్యుఫ్యాక్చరింగ్ కు విస్తరించాలని, బయోసేఫ్టీ, బయోసెక్యూరిటీ ఇన్నోవేషన్, పద్ధతులు, నిబంధనలను పెంచాలని ఇరు దేశాల నాయకత్వాలు తమ ప్రభుత్వాలకు పిలుపునిచ్చాయని జితేంద్ర సింగ్ గుర్తు చేశారు.

డాక్టర్ జితేంద్ర సింగ్ మాట్లాడుతూ, నిరంతరం పెరుగుతున్న భారతదేశ బయో-ఎకానమీ గ్రాఫ్ దేశ మొత్తం ఆర్థిక వ్యవస్థకు గణనీయంగా దోహదం చేస్తుందని, ప్రపంచ బయోటెక్నాలజీ పరిశ్రమలో భారత్ కు 3-5 శాతం మార్కెట్ వాటా ఉందని, బయోటెక్ లో ప్రపంచంలో 12వ స్థానంలో, ఆసియా పసిఫిక్ లో 3వ స్థానంలో ఉందన్నారు.

ప్రపంచవ్యాప్తంగా మూడవ అతిపెద్ద స్టార్టప్ ఎకోసిస్టమ్ భారత్ లో ఉందని, భారత్ అతిపెద్ద వ్యాక్సిన్ తయారీదారు కూడా అని కేంద్ర మంత్రి తెలిపారు. అంతేకాక, గ్లోబల్ సైన్స్ అండ్ టెక్నాలజీ సూచిలలో  భారతదేశ ర్యాంకింగ్ పెరుగుతూనే ఉందని, గ్లోబల్ ఇన్నోవేషన్ ఇండెక్స్, 2022 ప్రకారం సృజనాత్మక ఆర్థిక వ్యవస్థలలో భారతదేశం 40 వ స్థానంలో ఉందని చెప్పారు. 

బయో ఫార్మా, బయో సర్వీసెస్, అగ్రి బయోటెక్, ఇండస్ట్రియల్ బయోటెక్, బయోఇన్ఫర్మాటిక్స్ వంటి విభాగాల్లో బయోటెక్నాలజీ ఇన్నోవేషన్, రీసెర్చ్, మ్యానుఫ్యాక్చరింగ్ లో ప్రభుత్వ- ప్రైవేటు భాగస్వామ్యం, మేకిన్ ఇండియా, ఆత్మనిర్భర్ భారత్ కార్యక్రమాల ద్వారా బయోటెక్నాలజీ విభాగం బలమైన పునాదిని సృష్టించి పోషించిందని డాక్టర్ జితేంద్ర సింగ్ పేర్కొన్నారు.

ప్రధాన మంత్రి నరేంద్ర మోదీ ఆత్మనిర్భరత దార్శనికతకు అనుగుణంగా 'భవిష్యత్తుకు సిద్ధంగా ఉన్న' సాంకేతిక వేదికను సృష్టించే దిశగా సాంకేతిక ఆధారిత ఆవిష్కరణలకు భారత ప్రభుత్వం ఎల్లప్పుడూ మద్దతు ఇస్తుందని, ఈ ఇంప్లిమెంటేషన్ అరేంజ్ మెంట్ ద్వారా భారతదేశం - యుఎస్ఎ మధ్య ద్వైపాక్షిక సహకార వ్యవస్థను ఏర్పాటు చేసినందుకు డిబిటి , ఎన్ ఎస్ ఎఫ్ లను ఆయన అభినందించారు.

వాతావరణ మార్పులు, తగినంత వనరుల వినియోగం, అస్థిరమైన పదార్థ వినియోగం,  వ్యర్థాల ఉత్పత్తి  ప్రపంచ ముప్పులని, వీటికి సమిష్టి సుస్థిర జోక్యాలు అవసరమని, అందువల్ల ప్రపంచ సుస్థిర లక్ష్యాలు సాధించేలా బయోమానుఫ్యాక్చరింగ్ ను వేగవంతం చేయడానికి భవిష్యత్ పరిశోధన,  ఆవిష్కరణ వ్యూహాలు అవసరమని డాక్టర్ జితేంద్ర సింగ్ అన్నారు. తదనుగుణంగా, డిబిటి "హై పెర్ఫార్మెన్స్ బయో మాన్యుఫ్యాక్చరింగ్- గ్రీన్, క్లీన్ , సంపన్న భారతదేశం కోసం సర్క్యులర్ ఎకానమీని ప్రోత్సహించే దిశగా ఒక సమగ్ర విధానం" అనే అంశంపై ఒక ప్రధాన చొరవను చేపట్టిందని, వాతావరణ , ఇంధన లక్ష్యాలను సమర్థవంతంగా సాధించడానికి జీవితంలోని ప్రతి అంశంలో హరిత , స్నేహపూర్వక పర్యావరణ పరిష్కారాలను అనుసరించాలని భాగస్వాములందరినీ కోరే ప్రధాన మంత్రి ప్రారంభించిన 'లైఫ్ స్టైల్ ఫర్ ది ఎన్విరాన్మెంట్ (లైఫ్)'కు ఇది ఉదాహరణ అని ఆయన అన్నారు.

'బయోటెక్నాలజీ ఇన్నోవేషన్ అండ్ బయో మ్యానుఫ్యాక్చరింగ్' రంగంలో ఆవిష్కరణలను వేగవంతం చేయడంలో ఇరు దేశాల మధ్య సహకారానికి 'ఇంప్లిమెంటేషన్ అరేంజ్ మెంట్' పునాది వేస్తుందని మంత్రి అన్నారు. ఇది బయోటెక్నాలజీ పరిశ్రమలను శక్తివంతం చేయడానికి , రెండు దేశాల జీవ ఆర్థిక వ్యవస్థను ప్రోత్సహించడానికి సహాయక సహకార పరిశోధన ద్వారా విజ్ఞానం, సాంకేతికతలు , ఆవిష్కరణలను ముందుకు తీసుకువెళుతుందని ఆయన అన్నారు.

బయోటెక్నాలజీ ఇన్నోవేషన్, బయో మాన్యుఫ్యాక్చరింగ్ ద్వారా వాతావరణ ఉపశమనం, ఇంధన లక్ష్యాలు వంటి ప్రపంచ అవసరాలను అమెరికా, భారత్ కలిసి పరిష్కరించగలవని ఎన్ఎస్ఎఫ్ డైరెక్టర్ డాక్టర్ సేతురామన్ పంచనాథన్ అన్నారు.

ఈ భాగస్వామ్యం ఇన్నోవేషన్ రంగంలోని సవాళ్లను పరస్పరం పరిష్కరించడానికి, సాంకేతిక అవకాశాలను పెంపొందించడానికి ఒక ముఖ్యమైన అడుగు అని డిబిటి కార్యదర్శి డాక్టర్ రాజేష్ ఎస్ గోఖలే అన్నారు. “గ్రీన్, క్లీన్ , సంపన్న భారతదేశం కోసం సర్క్యులర్ ఎకానమీని ప్రోత్సహించే దిశగా సమీకృత విధానం అయిన అధిక పనితీరు కలిగిన బయోమానుఫ్యాక్చరింగ్ ను పెంపొందించడానికి డిబిటి కార్యక్రమాలకు ఇది ఉత్తేజం  తీసుకువస్తుంది" అన్నారు. 

డిపార్ట్ మెంట్ ఆఫ్ బయోటెక్నాలజీ (డిబిటి) గురించి.. 

భారత ప్రభుత్వ సైన్స్ అండ్ టెక్నాలజీ మంత్రిత్వ శాఖకు చెందిన డిపార్ట్ మెంట్ ఆఫ్ బయోటెక్నాలజీ (డిబిటి) బయో ఫార్మా, బయో సర్వీసెస్, అగ్రి బయోటెక్, ఇండస్ట్రియల్ బయోటెక్ ,బయోఇన్ఫర్మాటిక్స్ వంటి విభాగాలలో బయోటెక్నాలజీ ఆవిష్కరణ, పరిశోధన,  అభివృద్ధిలో బలమైన పునాదిని సృష్టిస్తుంది . పెంపొందిస్తుంది.

యు.ఎస్. నేషనల్ సైన్స్ ఫౌండేషన్ (యుఎస్-ఎన్ఎస్ఎఫ్) అనేది యునైటెడ్ స్టేట్స్ లో సైన్స్ , ఇంజనీరింగ్ కు మద్దతు ఇచ్చే స్వతంత్ర సమాఖ్య సంస్థ. ఇది సైన్స్ పురోగతిని ప్రోత్సహించడానికి, జాతీయ ఆరోగ్యం, శ్రేయస్సు , సంక్షేమాన్ని అభివృద్ధి చేయడానికి , గ్రాంట్ల నిర్వహణ ద్వారా జాతీయ రక్షణను సురక్షితం చేయడానికి ఏర్పాటు అయింది. 

****