নোর্থ ইস্ত স্পিসিএল ইনফ্রাস্ত্রকচর দিভেলপমেন্ত স্কিম (NESIDS) অসিবু কম্পোনেন্ত অনি, মিং ওইনা পল্লবদা, NESIDS-রোদ অমসুং NESIDS-ওদর দেন রোদ ইনফ্রাস্ত্রকচর (OTRI) অসিগা লোয়ননা ইং 2022-23দগী 2025-26 ফাওবা লুপা করোর 8139.50 কাইথদুনা মখা চত্থবগী অয়াবসু কেবিনেতনা পীখ্রে। স্কিম অসি কেন্দ্রনা 100% ফন্দিং তৌবা সেন্ত্রেল সেক্তর স্কিম অমনি। হান্না লৈরম্বা নোর্থ ইস্ত রোদ সেক্তর দিভেলপমেন্ত স্কিম (NERSDS) অসিবু NESIDS-রোদ কম্পোনেন্তনচিংবগা পুনশিনবা য়াওবা সরকারগী ৱারেপ অসিনা 15শুবা ফাইনান্স কম্মিসনগী লেমহৌরিবা মতমগী মনুংদা নৌনা শেম্লবা NESIDS চলায়নবা অনৌবা কাঙলোন শেম্বগী তঙাই ফদবা লৈহনখি। মসিগী মতুং ইনবা ওইনা, NESIDSকী কম্পোনেন্ত অনিমকপু য়েংশিন্নবা অমসুং চলায়বগী নৌনা শেম্লবা তোঙানবা গাইদলাইন অমা হৌজিক ফোঙখ্রে। থৌওং অসি মরী লৈনবা স্তেকহোলদরশিংগা কুপ্না খন্ন-নৈনরবা মতুংদা শেমখিবনি। NESIDSকী পান্দমদি অৱাং নোংপোক লমদমদা কন্নেক্তিবিতী য়াওনা মশক খঙদোক্লবা সেক্তরশিংগী ইনফ্রাস্ত্রকচর দিভেলপমেন্ততা তেংবাংবনি।   

‘NECগী স্কিম’ অসিবু ইং 2022-23দগী 2025-26 ফাওবদা লুপা করোর 3202.7 কাইথোক্তুনা মখা চত্থবগী ৱাফমসু কেন্দ্রগী কেবিনেতনা অয়াবা পীখ্রে। ‘NECগী স্কিম’ অসিগী অনৌবা গাইদলাইন অসিসু কুপ্না খন্ন-নৈনরবা মতুংদা ফোঙখ্রে।

মথক্তা পনখ্রিবা MDoNERগী স্কিমশিং অসিনা তোঙান-তোঙানবা কেন্দ্রগী মন্ত্রালয় অমসুং বিভাগশিংনা হোৎনরিবশিংদা নাকল অমদা মতেং পাংগনি অমসুং অতোপ্পা নাকল অমদনা NE রাজ্যশিংগী চাউখৎ থৌরাংগীদমক্তা মথৌ তাবশিংদসু তেংবাংগনি। MDoNER স্কিমশিংনা অৱাং নোংপোক রাজ্য নিপানগী তঙাই ফদবশিংদা অহাঙবা লৈরিবশিংবু প্রোজেক্ত পায়খত্তুনা মেনশিন্নবা হোৎনবদা তেংবাংগনি।

নৌনা ফোঙলবা অকুপ্পা গাইদলাইন অসিগা মন্ত্রালয়না হোৎনরিবা অমসুং NE রাজ্যশিংদা পীরিবা তেংবাংশিংগা পুনশিন্নদুনা পান্দমশিংবু মনুং-মপান ফাওনা উহনবগা লোয়ননা খোঙজেলসু হেন্না য়াঙশিনহনগনি।

******