2022-23গী য়ুনিয়ন বজেৎতা লাউথোকখিবা সরকারনা মপুং ফানা ফন্দিং তৌবা PM-DevINE স্কিমনা সেক্তর গেপশিং কোকহনবগা লোয়ননা নহা অমদি নুপীগী হীংনবগী লম্বী পীদুনা পি.এম. গতীশক্তিগী পরিং মখাদা নোর্থ-ইস্ত ইনফ্রাস্ত্রকচর অমসুং সোসিএল প্রোজেক্তশিং সপ্পোর্ত তৌরি। কেন্দ্রগী মন্ত্রী-মন্দলনা স্কিম অসি 12.10.2022দা অয়াবা পীখি। হন্দক্কী দিপার্তমেন্ত ওফ এক্সপেন্দিচর দিরেক্তিবশিংগী মখাদা MDoNERগী স্কিমশিং রিস্ত্রকচর তৌবনা মরম ওইরগা নৌনা শেম্বা কাংলোনশিং তঙাই ফদে। মমাংদা কাংলোনশিং অসি 29.08.2022দা থোকখি।

12.10.2022দগী চৎনবা হৌখিবা, কাংলোনশিংনা PM-DevINE প্রোজেক্তশিং গভর্ন তৌই। মমাংগী কাংলোনশিংগী (29.08.2022) মখাদা পাইখৎপা থবকশিং অসি 12.10.2022দগী অনৌবা কাংলোনশিংগী মখাদা চৎনখি, মসিনা সমস্যাশিং কোকহন্নবা মতিক চাবা ওথোরিতীগী অয়াবা ঙাইদুনা লৈরি।

'PM-DevINE'গী মখাদা অরুনাচল প্রদেশ, অসাম, মনিপুর, মেঘালয়, মিজোরাম, নাগালেন্দ, সিক্কিম অমসুং ত্রিপুরা য়াওনা অৱাং নোংপোক্কী রাজ্য নিপান কোনশিল্লি। স্কিম অসিনা কোনশিন্দবা মফমদা পাইখৎপা প্রোজেক্তশিং সপ্পোর্ত তৌদুনা দুপ্লিকেসন থোকহনদনবা হৌজিক লৈরিবা ভারত সরকার অমসুং রাজ্য সরকারগী থৌশিলশিং অসিদা কমপ্লিমেন্ত তৌগনি। NEC নত্ত্রগা  কেন্দ্রগী মন্ত্রালয়/এজেন্সীশিংগী খুত্থাংদা ইমপ্লিমেন্ত তৌবগা লোয়ননা রাজ্য সরকারশিং, NEC অমসুং মরী  লৈনবা মন্ত্রালয়শিংগা তান্নদুনা MDoNERনা প্রোজেক্ত সেলেক্সন, এপরুবেল অমসুং মোনিতর তৌরি। কাংলোনশিং অদুনা প্রোজেক্ত আইদেন্তিফিকেসন, সেলেক্সন, DPR প্রিপরেসন, সেঙ্কসন, ফন্দ রিলিজ, মোনিতরিং অমসুং কমপ্লিসন য়াওনা প্রোসেস ময়েক শেংনা পীরি। স্কিমগী ‘কম্পিতেন্ত ওথোরিতী’ অসি MDoNERগী মন্ত্রীনা ওই করিগুম্বা হাপতবা তারবদি।

"PM-DevINE"গী পান্দমশিং অসি MDoNER মন্ত্রালয়গী প্রজা খুদিংমক্কী হিংবগী থাক ফগৎহন্নবা অৱাং নোংপোক লমদমদা তুং কোইনা চাউখৎপা ঙম্নবা খোঙজেল য়াংশিনহন্নবা বোজনগা মান্নৈ। পান্দমশিং অসিদা নহা অমসুং নুপীশিংগী হিংনবগী পাম্বৈ থৌগৎতুনা অমসুং সেক্তরশিংদা লৈরিবা দিবেলপমেন্তেল গেপশিং কোকহন্দুনা ইনফ্রাস্ত্রকচর অমসুং সোসিএল প্রোজেক্তশিংগী খুত্থাংদা খোঙজেল য়াংনা অমসুং কম্প্রিহেন্সিব ওইবা গ্রোথ লৈহনবা য়াওরি।

অৱাং নোংপোক লমদমগী চাউখৎ থৌরাং মন্ত্রালয়গী সেক্রেতরীনা ময়াই তাংবল লৌদুনা এম্পাৱর্দ ইন্তর-মিনিস্ত্রিএল কম্মিতি (EIMC) লিংখৎকনি। কম্মিতি অসিদা মরী লৈনবা লাইন মিনিস্ত্রীশিং, নোর্থ ইস্তর্ন কাউন্সিল অমসুং অতোপ্পা মরী লৈনবা এন্তিতীশিংদগী মীহুৎশিং য়াওগনি।

এম্পাৱর্দ ইন্তর-মিনিস্ত্রিএল কম্মিতি (EIMC) না PM-DevINEগী হীরমগী মনুংদা লৈবা থবক কয়ামরুমগী থৌদাং লৌগনি:

অহানবদা মসিনা মরী লৈনবা ভারত সরকারগী মন্ত্রালয়শিং/বিভাগশিং অমসুং রাজ্য সরকারশিংগী মীহুৎশিংগা পুন্না থবক তৌদুনা ক্বালিতী, ভাইএবিলিতী অমসুং সোসিও-ইকনোমিক ইম্পেক্ততা য়ুম্ফম ওইরগা অহানবগী প্রোজেক্ত প্রপোজেলশিং য়েংশিল্লি। মতুংদা প্রপোজেলশিংদগী প্রোজেক্ত সেলেক্সন তৌনবা রিকম্মেন্দ তৌই।

অনিশুবদা মসিনা সেন্ত্রেল লাইন মিনিস্ত্রীশিং/বিভাগশিংদগী ফীদবেক ইনকোর্পোরেৎ তৌদুনা স্তেৎ লেবেল এম্পাৱর্দ কম্মিতিজ (SLECs)দগী লাকপা ফাইনেল প্রোজেক্ত প্রপোজেলশিং ইভাল্যুএৎ তৌই। মসিনা কম্পিতেন্ত ওথোরিতীদগী এপ্রুবেল লৌনবা চুন্নবা রিকম্মেন্দেসনশিং পীরি।

অহেনবা ওইনা EIMCনা থর্দ পার্তী এজেন্সীশিংগী খুত্থাংদা ওন-সাইৎ ইনস্পেক্সনশিং য়ৌবা মোনিতরিং অমসুং ইভাল্যুএসন মেথদশিং প্রপোজ তৌই। মসিনা NEC/SLEC/সেন্ত্রেল এজেন্সীশিংগী খুত্থাংদা একাউন্তেবিলিতী লৈহন্দুনা প্রোজেক্তকী খোঙজেল য়াংশিল্লি।

কম্মিতি অসিনা PM-DevINE প্রোজেক্তশিং তুং কোইনা চৎনবা পান্দম থমদুনা ওপরেসন অমসুং মেন্তেনেন্সকী মেকানিজমশিং শেম্মি।

অরোইবদা EIMCনা প্রোজেক্ত ইমপ্লিমেন্ত তৌবদা থেংনবা শীংনবশিং নত্ত্রগা গাইদলাইনগী ক্লেরিফিকেসনশিংগী মতাংদা NEC নত্ত্রগা SLECনা ফোর্ৱার্দ তৌবা ইসুশিং কোকহল্লি। মসিনা খুদোংচাদবশিং কোকহন্নবা স্কিমগী প্রোবিজনশিংদা তৌবা য়াবা অপীকপা এদজস্তমেন্তশিং সজেস্ত তৌনবা রিকম্মেন্দেসনশিং পীরি।

EIMC না মথৌ তারকপগী মতুং ইন্না তোইনা উন্নগনি অদুবু থা অহুমদা য়ামদ্রবদা অমুক্তং ওইরবসু উন্নগদবনি। EIMCনা ফিজিকেল্লী, ভর্চুএলী নত্ত্রগা হাইব্রিদ মোদতা নই দিল্লী নত্ত্রগা  NER গী মফম অমা হেক্তদা উনবা য়াই।

স্তেৎ লেবেল এম্পাৱর্দ কম্মিতি (SLEC)

প্লান্নিংগী সেক্রেতরীনা কনভেনর ওইদুনা চীফ সেক্রেতরীনা লুচিংবা স্তেৎ লেবেল এম্পাৱর্দ কম্মিতি (SLEC) অমা রাজ্য সরকারশিংনা লিংখৎকনি। মসিদা রাজ্য সরকারগীগী ফাইনান্স অমসুং মরী লৈনবা বিভাগশিংগী সেক্রেতরীশিং লোয়ননা তেক্নিকেল এক্সপর্তশিং য়াওগনি।  NECনা মাগী প্লান্নিং এদভাইজর নত্ত্রগা দেলিগেৎকী খুত্থাংদা রিপ্রজেন্ত তৌগনি। DoNER মন্ত্রালয় অসি ফাইনান্সিএল এদভাইজর নত্ত্রগা মখোয়গী মীহুৎকা লোয়ননা PM-DevINEগী থৌদাং পুরিবা সিনিয়র ইকনোমিক এদভাইজর/ইকনোমিক এদভাইজর/জোইন্ত সেক্রেতরীনা রিপ্রজেন্ত তৌগনি। মমিং লৈবা ইন্সতিত্যুসনশিংগী মপালগী মীহুৎশিংসু SLEC মীফমশিংদা য়াওহনগনি।

SLECগী ফঙ্কসনশিংদা PM-DevINEগী প্রিলিমিনরী প্রোজেক্ত প্রপোজেলশিং রিভ্যু অমসুং প্রাইওরিতাইজ তৌবা, কাংলোনশিংগী পরিং মখাদা পাইখৎপা, DPR শিং/তেক্নো-ইকনোমিক ইভাল্যুএসনশিং এপ্রুব তৌবা, প্রোজেক্ত ইমপ্লিমেন্তেসন য়েংশিনবা, প্রোজেক্ত মেনেজমেন্ত সিস্তেমশিং ফগৎহনবা, ওপরেসন অমসুং মেন্তেনেন্স মেকানিজমশিং নীংথিনা ইস্তাব্লিশ তৌবা, ইমপ্লিমেন্ত তৌবগী সমস্যাশিং কোকহনবা অমসুং মথৌ তারবদি মোদিফিকেসন প্রপোজ তৌবা য়াওনা হীরম কয়ামরুম কোনশিল্লি।

SLEC মীফম অসি থা অহুমদা য়ামদ্রবদা অমুক্তং ওইরবসু পাঙথোক্কনি অমসুং ফিজিকেল, ভর্চুএল নত্ত্রগা হাইব্রিদ ফোর্মেৎতা পাঙথোকপা য়াই।

স্কিমগী অপীবা মতমগী অয়াবা পীরিবা এক্সপেন্দিচর অসি  EFC অমসুং কেন্দ্রগী মন্ত্রী-মন্দলগী অয়াবগী রিকম্মেন্দেসনশিং ঙাক্না চৎলি। 2022-23 দগী 2025-26গী মতমগী ওইনা লুপা করোর 6,600 গী আউৎলে অয়াবা পীখি, লোয়ননা FY 2022-23গীদমক অহানবগী লুপা করোর 1,500 এল্লোকেৎ তৌখি। মসিগী পান্দমদি পীরিবা মতম অসিদগী হেন্দোকপগী লাইএবিলিতীশিং হন্থহন্নবা 2025-26 ফাওবদা প্রোজেক্ত লোইশিন্নবা হোৎনবনি।

প্রোজেক্ত সেলেক্সনগী মতাংদা অৱাং নোংপোক্কী রাজ্যশিংনা স্তেৎ লোজিস্তিক্স পোলিসী নোতিফাই তৌবা অমসুং লেন্দ রিভেন্যু মেপশিং য়াওনা গতী শক্তি নেস্নেল মাস্তর প্লান দেতা লেয়রশিং অপদেৎ তৌবগা ইরোইননা এম্পাৱর্দ গ্রুপ ওফ সেক্রেতরীজ, নেৎৱার্ক প্লান্নিং গ্রুপ অমসুং তেক্নিকেল সপ্পোর্ত য়ুনিৎকুম্বা গতী শক্তি ইমপ্লিমেন্তেসন মেকানিজমশিং থম্বা তাই। ক্রাইতেরিয়াশিং অসি থুংহনবা ঙমদবা রাজ্যশিংনা 2023-24 দগী হৌনা সেঙ্কসন তৌখিবা অনৌবা PM-DevINE প্রোজেক্ত অমত্তা ফংলোই। প্রোজেক্ত সেলেক্সন অসি স্কিম গাইদলাইনশিং অমসুং প্রোজেক্ত ক্বালিতী ঙাকপা, ভাইএবলিতী অমসুং সোসিও-ইকনোমিক ইম্পেক্ত পীভদা য়ুম্ফম ওইগনি। অমরোমদা অকক্নবা এল্লোকেসন অমা লৈতে, স্কিম অসিদগী অৱাং নোংপোক রাজ্য পুম্নমক্তা কান্নবা পীনবা হোৎনগনি।

বজেৎ 2022-23 দা PM-DevINE তরেৎ হাপখি (এনেক্সর A)। মরী লৈনবা রাজ্য নত্ত্রগা কেন্দ্র সরকারগী বিভাগশীংনা নেগেতিব লিস্ত য়াওদনা স্কিমগী পান্দমগী মখাদা অহেনবা প্রোজেক্ত প্রপোজেলশিং শেমগদবনি। মীৎয়েং চংলিবা সেক্তরশিংদা ইকনোমিক অমসুং সোসিএল ইনফ্রাস্ত্রকচর, হীংনবগী লম্বী পীরিবা এক্তিবিতীশিং, অমসুং গেপ ফিল্লিং (2.1.1) য়াওরি। প্রোজেক্ত প্রপোজেলশিং অসি SLEC নত্ত্রগা কেন্দ্রগী মন্ত্রালয়শিং/বিভাগশিংনা স্তেৎ-পোজ প্রোজেক্তশিং (2.1.2) মরু ওইনা লৌবগা লোয়ননা মখোয় মশাগী রিকম্মেন্দেসনশিংগী খুত্থাংদা রিকম্মেন্দ তৌখিবা অৱাং নোংপোক্কী রাজ্যশিংদগী লাক্কদবনি।

PM-DEVINE গী মখাদা মতম শাংনা মীওই অমদা কান্নবশিং নত্ত্রগা “দাইরেক্ত বেনিফিৎ ত্রান্সফর” পীবা ইলিমেন্ত য়াওনা অকক্নবা প্রোজেক্ত মখলশিং/কম্পোনেন্তশিং ইলিজিবল ওইদে। অহেনবা ওইনা মরী লৈনাবা লাইন মিনিস্ত্রীশিংনা (দুপ্লিকেসন তৌদনবা) হান্না ফন্দ নত্ত্রগা ত্রান্সফর তৌখ্রবা প্রোজেক্তশিং, লেন্দ/সাইৎ এক্বিজিসন অমসুং  স্তাফ এক্সপেন্সশিং কোনশিল্লোই। স্কিম অসিদা সরকারগী লোইশঙ/ওফিস নত্ত্রগা মথৌ তাবা ইন্সতিত্যুসনগী এদমিনিস্ত্রেতিব বিল্দিং শাবগী প্রোজেক্তশিং য়াওরোই। MDoNER স্কিমনা হান্নদগী কোনশিনবা সেক্তরশিং ইলিজিবল ওইরোই। মখা তানা MDoNERনা থোকপা নেগেতিব লিস্ততা য়াওবা সেক্তর-স্পেসিফিক প্রোজেক্ত অমত্তা PM-DEVINE গী মখাদা কোনশিল্লোই।

PM-DEVINE স্কিমনা প্রোজেক্ত সাইজ অমসুং সপ্পোর্ত দিতেলশিং পীরি। প্রোজেক্তশীং অসি কোস্ত এস্তিমেসনগীদমক মরী লৈনবা কেন্দ্রগী লাইন দিপার্তমেন্ত/রাজ্য সরকারগী খ্বাইদগী নৌবা সেদ্যুল ওফ রেৎ (SOR) শীজিন্নদুনা য়ামদ্রবদা লুপা করোর 20দগী য়াম্লবদা লুপা করোর 500গী শেনফম ওইগদবনি। SORশিং য়াওদবা তারবদি এস্তিমেৎশিং অদু শকখঙলবা ইন্সতিত্যুসনশিং নত্ত্রগা NEC গী তেক্নো-ইকনোমিক ভেত্তিং ঙাক্তুনা ভারত সরকারগী লাইন মিনিস্ত্রীগী হৌজিক লৈরিবা রুল অমসুং প্রেক্তিস ঙাক্তুনা মরী লৈনবা বিভাগশিংনা শেমগদবনি।

তেক-দ্রিবন মোনিতরিং আর্কিতেকচর য়াওবা প্রোজেক্ত ফেসশিং, প্রোজেক্ত মেনেজমেন্ত য়ুনিৎ লিংখৎপা, কেপাসিতী বিল্দিংনচিংবা য়াওরগা “এদমিনিস্ত্রেতিব  এোমগী ক্সপেন্সেস”কীদমক 1%গী অয়াবা পীরবা আউৎলে অমা এল্লোকেৎ তৌখি। অপুনবা প্রোজেক্ত কোস্ততা য়াওফম থোকপা GST, CGST অমসুং SGST হাপ্লগা সেঙ্কসন তৌনবগী প্রোজেক্ত DPR পীশিনগদবনি।

প্রোজেক্ত লোইরবা মতুং অহানবা চহি মরিগী ওপরেসন্স এন্দ মেন্তেনেন্স (O&M) কোস্ত অসি প্রোজেক্ত কোস্তকী শরুক ওইগদবনি। চহি মরিগী মতুংদা O&Mগী প্রপোজ মেকানিজম সপ্পোর্ত তৌবা অসি DPRদা হাপকদবনি অমসুং EIMC মীফমদা পুথোক্কদবনি। স্পেসিফাইদ তৌবা নত্তনা প্রোজেক্ত লোইবগী অহানবা চহি মরিগী মতুংদা O&Mগী কোস্তশিং অসি মরী লৈনবা রাজ্য সরকারনা পুথোক্কদবনি।

MDoNERদা প্রোজেক্ত সেলেক্সন তৌবা

প্রোজেক্ত প্রপোজেলশিং নত্ত্রগা কনসেপ্ত নোৎ লাকপদা MDoNERনা মদুবু মরী লৈনবা কেন্দ্রগী লাইন মিনিস্ত্রীশিং/বিভাগশিং, NITI আয়োগ অমসুং IFD MDoNER (এপ্লিকেবল ওইবদা)দা চয়োল 2গী মনুংদা প্রিলিমিনরী কম্মেন্তশিং লৌনবা শিয়র তৌগনি। পাৱর অমসুং ৱাতরগুম্বা রিগ্যুলেতেদ সেক্তরশিংগী প্রোজেক্তশিংগীদমক মরী লৈনবা ওথোরিতীশিংদগী ইনপুৎ কৌগনি। প্রিলিমিনরী কম্মেন্তশিংনা হৌজিক লৈরিবা স্কিমশিংগী মখাদা ফন্দিং তৌবগী ওইথোকপা, তেক্নোলোজী ওপ্সনশিং, কোস্তকী কাংলোন, DPR প্রজেন্তেসনগীদমক কনভর্জেন্স কন্সিদর তৌবা অমসুং PM-DevINEদা ইনক্লুজন তৌনবগী ওইথোকপা য়াবা জেনরেল প্রোজেক্ত রিকম্মেন্দেসনশিং য়াওনা মরু ওইবা হীরমশিংগী মতাংদা য়াওগদবনি।

মোনিতরিং অমসুং ইভাল্যুএসন মেকানিজম

PM-DevINE ইমপ্লিমেন্ত তৌবা অসি ফাইনান্স মন্ত্রালয়গী কনকুরেন্ত মোনিতরী অমসুং মিদ-তর্ম ইভাল্যুএসন দাইরেক্তিবশিং ঙাক্না চৎকদবনি। সেঙ্কসন তৌখিবা প্রোজেক্তশিং মোনিতর তৌবগী থৌদাংশিং রাজ্য সরকারনা পুগনি, ইমপ্লিমেন্তিং এজেন্সী, স্তেৎ প্লান্নিং দিপার্তমেন্ত অমসুং SLECগী দেজিগনেতেদ ওফিসরশিংনা মেনেজ তৌগনি। মসিগী পান্দমদি অকক্নবা মতম, কোস্ত, অমসুং ক্বালিতী স্তেন্দর্দশিংগী মনুংদা প্রোজেক্তশিং লোইশিনবনি।

প্রোজেক্ত মোনিতর তৌনবা মপাঙ্গল কনবা রাজ্য সরকারগী মেকানিজম লৈবা তঙাই ফদে। বিভাগকী মকোকশিংনা নোদেল ওফিসরশিং ওইনা, সেক্রেতরী (প্লান্নিং)না চীফ নোদেল ওফিসর ওইনা থৌ পুদুনা য়েংশিনগনি। SLEC মীফমশিংদা মমাংদা সেঙ্কসন তৌখিবা প্রোজেক্তশিং মোনিতর তৌবা, ক্বাতর অমগী অরোইবগী চয়োল অহুমগী মনুংদা ক্বাতর্লী প্রোগ্রেস রিপোর্তশিং ইমপ্লিমেন্তিং এজেন্সীশিং পীবা অসি য়াওগদবনি। করোর 100গী মথক্কী প্রোজেক্তশিংগী ওইনা অকক্নবা মাইলস্তোনশিংদা 25%, 50%, 75%, অমসুং 100% ফিজিকেল প্রোগ্রেস লৈনবা তাঙ্কক নাইনা য়েংশিনগনি।

ফিল্দ তেক্নিকেল সপ্পোর্ত য়ুনিৎশিং (FTSUs) না NEC অমসুং MDoNERদা থাগী প্রোগ্রেস রিপোর্ত তৌগদবনি। রিপোর্তশিং অসি কনসিস্তেন্সী লৈহন্নবা প্রোজেক্ত ইমপ্লিমেন্তিং এজেন্সীশিংআ কাউন্তরসাইন তৌগদবনি। NEC না মাগী সেক্তরশিংগী খুত্থাংদা প্রোজেক্তশিং রিভ্যু তৌগনি লোয়ননা ওবজর্বেসনশিং অদু মরী লৈনবা SLEC অমসুং EIMCদা রিভ্যু মীতিং মমাংদা পীশিনগদবনি। MDoNERনা সেম্পল-বেজ ইনস্পেক্সনশিং চত্থগনি। ইনফোর্মেসন তেক্নোলোজী অমসুং স্পেস তেক্নোলোজী (জিও-তেগ্গিং, NeSDR) অসিবু ইমপ্লিমেন্তিং এজেন্সীশিংনা NECগী তেক্নোলোজী প্লেৎফোর্ম অমসুং গাইদেন্সনা মতেং পাংদুনা মসি শীজিন্নবা পুক্নীং থৌগৎখি। EIMC না রিকম্মেন্দ তৌরকপগী মতুং ইন্না করোর 100 হেনবা প্রোজেক্তশিংগীদমক অখন্ননা কনকুরেন্ত মোনিতরিং তৌনবা থর্দ-পার্তী মোনিতরশিং থমগনি।

***