پنچایتی راج کی وزارت (MoPR)، حکومت ہند، پنچایتی راج اور دیہی ترقی کے محکمے، حکومت جموں و کشمیر کے ساتھ قریبی تعاون سے، تھیم 8 پر موضوعاتی نقطہ نظر کو اپنانے کے ذریعے گرام پنچایتوں میں پائیدار ترقی کے اہداف کی لوکلائزیشن پر 21 سے 23 اگست 2023 کے دوران سری نگر جموں و کشمیر میں قومی ورکشاپ کا انعقاد کر رہی ہے۔ مرکزی دیہی ترقی اور پنچایتی راج کے وزیر جناب گری راج سنگھ کل اگست میں جموں و کشمیر کے لیفٹیننٹ گورنر جناب منوج سنہا اور پنچایتی راج کے مرکزی وزیر مملکت جناب کپل موریشور پاٹل کی موجودگی میں تین روزہ ورکشاپ کا افتتاح کریں گے۔

اس قومی ورکشاپ کا افتتاح پنچایتی راج کی وزارت کے سکریٹری جناب سنیل کمار، جموں و کشمیر حکومت کے چیف سکریٹری جناب ارون کمار مہتا، ڈاکٹر چندر شیکھر کمار، ایڈیشنل سکریٹری، ایم او پی آر، محترمہ مندیپ کور، کمشنر اور سکریٹری، آر ڈی اینڈ پی آر ڈیپارٹمنٹ، حکومت جموں و کشمیر، جناب وکاس آنند، جوائنٹ سکریٹری، ایم او پی آر، ڈاکٹر بجے کمار بہیرا، اقتصادی مشیر، ایم او پی آر اور دیگر معززین اور مقامی عوامی نمائندوں کی موجودگی میں کیا جائے گا۔ حکومت ہند اور ریاستی حکومتوں کے سینئر افسران، اقوام متحدہ/ بین الاقوامی ایجنسیوں کے نمائندوں اور ملک بھر سے پنچایتی راج اداروں کے تقریباً 1000 منتخب نمائندوں کے بھی اس موقع پر شرکت کی توقع ہے۔

پنچایتی راج کی وزارت اور میری پنچایت موبائل ایپ کی طرف سے تیار کردہ ’میری پنچایت موبائل ایپ‘، این سی بی ایف کے آپریٹنگ رہنما خطوط، سروس لیول کے بینچ مارکس، خود تشخیص اور ماڈل کنٹریکٹ کو قومی ورکشاپ کے افتتاحی اجلاس کے دوران جاری کیا جائے گا۔

ملک بھر سے اور پورے جموں و کشمیر سے پنچایتی راج اداروں کے منتخب نمائندے اور کارکنان قومی ورکشاپ میں شرکت کریں گے۔ جن پنچایتوں نے موضوعاتی علاقوں میں پہل کی ہے انہیں ورکشاپ میں شرکت کی دعوت دی گئی ہے۔

شرکا پنچایتوں کے منتخب نمائندوں اور عہدیداروں، اہم اسٹیک ہولڈروں، ڈومین کے ماہرین اور ایجنسیوں پر مشتمل ہوں گے جو گڈ گورننس کی 5 ٹی (T) میں مثالی کام کر رہے ہیں: ٹیم ورک، ٹائم لائن، شفافیت، ٹیکنالوجی اور تبدیلی۔ ریاستی محکمہ پنچایتی راج اور دیہی ترقی، محکمہ منصوبہ بندی، این آئی آر ڈی اینڈ پی آر، ایس آئی آر ڈی اور پی آر، پنچایتی راج ٹریننگ انسٹی ٹیوٹ کے تمام ریاستوں/ مرکز زیر انتظام علاقوں کے نمائندے بھی ورکشاپ میں شرکت کریں گے۔ مختلف ریاستوں/ مرکز زیر انتظام علاقوں سے منتخب گرام پنچایتوں کے منتخب نمائندے اور کارکنان مختلف تکنیکی اجلاسوں/ پینل مباحثوں کے دوران 3 سے 4 منٹ کی مختصر ویڈیو فلم کی پیشکش کے ذریعے متعلقہ موضوعاتی علاقے میں اپنے تجربات کا مظاہرہ کریں گے۔

اس ورکشاپ کا بنیادی مقصد بہترین حکمت عملی، نقطہ نظر، جامع طرز عمل اور اختراعی ماڈل اور بہترین طریقوں، نگرانی کے فریم ورک، صلاحیت کی تعمیر اور تربیت کے تناظر میں اور گرام پنچایت ترقیاتی منصوبہ (جی پی ڈی پی) میں ایس ڈی جی موضوعات کی عکاسی کرنا ہے۔

پس منظر:

اقوام متحدہ کے منظور کردہ پائیدار ترقی کے اہداف یکم جنوری 2016 سے نافذ العمل ہیں۔ پنچایتی راج کی وزارت، حکومت ہند نے پائیدار ترقی کے اہداف کے لیے ایک موضوعی نقطہ نظر اپنایا ہے۔ یہ ایک ’عالمی منصوبہ‘ حاصل کرنے کے لیے ’مقامی کارروائی‘ کو یقینی بنانے کا طریقہ ہے۔ اس نقطہ نظر کا مقصد پی آر آئی، خاص طور پر 17 ’اہداف‘ کو ’9 تھیمز‘ میں ملا کر دیہی علاقوں میں پائیدار ترقی کے اہداف کو مقامی بنانا ہے۔ مناسب پالیسی فیصلوں اور ترامیم کے نتیجے میں راشٹریہ گرام سوراج ابھیان (آر جی ایس اے) اور گرام پنچایت ترقیاتی منصوبہ (جی پی ڈی پی) کے رہنما خطوط میں بہتری آئی ہے، جو گرام پنچایتوں میں پائیدار ترقی کے اہداف (ایل ایس ڈی جی) کے لوکلائزیشن کے عمل کو ہموار کرتے ہیں۔

ایل ایس ڈی جی کا وژن تھیم 8 - اچھی حکمرانی ملک کی سماجی و اقتصادی ترقی کے لیے ایک لازمی جزو ہے۔ یہ حکومت اور گورننگ باڈی کی ذمہ داری کے ارد گرد مرکوز ہے کہ وہ معاشرے میں منتخب گروپوں کے برخلاف عوام کی ضروریات کو پورا کریں – ”جس طرح سے طاقت کے حامل افراد اس طاقت کو استعمال کرتے ہیں۔

گڈ گورننس کا خدمات کی ترسیل اور ترقی سے براہ راست تعلق ہے ٹیم ورک ٹیکنالوجی کے 5 ٹی (T) ستونوں کا فریم ورک، ٹائم لائن، شفافیت اور تبدیلی اچھی حکمرانی کے لیے ضروری ہے۔ یہ گرام پنچایتوں کی ذمہ داری کے ارد گرد مرکوز ہے کہ وہ تمام شہری خدمات کو بر وقت مؤثر اور شفاف طریقے سے فراہم کرکے لوگوں کی خدمت کریں۔

گڈ گورننس والے گاؤں میں لازمی طور پر بہت متحرک، مضبوط اور فعال گرام سبھا ہونی چاہیے جس میں عوام کی بڑی شرکت، باخبر بحث اور جامع فیصلہ سازی کا یہ تصور کیا گیا ہے کہ گرام پنچایت ایک معلوماتی سہولت مرکز کے طور پر کام کرتی ہے جس میں تمام معلومات کا فعال انکشاف، شکایات کے ازالے کا ایک مؤثر طریقہ کار بھی شامل ہے۔

************

ش ح۔ ف ش ع- م ف

U: 8594