রিপব্লিক দে, ২০২৪গী থৌরমদা লাউথোক্কদবা পদ্ম এৱার্দস ২০২৪গীদমক ওনলাইন নোমিমেসন/ রিকমেন্দেসন ২০২৩গী মে ১দা হাংদোকখি। পদ্ম এৱার্দসকীদমক নোমিনেসনগী অরোইবা নুমিৎ ২০২৩গী সেপ্তেম্বর ১৫নি। পদ্ম এৱার্দসকীদমক নোমিমেসনশিং/ রিকমেন্দেসনশিং ওনলাইন ওইনা রাস্ত্রিয়া পুরুস্কার পোর্তেল (https://awards.gov.in)দা লৌশিনগনি।

পদ্ম এৱার্দশিং, মমিং পল্লবদা পদ্ম বিভুশন, পদ্ম ভুশন অমসুং পদ্ম শ্রী অসি লৈবাক অসিগী খ্বাইদগী ৱাংবা সিভিলিয়ান এৱার্দশিংগী মরক্তা অমনি। ১৯৫৪দা হৌদোকখিবা এৱার্দশিং অসি চহি খুদিংগী রিপব্লিক দেগী থৌরমদা লাউথোকই। এৱার্দ অসিনা ‘থোইদোক হেন্দোকপা থবক’পু মশক তাক্লি অমসুং মসি কলা, সাহিত্য অমসুং এজুকেসন, স্পোর্তস, মেদিসিন, সোসিয়েল ৱার্ক, সাইন্স অমসুং ইঞ্জিনীয়রিং, পব্লিক এফিয়ার্স, সিভিল সর্বিস, ত্রেদ অমসুং ইন্দস্ত্রী অসিনচিংবা ফিল্দ/দিসিপ্লিন পুম্নমক্তা অথোইবা অমসুং থোইদোক হেন্দোকপা এচিবমেন্তশিং/সর্বিসকীদমক পীরি। জাতি, ওকুপেসন, ফম নত্রগা সেক্সকী খেৎনবা লৈতনা মীপুম খুদিংমক এৱার্দশিং অসিগীদমক এলিজিবল ওই। পি.এস.য়ু.শিংদা থবক তৌরিবা য়াওনা সরকারগী কর্মচারি পুম্নমক, দোক্তরশিং অমসুং সাইন্তিস্তশিং নত্তনা পদ্ম এৱার্দশিংগীদমক এলিজিবল ওইদে।

সরকারনা পদ্ম এৱার্দশিংবু “পিপল্স পদ্ম”দা ত্রান্সফোর্ম তৌনবা লেপ্লে। মরম অদুনা নাগরিক পুম্নমক সেল্ফ নোমিনেসন য়াওনা নোমিনেসনশিং/রিকমেন্দেসনশিং থারক্নবা হায়জরি।

নোমিনেসনশিং/রিকমেন্দেসনশিং অসিদা মথক্তা পনখিবা পোর্তেলদা য়াওরিবা ফোর্মেত্তা নেরেতিব ফোর্মদা সাইতেসন অমা (য়াম্লবদা ৱাহৈ ৮০০), মহাক্কী মরী লৈনবা ফিল্দ/দিসিপ্লিনদা রিকমেন্দ তৌরিবা মীওই অদুগী অথোইবা অমসুং থোইদোক হেন্দোকপা এচিবমেন্তশিং/সর্বিসকী মরীক চুম্বা ৱারোল য়াওনা মরীলৈনবা অকুপ্পা ৱারোল পুম্নমক য়াওগদবনি।

মসিগী অকুপ্পা ৱারোলশিং মিনিস্ত্রী ওফ হোম এফিয়ার্সকী ৱেবসাইত (https://mha.gov.in)দা ‘এৱার্দস এন্দ মেদলস’ হেদিংগী মখাদা অমসুং পদ্ম এৱার্দস পোর্তেল (https://padmaawards.gov.in )দসু ফংলি। এৱার্দশিং অসিগা মরী লৈনবা আইন অমসুং চৎন কাংলোনশিং https://padmaawards.gov.in/AboutAwards.aspx ৱেবসাইতকী লিঙ্কদা ফংলি।

*****