নহারোল অমসুং শান্ন-খোৎনবগী মন্ত্রালয়
য়ুথ এফিয়ার্স অমসুং স্পোর্তস মন্ত্রালয়না হোস্ত ওইদুনা জি২০গী মখাদা ৱাই২০ সম্মিত আই.আই.তি. বি.ঐচ.য়ু.দা সুপর কম্প্যুতিং সেন্তর অমসুং প্রিসিসন ইঞ্জিনীয়রিং হবকী খোংচৎকা লোয়ননা হৌখ্রে
শ্রী অনুরাগ থাকুর অমসুং শ্রী য়োগি অদিত্যনাথনা হয়েং হৌদোকপগী থৌরমদা শরুক য়াগনি
Posted On:
17 AUG 2023 6:35PM by PIB Imphal
য়ুথ এফিয়ার্স অমসুং স্পোর্তস মন্ত্রালয়গী য়ুথ এফিয়ার্স বিভাগনা হোস্ত তৌবা জি২০গী মখাদা ৱাই২০ সম্মিত ঙসি বেনারস হিন্দু য়ুনিবর্সিতী, বরানাসিদা সুপর কম্প্যুতিং সেন্তর অমসুং প্রিসিসন ইঞ্জিনীয়রিং হবকী খোংচৎকা লোয়ননা হৌখ্রে।
মসিদা ৱাই২০ দেলিগেৎশিংবু তেক্নোলোজী অসিগী খুত্থাংদা মতৌ করম্না অহেনবা এপ্লিকেসন দোমেনশিং অমসুং ক্রিতিকেল মিসনশিং কনভর্ত তৌবগী পান্দম ফংবা য়াবগে হায়বগী মতাংদা খংহনখি। আই.আই.তি. বি.ঐচ.য়ু.গী ফেকলতী মেম্বরশিংনা মতৌ করম্না সুপর কম্প্যুতর সেন্তরনা সাইন্স অমসুং তেক্নোলোজীগী এরিয়াদা লৈবাক্কী রিসর্স অমসুং দিবলপমেন্ত চাউখৎহনবগে হায়বদু উৎখি।
![](https://static.pib.gov.in/WriteReadData/userfiles/image/image0016Q9S.jpg)
![](https://static.pib.gov.in/WriteReadData/userfiles/image/image002725I.jpg)
![](https://static.pib.gov.in/WriteReadData/userfiles/image/image003YAKW.jpg)
খোংচৎ অসিগী মতুংদা বরানাসিগী রুদ্রক্ষ ইন্তরনেস্নেল কোওপরেসন এন্দ কনভেন্সন সেন্তর (আর.আই.সি.সি.সি.)দা আই.আই.তি. - বি.ঐচ.য়ু.না সেসনশিং অমসুং প্রজেন্তেসন পাংথোকখি। প্রজেন্তেসন অসি লেপ্পা লৈতনা চাউখৎলক্লিবা আই.আই.তি. বি.ঐচ.য়ু. ইন্সতিত্যুৎ অমসুং ভারতপু মপাঙ্গল কনখৎহনবদা তেক্নিকেল এজুকেসনদা মসিগী মরুওইবা থৌদাং উৎপগা লোয়ননা হৌদোকখি। আই.আই.তি. বি.ঐচ.য়ু.গী সেসনশিংদা হৌজিক চত্থরিবা রিসর্স এক্তিবিতীশিং, প্লেসমেন্ত এক্তিবিতীশিং, ইনোবেসন, ইনক্যুবেসন অমসুং স্তার্তঅপ কলচরদা মীৎয়েং থমখি। থৌরমগী শরুক অমা ওইনা আই.আই.তি., বি.ঐচ.য়ু.গী তেলেন্ত লৈরবা মহৈরোইশিংনা ইশৈ নোংমাই য়াওনা গরবা, ওদিসি, ভারতনাত্যম, কথক অমসুং ভাঙ্গরাগুম্বা ক্লাসিকেল দান্স পর্ফোমেন্সশিংনা থল্লবা কলচরেল পর্ফোমেন্স অমা উৎখি।
তুংদা নুমিদাংৱাইরম দেলিগেৎশিং অমসুং শরুকয়ারিবশিংনা সরনাথ চৎখি অমসুং মখোয়না বরানাসিগী সংস্কৃতি য়েংখি। সরনাথকী খোংচৎ মনুংদা মখোয়না মালেমগী অহানবা বুদ্ধিস্ত পিলগ্রিমেজ সেন্তর অমা ওইরিবা মফম অসিগী সংস্কৃতিগী শহুমগী এক্সপরিয়েন্স লৌখি। সরনাথদা দেলিগেৎশিং আর্কিওলোজিকেল ম্যুজিয়মদা চৎখি, মদুদা সরনাথকী শজি পার্ক মৃগদাবদা ভগবান বুদ্ধগী অহানবা পাউতাক পীখিবা সাইত্তগী ফংবা বুদ্ধিস্ত কলচরেল ৱেল্থ উৎখি। দেলিগেৎশিংনা মমল নায়দ্রবা বুদ্ধিস্ত কলচরেলগী লনগৈ অমা ওইরিবা সরনাথ ম্যুজিয়ম এক্সপ্লোর তৌখি। ৱাই২০ সম্মিতকী অহানবা নুমিৎ অসি গৌতম বুদ্ধগী পুন্সী খোংচৎ লীদুনা তাকপা শুমহৎপনা থল্লবা লাইত অমসুং সাউন্দ শোগা লোয়ননা লোইশিনখি।
জি২০ প্রসিদেন্সীগী ফ্রেমৱার্ক্কী মখাদা ভারত সরকারগী য়ুথ এফিয়ার্স অমসুং স্পোর্তস মন্ত্রালয়গী য়ুথ এফিয়ার্স বিভাগনা উত্তর প্রদেশকী বরানাসিদা ২০২৩গী ওগস্ত ১৭দগী ২০ ফাওবা য়ুথ ২০ সম্মিত-২০২৩ ওর্গনাইজ তৌরি।
হয়েং ৱাই২০ সম্মিত হৌদোকপগী সেসনদা য়ুথ এফিয়ার্স অমসুং স্পোর্তসকী কেন্দ্র মন্ত্রী মন্ত্রী শ্রী অনুরাগ সিংহ থাকুর, য়ুথ এফিয়ার্স অমসুং স্পোর্তসকী কেন্দ্র রাজ্য মন্ত্রী শ্রী নিসিথ প্রমানিক অমসুং উত্তর প্রদেশকী মুখ্য মন্ত্রী শ্রী য়োগী অদিত্যনাথনা শরুক য়াগনি।
ৱাই২০ কম্যুনিক অসিনা মশক খংদোক্লবা ৱাই২০ থীম মঙাদা ঐখোয়গী কমন ভিজনগী সবসতেন্স উৎলগনি অমসুং মালেমগী নহাশিংগী অপুনবা দিবলপমেন্তগীদমক পোলিসীদা খ্বাইদগী ৱাংবা থাক্কী ৱারেপ লৌরিবা মখোয়শিংদা নহাশিংগী খোল্লাও শোইদনমক্কী য়ৌহল্লগনি।
****
(Release ID: 1950544)
Visitor Counter : 93