প্রধান মন্ত্রী, শ্রী নরেন্দ্র মোদীনা ঙসি ময়াই তাংবল লৌদুনা ফমখিবা কেবিনেৎ কম্মিতি ওন ইকনোমিক এফিয়র্সনা কেন্দ্র সরকারদগী 100% ফন্দিং তৌবগা লোয়ননা লুপা করোর 32,500 রোমগী শেনফম চংগদবা রেলৱেজ মন্ত্রালয়গী প্রোজেক্ত তরেৎ অয়াবা পীখ্রে। মলতি-ত্রেকিংগী প্রপোজেলশিং অসিনা ওপরেসনশিং লাইথোকহল্লগনি অমসুং কঞ্জেসন হন্থহল্লগনি, মসিনা ইন্দিয়ন রেলৱেজকী খ্বাইদগী চিনবা সেক্সনশিংদা মথৌ তাবা ইনফ্রাস্ত্রকচরগী শেমগৎ-শাগৎপা ঙমহল্লগনি।

রাজ্য 9দা হায়বদি উত্তর প্রদেশ, বিহার, তেলঙ্গানা, আন্ধ্র প্রদেশ, মহারস্ত্র, গুজরাত, ওরিশা, ঝারখন্দ অমসুং ৱেস্ত বেঙ্গোলদা লৈবা জিলা 35 কোনশিল্লিবা প্রোজেক্তশিং অসিনা ইন্দিয়ন রেলৱেজকী হৌজিক লৈরিবা নেৎৱার্ক অসিবু 2339 Km হেনগৎহনগনি অমদি রাজ্যশিং অসিগী মীয়ামদা মেন-দে করোর 7.06কী থবক পীরগনি।

প্রোজেক্তশিংদা য়াওরিবা:

মসি চেং-হরাই, হার, কোইলা, সিমেন্ত, ফ্লাই-এশ, য়োৎ অমসুং ফিনিশ স্তীল, ক্লিঙ্কর, ক্রুদ ওইল, লাইম স্তোন, অচাথাওনচিংবগুম্বা কম্মোদীতীশিংগী বাস্কেৎ কয়ামরুম পুথোক-পুশিনবগী তঙাই ফবদা লম্বেলশিং ওইরি। কেপাসিতী হেনগৎহনবগী থবকশিং অসিনা 200 MTPA (মিলিয়ন তনস পর এনম)গী মেগনিচুদ ওইবা অহেনবা ফ্রৈৎ ত্রাফিক হাপচিনবা ঙমহল্লগনি। রেলৱেজ অসি এনভাইর্নমেন্ত ফ্রেন্দলী ওইবা অমসুং ত্রান্সপোর্তেসনগী ইনর্জী ইফিসিএন্ত মোদ ওইবনা ক্লাইমেৎ গোলশিং ফংবদা অমসুং লৈবাক্কী লোজিস্তিক্স  কোস্ত হন্থহনবদা মতেং ওইরগনি।

প্রধান মন্ত্রীগী ন্যু ইন্দিয়া বিজনগী পরিং মখাদা পাইখৎলিবা প্রোজেক্তশিং অসিনা লমদম অসিদা মলতি-তাস্কিং ৱার্ক ফোর্স শেমগৎতুনা লমদম অসিগী মীয়ামবু “আত্মনির্ভর” ওইহল্লগনি অমসুং মখোয়গী থবক ফংবা/মশানা মশাদা থবক পীজবগী খুদোংচাবশিং হেনগৎহল্লগনি।

প্রোজেক্তশিং অসি ইন্তিগ্রেতেদ প্লান্নিংগী খুত্থাংদা ওইথোকখিবা মলতি-মোদেল কন্নেক্তিবিতীগীদমক লৈরিবা পি.এম.-গতী শক্তি নেস্নেল মাস্তর প্লানগী ফলনি অমসুং মীয়ামগী চত্থোক-চৎশিন তৌবা, পোৎচৈশিং পুবা অমসুং সর্ভিসশিং ফংহনবদা অপনবা লৈতবা কন্নেক্তিবিতী ফংহল্লগনি।

****