মীয়ামদা দিজিতেলগী থবকশিং ফংবা ঙমহন্নবা জুলাই ১,২০১৫ দা দিজিতেল ইন্দিয়া প্রোগ্রাম হৌদোকখিবনি। মসি য়াম্না মাইপাকপা থৌরম অমা ওইরে।

ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা কাইথোক্তুনা দিজিতেল ইন্দিয়া প্রোগ্রাম পাকথোক-চাউথোক্নবগী অয়াবা পীরে। মসিগী কাইথোক্লিবা শেনফম্না লুপা করোর ১৪,৯০৩ নি।

মসিদা মখাগী থবকশিং অসি পাংথোক্কনি:

• • ফিউচর স্কিলস প্রাইম প্রোগ্রামগী মখাদা আই.তিগী শীনফমদা লৈরিবা মীওই লাখ ৬.২৫ রি-স্কিল অমসুং অপ-স্কিলগী খুদোংচাবা পীগনি;
  • ইনফোর্মসন সেকুরিতি এন্দ ইজুকেসন এৱারনেস ফেজ প্রোগ্রামগী মখাদা মীওই লাখ ২.৬৫ ত্রেনিং পীগনি;
  • উমং এপ্পকী মখাদা  অহেনবা থবক ৫৪০ ফংহল্লগনি। হৌজিক উমং এপ্পতা থবক ১,৭০০ ফংলি;
  • নেসনেল সুপর কম্পুতর মিসনগী মখাদা অহেনবা সুপর কম্পুতর ৯ হাপচিল্লগনি। মসি হান্নগী সুপর কম্পুতর ১৮গী মথক্তা হাপচিনগদবনি;
  • এ.আই শীজিন্নবা লোল কয়াদা হন্দোকপা ঙম্বা খুৎলায় ভাসিনি সেদুল ২২ লোল ৮দা ফংহল্লগনি, হৌজিক লোল ১০দা ফংলি;
  • মহৈলোয়শঙ ১,৭৮৭ শম্নহন্দুনা নেসনেল নোলেজ নেতৱার্ক মতমগা চুনবা মওংদা শেমগৎলে;
  • এম.এস.এম.ইশিং অমসুং অতোপ্পা লুপশিংদা দিজিলোক্করগী মখাদা দিজিতেল দোকুমেন্ত ভেরিফিকেসনগী খুদোংচাবা পীরগনি;
  • তয়ার ২/৩ সহরশিংদা স্তার্দঅপ ১২০০ মতেং পাংগনি;
  • হকশেল, লৌউ-শিংউ অমসুং সহরশিং চাউখৎনবা লমদা এ.আইগী সেন্তর ওফ এক্সলেন্স ৩ লিংখৎকনি;
  • কলেজ মহৈরোয় করোর ১২দা সাইবর এৱারনেস কোর্সশিং পীগনি;
  • সাইত ২০০ হেন্না নেসনেল সাইবর কোওর্দিনেসন সেন্তরদা পুনশিন্দুনা অমসুং তুলশিং শেমগৎপা য়াওনা সাইবর সেকুরিতিগী লমদা অনৌবা থবকশিং পায়খৎপা;
• ঙসি লাউথোকলিবা অসিনা ভারতকী দিজিতেল ইকোনোমি চাউখৎকনি, থবকশিং দিজিতেল ওইনা পাংথোকপা হেনগৎহনগনি অমসুং ভারতকী আই.তি অমসুং ইলেক্ত্রোনিক্সগী থবকশিং ফগৎহনগনি।

***