அறிவை வளர்ப்பதற்கும், இளைஞர்களுக்கு அதிகாரமளிப்பதற்கும் ஒரு முக்கியப் படியாக, இந்திய ராணுவம் பெருமையுடன் 'மனங்களின் போர்பேட்டில் ஆஃப் மைண்ட்ஸ்)' -இந்திய ராணுவ வினாடி வினா 2023ஐ அதன் வசீகரிக்கும் லோகோவுடன் இன்று தில்லி கன்டோன்மென்டில் உள்ள மானெக்சா மையத்தில் வெளியிட்டது. கார்கில் வெற்றி தின  கொண்டாட்டங்களின் 25வது ஆண்டு தொடக்கத்தை அறிவிக்கும் வகையில், இந்த வினாடி வினா போட்டி கார்கில் போரில் இந்திய ஆயுதப் படைகளின் வெற்றியைக் கொண்டாடுகிறது. அந்த வெற்றியை சாத்தியமாக்கியவர்களின் தைரியம் மற்றும் தீரத்திற்கு  மனமார்ந்த அஞ்சலியை செலுத்துகிறது. புதிதாக வெளியிடப்பட்ட லோகோவால் அடையாளப்படுத்தப்பட்ட இந்த மைல்கல் முன்முயற்சி, அறிவுசார் முயற்சியை வளர்ப்பதற்கும், நாடு முழுவதும் உள்ள இளைஞர்களை ஊக்குவிப்பதற்கும் ராணுவத்தின் உறுதிப்பாட்டை அடிக்கோடிட்டுக் காட்டுகிறது. இந்நிகழ்வு கடந்த காலத்தைக் கொண்டாடுவதோடு, இளைஞர்களிடையே ஆர்வத்தையும் கற்றல் உணர்வையும் தூண்டுவதையும், நாளைய தலைவர்களை உருவாக்குவதையும் நோக்கமாகக் கொண்டுள்ளது.

இந்த நிகழ்ச்சியில் ராணுவ துணை தளபதி லெப்டினன்ட் ஜெனரல் எம்.வி.சுசீந்திர குமார் கலந்து கொண்டார். வினாடி வினா போட்டிக்கான லோகோவை ஏ.டபிள்யூ.டபிள்யூ.ஏ தலைவர் திருமதி அர்ச்சனா பாண்டே வெளியிட்டார். பரம்வீர் சக்ரா விருது பெற்ற சுபேதார் மேஜர் (கவுரவ கேப்டன்) யோகேந்திர சிங் யாதவ் (ஓய்வு), சுபேதார் மேஜர் சஞ்சய் குமார், இந்தியாவின் 36 மாநிலங்கள் மற்றும் யூனியன் பிரதேசங்களில் உள்ள பள்ளிகளின் முதல்வர்களும் கலந்து கொண்டனர்.

இந்த முயற்சி இந்தியாவின் அனைத்து மாவட்டங்களிலிருந்தும் பிரதிநிதித்துவத்துடன் நாடு முழுவதும் சுமார் 1.5 லட்சம் பள்ளிகளை சென்றடைகிறது. இது சுமார் 15000 பள்ளிகள் பதிவு செய்வதை நோக்கமாகக் கொண்டுள்ளது. இதனால், இந்தப் போட்டியில் நாடு முழுவதும் சுமார் 1.5 கோடி மாணவர்கள் பங்கேற்பார்கள் என்று எதிர்பார்க்கப்படுகிறது. இதில், பிளஸ் 1 பிரிவில், மூன்று மாணவர்கள் பங்கேற்கும் அணிகள் இடம்பெறுகின்றன. இணைக் கல்விப் பள்ளிகளின் குழுக்களில் குறைந்தது ஒரு மாணவியாவது இருப்பார். பங்கேற்பாளர்கள் 10 முதல் 16 வயதுக்குட்பட்டவர்களாக இருப்பார்கள் . இந்தப் போட்டி ஆன்லைன் மற்றும் ஆஃப்லைன் முறையில் நடைபெறும். பிராந்திய கட்டளை மட்டத்தில் தொடங்கும் இந்தப் போட்டி பின்னர் இன்டர்-கமாண்டிற்கு முன்னேறி இறுதியாக தேசிய மட்டத்தில் முடிவடையும்.

போட்டி இரண்டு கட்டங்களாக நடைபெறும், பங்கேற்பாளர்களின் விரிவான மதிப்பீட்டை உறுதி செய்யும். முதல் கட்டம் ஆன்லைன் எலிமினேஷன் சுற்றுடன் தொடங்கும், அங்கு மாணவர்கள் அறிவைத் தூண்டும் தொடர்ச்சியான கேள்விகளைக் கையாள்வதன் மூலம் தங்கள் திறனை வெளிப்படுத்துவார்கள். ஆன்லைன் சுற்றில் இருந்து வெற்றிகரமான போட்டியாளர்கள் பின்னர் இரண்டாவது கட்டத்திற்கு முன்னேறுவார்கள், அதாவது பிராந்திய கட்டளை அளவிலான ஆஃப்லைன் போட்டி கிராண்ட் ஃபைனலில் முடிவடையும். இந்த வடிவம் பங்கேற்பாளர்களின் அறிவு மற்றும் திறன்களின் சமமான மற்றும் கோரும் மதிப்பீட்டிற்கு உத்தரவாதம் அளிக்கிறது, இது மிகவும் தகுதியான வெற்றியாளர்களைக் கண்டுபிடிப்பதில் முடிவடைகிறது.

வினாடி வினா போட்டியின் நடத்தை முறை ஐந்து முக்கிய அம்சங்களை மையமாகக் கொண்டது, அவை:

ஆங்கில மொழி முதன்மை அல்லது இடைநிலை பயிற்று மொழியாக இருக்கும்.

சமநிலை - சமநிலையை மேம்படுத்த ஒவ்வொரு இணைப் பள்ளியிலிருந்தும் ஒரு பெண் பங்கேற்பாளரை உறுதி செய்தல்;

நியாயமான விளையாட்டு- அணுகக்கூடிய பயிற்சிகளின் உதவியுடன் தகுதியை நிலைநிறுத்துங்கள்;

குறிப்பாக, பள்ளிகள், மாணவர்கள் மற்றும் ஆசிரியர்களுக்கு பரிசுகள், முதல்                   12 பள்ளிகளுக்கு பேருந்துகள், மாணவர்கள் மற்றும் ஆசிரியர்களுக்கு 360-க்கும் மேற்பட்ட மடிக்கணினிகள் உட்பட ரூ.4 கோடிக்கு மேல் பரிசுகள் வழங்கப்படுகின்றன.

கற்பித்தல் அடிப்படையிலான கற்றலுக்கு முக்கியத்துவம் அளித்து டீச் இந்தியா மூலம் ஒரு வலுவான மாணவர் தொடர்புத் திட்டம் வினாடி வினாவின் பரந்த செய்தியைப் பரப்பும். தேசத்தைக் கட்டியெழுப்புவதில் இந்திய ராணுவத்தின் பங்கு, கார்கில் வெற்றி மற்றும் அதன் பின்னர் இந்திய ராணுவத்தில் நடந்து வரும் மாற்றங்களையும் இது எடுத்துக்காட்டும்.

இந்த வினாடி வினா மாணவர்களின் பொது விழிப்புணர்வை சோதிக்கும் கருத்தைத் தாண்டி செல்கிறது. இது சமூகத்தின் அடித்தளத்தில் உள்ள இளைஞர்களுக்கு கலாச்சாரம், அறிவியல் மற்றும் தொழில்நுட்பம் மற்றும் கண்டுபிடிப்புகளின் அறிவுத் தளத்தை சோதிக்க ஒரு துடிப்பான தளத்தை வழங்கும் ஒரு மன்றமாகும். தேசத்தைக் கட்டமைப்பதில் எதிர்காலத்தில் அவர்கள் வகிக்க வேண்டிய பங்கு குறித்து மாணவர்களிடையே வினாடி வினா விழிப்புணர்வை ஏற்படுத்தும்.

இந்த முயற்சியின் லோகோ, பெயர் மற்றும் டேக்லைன் ஆகியவை ஆழமான முக்கியத்துவத்தை உள்ளடக்கியவை, இந்திய ராணுவத்தின் மதிப்புமிக்க பாரம்பரியத்துடன் எதிரொலிக்கின்றன. லோகோவின் உருவாக்க அடையாள வடிவம் ஒற்றுமை மற்றும் ஒழுக்கத்தின் நிலையான உணர்வைத் தூண்டுகிறது, அதே நேரத்தில் உலோக வெண்கல நிற எல்லையுடன் கூடிய அடிப்படை மெரூன் நிறம் வலிமையையும் பின்னடைவையும் பிரதிபலிக்கிறது.

"மனங்களின் போர்" என்ற பெயர் வெற்றி,  வீரத்தை வலியுறுத்தும் வாசகத்துடன் அறிவார்ந்த வீரியத்தைக் குறிக்கிறது. குறுக்கு வாள்கள் மற்றும் அசோகத் தூண் ஆகியவை இந்திய ராணுவத்தின் அசைக்க முடியாத உணர்வையும் அர்ப்பணிப்பையும் பிரதிபலிக்கும் தயார்நிலை, கடமை மற்றும் கௌரவத்தைக் குறிக்கின்றன.

மரியாதை மற்றும் கண்டுபிடிப்புகளின் எழுச்சியூட்டும் கலவையில், "மனங்களின் போர்" ஒரு சக்திவாய்ந்த ஊக்கியாக வெளிப்படுகிறது, இது நாட்டின் இளைஞர்களை அறிவொளி மற்றும் அதிகாரமளித்தலை நோக்கி உந்துகிறது. அதன் உருக்கமான லோகோவால் அடையாளப்படுத்தப்பட்டபடி, இந்த தொலைநோக்குப் பார்வை கார்கில் போரின் உணர்வை மதிக்கிறது. ஒற்றுமை, அறிவு மற்றும் ஆர்வம் ஒருங்கிணைக்கும் எதிர்காலத்திற்கான இந்திய ராணுவத்தின் உறுதிப்பாட்டை உணர்த்துகிறது - நமது தேசத்தின் எதிர்காலத்தை வடிவமைப்பதற்கான தலைவர்களை ஊக்குவிக்கிறது.

----------

AD/ANU/PKV/KRS