علم کو فروغ دینے اور نوجوانوں کو بااختیار بنانے کی طرف ایک اہم پیشرفت میں، ہندوستانی فوج نے آج دہلی چھاؤنی کے مانک شا سینٹر میں اپنے دلکش لوگو کے ساتھ ’بیٹل آف مائنڈز‘ - انڈین آرمی کوئز 2023 کی نقاب کشائی کی۔ کارگل وجے دیوس کی تقریبات کے 25 ویں سال کے آغاز کا اعلان کرنے کے لیے، کوئز مقابلہ کارگل جنگ میں ہندوستانی مسلح افواج کی فتح کا جشن مناتے ہوئے ان لوگوں کی بہادری اور حوصلے کو دلی خراج عقیدت پیش کرتا ہے جنہوں نے اس فتح کو ممکن بنایا۔ یہ نمایاں اقدام، جس کی علامت نئے ظاہر شدہ لوگو سے ہے، پوری قوم میں فکری نشوونما اور نوجوان ذہنوں کو متاثر کرنے کے لیے فوج کے عزم کو واضح کرتا ہے۔ یہ تقریب ماضی کا جشن مناتی ہے اور اس کا مقصد نوجوانوں میں تجسس اور سیکھنے کے جذبے کو جگانا ہے، جو آنے والے کل کے لیڈروں کو تیار کرتےہیں۔

اس تقریب میں فوج کے نائب سربراہ لیفٹیننٹ جنرل ایم وی سچندر کمار نے شرکت کی۔ کوئز مقابلے کے لوگو کی نقاب کشائی محترمہ ارچنا پانڈے، صدر  اے ڈبلیو ڈبلیو اے نے کی۔ پرم ویر چکر ایوارڈ یافتہ صوبیدار میجر (اعزازی کیپٹن) یوگیندر سنگھ یادو (ریٹائرڈ) اور صوبیدار میجر سنجے کمار بھی ہندوستان کی 36 ریاستوں اور مرکز کے زیر انتظام علاقوں کے اسکولوں کے پرنسپلوں کے ساتھ موجود تھے۔

یہ پہل ہندوستان کے تمام اضلاع کی نمائندگی کے ساتھ ملک بھر کے تقریباً 1.5 لاکھ اسکولوں تک پہنچتی ہے۔ اس کا مقصد تقریباً 15000 سکولوں کی رجسٹریشن ہے۔ اس طرح، مقابلہ میں ملک بھر میں تقریباً 1.5 کروڑ طلباء کے شامل ہونے کی امید ہے۔ اسکول تین طلباء اور ایک ریزرو کی ٹیموں کے ساتھ حصہ لیں گے۔ شریک تعلیمی اسکولوں کی ٹیموں میں کم از کم ایک طالبہ ہوگی۔ شرکاء 10 سے 16 سال کی عمر کے گروپ میں ہوں گے (جو کہ بڑے پیمانے پر درجہ چھ سے دس تک کے طلباء پر مشتمل ہیں) مقابلہ ہائبرڈ یعنی آن لائن اور آف لائن موڈ میں منعقد کیا جائے گا۔ علاقائی کمان کی سطح پر شروع ہونے والا مقابلہ پھر انٹر کمانڈ تک بڑھے گا اور آخر میں قومی سطح پر اختتام پذیر ہوگا۔

مقابلہ دو مرحلوں میں ہوگا، جس میں شرکاء کی جامع تشخیص کو یقینی بنایا جائے گا۔ پہلا مرحلہ آن لائن خاتمے کے راؤنڈ سے شروع ہوگا، جہاں طلباء فکری طور پر حوصلہ افزا سوالات کی ایک سیریز سے نمٹنے کے ذریعے اپنی اہلیت کا مظاہرہ کریں گے۔ آن لائن راؤنڈ سے کامیاب دعویدار پھر دوسرے مرحلے تک پہنچیں گے، یعنی علاقائی کمانڈ کی سطح کا آف لائن مقابلہ جس کا اختتام گرینڈ فائنل میں ہوگا۔ یہ فارمیٹ شرکاء کے علم اور صلاحیتوں کے منصفانہ اور قابل تقلید تشخیص کی ضمانت دیتا ہے، جس کے نتیجے میں سب سے زیادہ مستحق فاتحین کی دریافت ہوتی ہے۔

کوئز مقابلے کے انعقاد کا طریقہ کار پانچ اہم عناصر پر مرکوز ہے، یعنی؛

شمولیت - ان تمام اسکولوں کے لیے کھلا جہاں انگریزی زبان بنیادی یا ثانوی ذریعہ تعلیم ہے؛

مساوات - توازن کو فروغ دینے کے لیے ہر مخلوط تعلیم والے اسکول سے ایک خاتون شریک کو یقینی بنانا؛

مناسب  پلے - قابل رسائی اسباق کی مدد سے قابلیت کو برقرار رکھنا ؛

مفت رجسٹریشن؛ اور

پرکشش انعامات- خاص طور پر، اسکولوں، طلباء اور ان کے ساتھ آنے والے اساتذہ کے لیے انعامات، جن میں 4 کروڑ روپے سے زیادہ کے انعامات شامل ہیں، بشمول ٹاپ 12 اسکولوں کے لیے بسیں اور طلبہ اور اساتذہ کے لیے 360 سے زیادہ لیپ ٹاپس۔

ٹیچ انڈیا کے ذریعے طلبہ تک رسائی کا ایک مضبوط پروگرام جس میں تدریس پر مبنی تعلیم پر زور دیا جائے گا، اور وہ  کوئز کے وسیع پیغام کو فروغ دے گا۔ یہ قوم  کی تعمیر میں ہندوستانی فوج کے کردار، کارگل فتح اور اس کے نتیجے میں ہندوستانی فوج میں جاری تبدیلیوں کو بھی اجاگر کرے گا۔

یہ کوئز صرف طلباء کی عمومی بیداری کو جانچنے کے تصور سے بالاتر ہے۔ یہ ایک ایسا فورم ہے جو نچلی سطح پر نوجوانوں کو ثقافت، سائنس اور ٹیکنالوجی اور اختراع کے بارے میں ان کے علم کی بنیاد کو جانچنے کے لیے ایک متحرک پلیٹ فارم فراہم کرتا ہے۔ یہ کوئز طلباء میں مستقبل کے کردار کے بارے میں بھی بیداری پیدا کرے گا جو انہیں قوم کی تعمیر میں ادا کرنا ہے۔

اس پہل کا لوگو، نام اور ٹیگ لائن گہری اہمیت کو سمیٹتے ہیں، جو ہندوستانی فوج کی باوقار میراث  کی نمائندگی کرتےہیں۔ لوگو کی علامت تشکیل  کرنے والی شکل اتحاد اور نظم و ضبط کے مستقل احساس کو جنم دیتی ہے، جب کہ دھاتی کانسے کے رنگ کی سرحد کے ساتھ بنیادی میرون رنگ طاقت اور لچک کو ظاہر کرتا ہے۔

’’ذہنوں کی جنگ‘‘ کا نام دانشورانہ طاقت کی علامت ہے جس کی ٹیگ لائن فتح، بہادری اور ہیروازم پر زور دیتی ہے۔ کراس شدہ تلواریں اور اشوکا ستون تیاری، فرض اور عزت کی نشاندہی کرتے ہیں جو ہندوستانی فوج کے ناقابل تسخیر جذبے اور لگن کو مجسم کرتے ہیں۔

خراج عقیدت اور اختراع کے شدید امتزاج سے متصف ، ’’ذہنوں کی جنگ‘‘ ایک طاقتور محرک کے طور پر ابھرتی ہے، جو قوم کے نوجوانوں کو روشن خیالی اور بااختیار بنانے کی طرف راغب کرتی ہے۔ جیسا کہ اس کے پُرجوش لوگو کی علامت ہے، یہ بصیرت انگیز پیش رفت کارگل جنگ کے جذبے کا احترام کرتی ہے اور ایک ایسے مستقبل کے لیے ہندوستانی فوج کے عزم کو تقویت دیتی ہے جہاں اتحاد، علم اور تجسس ایک دوسرے سے ملتے ہیں  اور  ہماری قوم کی تقدیر کو تشکیل دینے کے لیے قائدین کو پروان چڑھاتے ہیں۔

*******

ش ح۔ا ک۔ ع ن

U NO: 8449