حکومت ہند  کے سماجی انصاف اور تفویض اختیارات کی وزارت کے سماجی انصاف و تفویض اختیارات کے محکمے کے سکریٹری جی سی ، این آئی ایس ڈی کے صدرجناب سوربھ گرگ نے دیگر سینئر حکام کی موجودگی میں نیشنل انسٹی ٹیوٹ آف سوشل ڈیفنس (این آئی ایس ڈی) کے جنرل کونسل  میٹنگ کی صدارت کی۔

اجلاس کا بنیادی مقصد قومی ادارہ برائے سماجی دفاع (این آئی ایس ڈی) کے پروگراموں کے ڈھانچے، افعال اور حیثیت کا جائزہ لینا تھا۔ بحث کے پیش خیمہ کے طور پر، ڈائریکٹر، این آئی ایس ڈی نے این آئی ایس ڈی پر ایک مختصر پریزنٹیشن دی اور ایک مختصر ویڈیو فلم کے ذریعے این آئی ایس ڈی کے ڈویژنوں اور ان کی سرگرمیوں کو بھی دکھایا۔

میٹنگ میں سالانہ رپورٹ 2021-2020، 2022-2021، بیلنس شیٹ 23-2022، مالی سال23-2022 کے دوران تربیتی پروگراموں کی حیثیت، 24-2023 کے لیے این آئی ایس ڈی کورس کیلنڈر، دہلی پولیس اکیڈمی کے ساتھ ایم او یو ، افرادی قوت کے ساتھ ریسرچ ڈویژن کا احیا کرنا، 24-2023 کے دوران این آئی ایس ڈی کی طرف سے منصوبہ بند تحقیقی سرگرمیاں، این آئی ایس ڈی میں براڈکاسٹ اسٹوڈیو کا آغاز، این آئی ایس ڈی کا مجوزہ ڈھانچہ، نیشنل جرنل آف سوشل ڈیفنس کی اشاعت کا احیاکرنا وغیرہ ایجنڈا آئٹمز کا بھی احاطہ کیا گیا ۔

تفصیلی بحث کے بعد، این آئی ایس ڈی کو عملے کے عہدوں کو مضبوط کرنے کا مشورہ دیا گیا ہے جو تحقیق اور تربیتی سرگرمیوں کو بڑھانے میں مدد کرے گا، اور ریاستی اور مرکزی اداروں کے ساتھ مزید تعاون کرے گا تاکہ ملک بھر میں سرگرمیوں کو وسیع بنیاد فراہم کیا جا سکے۔ مزید،مالی سال  23-2022کے دوران این آئی ایس ڈی کی کارکردگی کا تسلی بخش جائزہ لیا گیا۔ آخر میں، ڈی او ایس جے ای کے سکریٹری نے بتایا کہ این آئی ایس ڈی کو سماجی دفاع کے شعبے میں عمدگی کے مرکز کی طرف بڑھنے کی ضرورت ہے۔

************

ش ح۔ اک   ۔ م  ص

(U: 8332 )