প্রধান মন্ত্রী শ্রী নরেন্দ্র মোদীনা ভিদিও মেসেজগী খুৎথাংদা কোলকাতাদা পাংথোকপা জি-২০ এন্তি-করপসন মিনিস্তরিয়েল মীফমদা ৱা ঙাংখ্রে।

• নোবেল প্রাইজ ফংলবা গুরুদেব রবিন্দ্রনাথ তেগোরগী সহর কোলকাতাদা শক্নাইরবশিং তরাম্না ওক্লদুনা প্রধান মন্ত্রীনা হায়খি মসি হকথেংননা পাংথোকপা অহানবা জি-২০ এন্তি-করপসন মিনিস্তরিয়েল মীফমনি। তেগোরগী খুৎইশিং লৌখৎলদুনা প্রধান মন্ত্রীনা হায়খি মীহৌচাউবনা ঐখোয়দা অচুম্বা খঙহন্দে। ভারতকী অরিবা উপনিষদশিংদা হায়খি ‘মা গ্রিধা’ হায়বদি ‘মীহৌচাউবা লৈহল্লোইসি’।
• প্রধান মন্ত্রীনা হায়খি শেঞ্জা-থুমজাগী অচৌবা চৈথেং অসি লায়রবশিং অমসুং তোল্লবশিংনা ফংই। মসিনা লন-থুম শীজিন্নবদা অপনবা থোকহল্লি, কৈথেলশিংদা অকায়বা থোকহল্লি, থবক তৌবদা চৈথেং পী অমসুং মীয়াম অফবা পুন্সি মহিংদা চৈথেং পী। সরকারগী থৌদাংদি মীয়াম য়াইফনবা লৈবাক্কী লন-থুমশিং মপুংফানা শীজিন্নবনি। মসিগী পান্দম অসি ফংনবা শেঞ্জা-থুমজা থেংনবা দরকার ওই অমসুং “শেঞ্জা-থুমজা থেংনবা হায়বসি মীয়ামগীদমক সরকারনা তৌগদবা থৌদাংনি।

প্রধান মন্ত্রীনা হায়খি শেঞ্জা-থুমজাগী মায়য়োক্তা খাংদুনা লৈথোক্তনবা ভারতকী অকনবা থৌশিল অমা লৈ। অরোন-অথুপ লৈতবা অমসুং মরম চানা থবক তৌবা লৈঙাক অমা লৈহন্নবা ভারতনা তেক্নোলোজি অমসুং ই-গভর্নান্স শীজিন্নরি। স্কিমশিং অমসুং সরকারগী প্রোজেকশিং নারোন্দা থৈদোকপা অমসুং অয়ুবা লৈবশিং মেনশীল্লে। মসিগী ফল ওইনা ভারত্তা মীওই মিল্লিয়ন কয়া মখোয়গী বেঙ্ক একাউন্তশিংদা বিল্লিয়ন দোল্লার ৩৬০ হেনবগী শেনফমশিং ফংলে অমসুং মসিনা দোল্লার বিল্লিয়ন ৩৩ হেন্না কনবা ঙম্লে।

প্রধান মন্ত্রীনা হায়খি ললোন-ইতিক্কী থবকশিং সরকারনা লাইহল্লে অমসুং সরকারগী থবকশিংদা ওতোমেসন অমসুং দিজিতাইজেসনগী থবকশিং পায়খৎলে,মসিনা খুদোংচাবা লৌনবা হোৎনবশিং লৈহন্দ্রে। ঐখোয়গী সরকারগী ই-মার্কেতপ্লেস পোর্তেলনা সরকারগী পোৎলমশিং লৈবা অরোন-অথুপ লৈহন্দ্রে। ২০১৮দগী ইকোনোমিক ওফেন্দর্স এক্ত চৎনবদগী সরকারনা শেন-থুমগী অরানবা তৌবশিং অকনবা চৈরাক পীরে অমসুং শেন-থুমগী অরানবা তৌবশিং অমসুং মীচেলশিংদগী দোল্লার বিল্লিয়ন ১.৮ হেনবগী লন-থুমশিং খোমগৎলে। ২০১৪দগী প্রিভেন্সন ওফ মোনি লাউন্দরিং এক্তনা অরানবা তৌবশিংগী দোল্লার বিল্লিয়ন ১২ হেনবগী লন-থুমশিং সরকারনা লৌশিল্লে।

প্রধান মন্ত্রীনা হায়খি জি-২০ লৈবাকশিংনা শেন-থুমগী অরানবা তৌবা মীচেলশিংগী অৱাবা মায়য়োক্নরি অমসুং গ্লোবেল সাউথনা ২০১৪দা মসিগী অহানবা জি-২০ মীফম পাংথোকখ্রে। ২০১৮গী জি-২০ মীফমদা শেন-থুমগী অরানবা তৌবা মীচেলশিং অমসুং লন-থুম খোমগৎনবা ৱাফম ৯গী এজেন্দা অমা পুথোকখ্রে। ই-পাউ পীথোক-পীশিন তৌনদুনা আইনগী ওইনা মতেং পাংনবা, লন-থুম লৌখৎপগী থবকশিং মপাঙ্গল কনখৎহনবা অমসুং শেঞ্জা-থুমজা ঙাকথোক্নবা থবক তৌরিবা ওথোরিতিশিং মপুংফানা থবক তৌবা হেনগৎহনবা হায়রিবা মরুওইবা হিরম অহুমগী অৱাংবা থাক্কী ৱাখল্লোনশিং প্রধান মন্ত্রীনা তরাম্না ওকখি।

মহাক্না হায়খি মীফত্তশিংনা ঙমখৈ লান্না চঙলক্লগা আইনগী অহোবশিং লান্না শীজিন্নবা থিংনবা লো ঙাক্না চৎহন্নবা লৈরিবা এজেন্সিশিংগী মরক্তা মতেং পাংননবা য়ানবা পুরকপা অসিদা অপেনবা পোকই। মতম চানা লন-থুম খোঙ্গুল লিবা অমসুং ক্রাইমগী থবকশিং মশক খঙদোকপা হায়বসি মরুওই। লৈবাকশিংনা লন-থুমশিং খোমগৎপগী থবকশিং হেনগৎহন্নবা পুক্নিং থৌগৎপা দরকার ওই। মপান লৈবাকশিংদগী লন-থুমশিং খোমগৎপা য়াংশিন্নবা চৈরাক পীদনা লন-থুম মৎপগী খুদম অমা জি-২০ লৈবাকশিংনা থমগদবনি অমসুং মসিনা ৱায়েল চৎথরবা মতুংদা মীফত্তশিং য়াম্না য়াংনা পুরকপা ঙমগনি। মসি ঐখোয়না শেঞ্জা-থুমজাগী মায়য়োক্তা পুন্না লান্থেংনবগী অকনবা পাউজেল অমা ওইগনি।

প্রধান মন্ত্রীনা হায়খি জি-২০ লৈবাকশিংগী অপুনবা থবকশিংনা শেঞ্জা-থুমজাগী মায়য়োক্তা থেংনবদা মতেং পাংগনি অমসুং শেঞ্জা-থুমজাগী হৌরকফম মুৎথৎনবা মালেমগী ওইনা মতেং পাংনবা হেনগৎতুনা অমসুং অকনবা থবকশিং লৌখৎতুনা জি-২০ লৈবাকশিংনা অহোংবা অমা পুরকপা ঙমগনি। শেঞ্জা-থুমজা থেংনবদা ওদিৎ ইন্সতিতুৎশিংগী অচৌবা থৌদাং লৈ।

লোইশিল্লকপগী ৱারোলদা প্রধান মন্ত্রীনা হায়খি ঐখোয়গী লৈঙাক্কী থবকশিং অমসুং আইনগী থবকশিং মপাঙ্গল কনখৎহনবগী মথক্তা, ঐখোয়না ঐখোয়গী থবকশিংদা পুকচেল শেংবা অমসুং কাংলোন চুম্নবা থবক তৌবগী চৎনবী অমা য়োকখৎকদবনি। মসি পাংথোকপা খক্তনা, ঐখোয়না তুংকোইনা হিংগদবা খুন্নাই অমগী য়ুম্ফম থোনবা ঙমগনি। কান্নবা অমসুং মাইপাকপা মীফম অমা ওইনবা ঐনা অদোমগী মফমদা য়াইফ-পাউজেল পীজরি।

My remarks at the G20 Anti-Corruption Ministerial Meeting in Kolkata. @g20org https://t.co/dmaS4NwLcM

— Narendra Modi (@narendramodi) August 12, 2023

****