এয়রপোর্তশিংদা ইনফ্রাস্ত্রকচরশিং/ফেসিলিতীশিং হেন্না ফগৎহন্নবা য়াওনা এয়রপোর্তশিং পাকথোক চাওথোকহনবা অসি মখা তানা চত্থরিবা প্রোসেস অমনি, মদু এয়রপোর্তস ওথোরিতী ওফ ইন্দিয়া (এ.এ.আই.) নত্রগা মরীলৈনবা এয়রপোর্ত ওপরেতরশিংনা ওপরেস্নেলগী মথৌতাবশিং, ত্রাফিক, দিমান্দ, কমর্সিয়েল ফিসিবিলিতী অসিনচিংবগী মখাতানা পাংথোকই। এ.এ.আই. অমসুং অতোপ্পা এয়রপোর্ত ওপরেতরশিংনা ২০১৯-২৪গী মনুংদা লুপা করোর ৯৮,০০০ হেনবগী কেপেক্স প্লান অমা হৌদোকখি মদুদা তোঙান তোঙানবা ব্রাউনফিল্দ এয়রপোর্তশিংগী দিবলপমেন্ত/অপগ্রেদেসন/ মোদর্নাইজেসন অমসুং হেনগৎলক্লিবা দিমান্দশিং ফংহন্নবগীদমক গ্রিনফিল্দ এয়রপোর্তশিং দিবেলপ তৌবা য়াওরি মদুদা এ.এ.আই.গী চাউরাক্না লুপা করোর ২৫০০০গী শেনফমসু য়াওরি।

এ.এ.আই.না অন্দমান অমসুং নিকোবর ইথৎশিংদা পোর্ত ব্লেয়র, আন্ধ্র প্রদেশতা বিজয়ৱাদা অমসুং তিরুপতি, অরুনাচল প্রদেশতা ইতানগর অমসুং তেজু, অসামদা দিব্রুগর, বিহারদা দরভঙ্গা অমসুং পতনা, দিল্লীদা সফদরজং, গৱাদা গৱা, গুজরাত্তা ধোলেরা, রাজকোত, সুরত অমসুং বদোদরা, লদাখতা লেহ, কর্নাতকাদা কালাবিরাগি, কেরলাদা কলিকত, মধ্য প্রদেশতা ভোপাল, গ্বালিয়র, ইন্দোর, জবলপুর অমসুং রেৱা, মহারাস্ত্রদা জুহু, কোলহাপুর অমসুং পুনে, মনিপুরদা ইম্ফাল, ওরিশাদা ভুবনেশ্বর, রাজস্থানদা জোধপুর, তমিল নাদুদা চেন্নাই, কোইম্বতোর, মদুরাই, ত্রিচী অমসুং তুতিকোরিন, ত্রিপুরাদা অগরতলা, উত্তর প্রদেশতা অয়োধ্যা, গোরখপুর, কানপুর, মুইরপুর অমসুং সহারনপুর, উত্তরাখন্দদা দেহরাদুন অমসুং ৱেস্ত বেঙ্গলদা কোলকতাগী দিবলপমেন্ত/এক্সপান্সন পায়খৎলে। অপগ্রেদ তৌবগী হোৎনরিবশিংদা তর্মিনেল বিলদিংশিং অমসুং এ.তি.সি. তৱার কম তেক্নিকেল ব্লোকশিং শাবদগী হৌরগা সিভিল ইনক্লেবকী এক্সপান্সন, রনৱেশিংগী এক্সতেন্সন, মপাঙ্গল কনখৎহনবা অমসুং রি-কার্পেতিংগা লোয়ননা এপ্রোন, পার্কিং বে অমসুং অতোপ্পা মরীলৈনবা ইনফ্রাস্ত্রকচর ইমপ্রুবমেন্তশিং য়াওরি।

ভারত সরকারনা লৈবাক অসিদা গ্রিনফিল্দ এয়রপোর্তশিং দিবেলপ তৌনবগীদমক গ্রিনফিল্দ এয়রপোর্তস (জি.এফ.এ.) পোলিসী, ২০০৮ অমসুং থৌরাং তৌখি। পোলিসী অসিগী মতুংইন্না করিগুম্বা রাজ্য সরকার য়াওনা দিবেলপর অমা হেক্তনা এয়রপোর্ত অমা দিবেলপ তৌবা পাম্লগদি মখোয়না চানবা মফম অমা মশক খংদোকপা মথৌ তাই অমসুং এয়রপোর্ত শানবগীদমক প্রি-ফিসিবিলিতী স্তদী তৌবা তাই অমসুং ইন-প্রিন্সিপল এপ্রুবেলগী মতুংদা সাইত ক্লিয়ারেন্সকীদমক কেন্দ্র সরকারদা প্রপোজেল অমা পীশিনবা তাই। হৌজিক ফাওবদা ভারত সরকারনা অনৌবা গ্রীনফিল্দ এয়রপোর্ত ২১ শেমগৎনবগীদমক ‘ইন-প্রিন্সিপল’ এপ্রুবেল পীখ্রে। মদুগী মনুংদা গ্রীনফিল্দ এয়রপোর্ত ১২ মথৌ তোরে।

মসিগী মথক্তা, লৈবাক অসিদা অনসর্ব অমসুং অন্দরসর্ব এয়রপোর্তশিংদগী রিজনেল এয়র কনেক্তিবিতী হেনগৎনবগীদমক সিভিল এভিয়েসন মন্ত্রালয়না ২১.১০.২০১৬দা রিজনেল কনেক্তিবিতী স্কিম (আর.সি.এস.) – উদান (উরে দেশ কা আম নাগরিক) হৌদোকখি, মদুনা এয়র ত্রাভেল মীচম প্রজাগীদমক অহোংবা মমলদা ফংহল্লে।

ইন্তরনেস্নেল সিভিল এভিয়েসন ওর্গনাইজেসন (আই.সি.এ.ও.), ইন্তরনেস্নেল এয়র ত্রান্সপোর্ত এসোসিয়েসন (আই.এ.তি.এ.) অসিনচিংবা ইন্তরনেস্নেল ওর্গনাইজেসনশিংনা স্পেসিফাই তৌবা ইন্তরনেস্নেল স্তেনদর্দশিং/নোর্মশিং মপুং ফাহন্নবগীদমক এয়রপোর্তশিংগী অপগ্রেদেসন এ.এ.আই. নত্রগা মরী লৈনবা এয়রপোর্ত ওপরেতরশিংনা কমর্সিয়েল এস্পেক্ত, ত্রাভেল তৌরিবশিংগী মথৌতাবশিং, লমগী ফিভম অমসুং এয়রলাইন প্রিফরেন্সশিং য়াওনা তোঙান তোঙানবা কন্সিদরেসনশিংদা মীৎয়েং থম্দুনা থবক তৌরি। এয়রপোর্ত অমবু ইন্তরনেস্নেল এয়রপোর্ত অমা ওইনা লাউথোকপা অসি ত্রাফিক পোতেন্সিয়েল, ইন্তরনেস্নেল ফ্লাইতশিংগী ওপরেসনগীদমক এয়রলাইনশিংদগী দিমান্দ অমসুং বাইলেতরেল এয়র সর্বিসেস এগ্রিমেন্তকী মখা পোল্লি। মসিদা গ্রাউন্দ লাইতিং ফেসিলিতীশিং, ইন্সত্রুমেন্ত লেন্দিং সিস্তেম, রনৱেগী অশাংবা, ইমিগ্রেসন, হেল্থ অমসুং এনিমেল & প্লান্ত ক্বারেন্তাইন সর্বিসনচিংবসু য়াওরি। হৌজিক্কী ওইনা লৈবাক অসিদা ইন্তরনেস্নেল এয়রপোর্ত ৩০ লৈরি।

ইনফোর্মেসন অসি ঙসি লোক সভাদা হংলকপা ৱাহং অমদা সিভিল এভিয়েসন মন্ত্রালয়গী রাজ্য মন্ত্রী জেনরেল (দাক্তর) ভি. কে. সিংহ (থবক্তগী পোত্থারবা)না অইবা পাউখুম অমদা পীখিবনি।

***