మత్స్య, పశుసంవర్ధక, పాడిపరిశ్రమ మంత్రిత్వ శాఖకు చెందిన పశుసంవర్ధక, పాడిపరిశ్రమ శాఖ 2023 సంవత్సరానికి గాను జాతీయ గోపాల్ రత్న అవార్డు కోసం 15.08.2023 నుంచి జాతీయ అవార్డు పోర్టల్  https://awards.gov.in ద్వారా ఆన్ లైన్  నామినేషన్లను ఆహ్వానిస్తోంది. నామినేషన్లు/ దరఖాస్తులు సమర్పించేందుకు చివరితేదీ 15.09.2023.

రైతులకు సుస్థిర జీవనోపాధి కల్పించేందుకు మత్స్య, పశుసంవర్ధక, పాడిపరిశ్రమ మంత్రిత్వ శాఖ ఆధ్వర్యంలోని పశుసంవర్ధక, పాడిపరిశ్రమ శాఖ అన్ని రకాల చర్యలు తీసుకుంటోంది. భారతదేశంలోని స్వదేశీ గోజాతులు దృఢమైనవి. జాతీయ ఆర్థిక వ్యవస్థలో కీలక పాత్ర పోషించే జన్యు సామర్థ్యాన్ని అవి కలిగి ఉన్నాయి. దేశవాళీ గోజాతులను శాస్త్రీయ పద్ధతిలో pసంరక్షించి అభివృద్ధి చేయాలనే ఉద్దేశంతో దేశంలోనే తొలిసారిగా 2014 డిసెంబర్ లో 'రాష్ట్రీయ గోకుల్ మిషన్ (ఆర్ జీఎం)'ను ప్రారంభించారు.

పాలను ఉత్పత్తి చేసే రైతులు, డెయిరీ కోఆపరేటివ్ సొసైటీలు/ ఎఫ్ పి ఒ లు, ఆర్టిఫిషియల్ ఇన్ సెమినేషన్ టెక్నీషియన్స్ (ఎఐటి )లను ప్రోత్సహించే లక్ష్యంతో ఆర్ జీఎం కింద 2023లో ఈ శాఖ  కింది కేటగిరీలలో జాతీయ గోపాలరత్న అవార్డును ప్రదానం చేస్తోంది. 

i.రిజిస్టర్డ్ స్వదేశీ పశువులు/ గేదె జాతుల ఉత్తమ పాడిరైతు పెంపకం (రిజిస్టర్డ్ జాతుల జాబితా జతచేయబడింది) లో ఉత్తమ రైతు 

ii.బెస్ట్ డెయిరీ కోఆపరేటివ్ సొసైటీ (డి సి ఎస్ )/ పాల ఉత్పత్తి సంస్థ (ఎం పి సి )/ డెయిరీ ఫార్మర్ ప్రొడ్యూసర్ ఆర్గనైజేషన్ (ఎఫ్ పి ఒ)

iii.ఉత్తమ కృత్రిమ గర్భధారణ టెక్నీషియన్ (ఎఐటి).

జాతీయ గోపాల్ రత్న అవార్డు 2023లో మొదటి రెండు కేటగిరీలలో అంటే ఉత్తమ పాడి రైతు, ఉత్తమ డి సి ఎస్/ ఎఫ్ పి ఒ /ఎం పి సి లకు కింది విధంగా సర్టిఫికేట్ ఆఫ్ మెరిట్, జ్ఞాపిక, నగదు లభిస్తుంది.

*మొదటి ర్యాంకుకు రూ.5,00,000/-(రూ.5 లక్షలు )

*రెండో ర్యాంకుకు రూ.3,00,000/- (రూ.3 లక్షలు మాత్రమే)

*3వ ర్యాంకుకు రూ.2,00,000/- (రూ.2 లక్షలు మాత్రమే)

బెస్ట్ ఆర్టిఫిషియల్ ఇన్ సెమినేషన్ టెక్నీషియన్ (ఎఐటి ) కేటగిరీలో మూడు ర్యాంకులకు సర్టిఫికెట్ ఆఫ్ మెరిట్, జ్ఞాపిక ఇస్తారు.

జాతీయ పాల దినోత్సవం (నవంబర్ 26, 2023) సందర్భంగా ఈ అవార్డులను ప్రదానం చేస్తారు. అర్హతలు, ఆన్ లైన్ నామినేషన్ ప్రక్రియ గురించి మరింత సమాచారం కోసం వెబ్ సైట్ https://awards.gov.in లేదా https://dahd.nic.inmay లను సందర్శించవచ్చు.

రిజిస్టర్డ్ జాతుల పశువులు (ఎన్ జి ఆర్ఎ 2023 కోసం)