হেল্থ অমসুং ফেমিলি ৱেলফিয়ার মিনিস্ত্রিদগী ফংবা পাউগী মতুংইন্না, চহি ১৩-১৫ গী মরক্তা স্কুল কারিবা অঙাংশিংগী মরক্তা পাংথোকখিবা, ফেক সিত ওফ গ্লোবেল য়ুথ তোবেক্কো সর্ভে(জি ৱাই তি এস-৪)দা, চুরুদ অমসুং বীরি থবক অমসুং মৈখু থাংদবা হিদাকমনা শীজিন্নবা হৌখিবগী মেদিয়ান এজ অসি চহি ১১.৫, চহি ১০.৫ অমসুং চহি ৯.৯ নি।

হেল্থ অমসুং ফেমিলি ৱেলফিয়ার মিনিস্ত্রিদগী ফংবা পাউগী মতুংইন্না, স্কুল কারিবা অঙাংশিং হিদাকমনাগী পোৎথোকশিংগী অমাঙবশিংদগী ঙাকথোক্নবা সরকারনা থবকশিং পায়খৎলে। সিগরেত এন্দ ওদর তোবেক্কো প্রদক্স(প্রোহিবিসন ওফ এদভর্তাইজমেনত এন্দ রিগুলেসন ওফ ত্রেদ এন্দ কম্মর্স, প্রদক্সন, সপ্লাই এন্দ দিস্ত্রিবিউসন)এক্ত,২০০৩(কোতপা,২০০৩),সিগরেত এন্দ ওদর তোবেক্কো প্রদক্স(প্রোহিবিসন ওফ এদভর্তাইজমেনত এন্দ রিগুলেসন ওফ ত্রেদ এন্দ কম্মর্স, প্রদক্সন, সপ্লাই এন্দ দিস্ত্রিবিউসন) এমেন্দমেন্ত রুলস,২০১১গী সেক্সন ৬(এ)গী মতুংইন্না চহি ১৮গী মখাদা লৈবা মীওইশিংদা হিদাকমনাগী পোৎলমশিং য়োনবা থিংলে অমসুং কোতপা,২০০৩গী সেক্সন ৬(বি)গী মতুংইন্না মহৈলোয়শঙ অমগী য়ার্দ ১০০গী অকোয়বদা হিদাকমনাগী পোৎথোকশিং য়োনবা থিংলে।

কোতপা,২০০৩গী সেক্সন ৬(বি) মপুংফানা থবক ওইনা পাংথোক্নবা হিদাকমনা য়াওদবা মহৈলোয়শঙ ওইহন্নবা হেল্থ অমসুং ফেমিলি ৱেলফিয়ার মিনিস্ত্রিনা চৎন-কাংলোনশিং ফোঙলে। হায়রিবা চৎন-কাংলোনশিং অসি থবক ওইনা পাংথোক্নবা ইজুকেসন দিপার্তমেন্তশিংগা লোয়ননা রাজ্যশিংনা থবকশিং পায়খৎলে। তোঙান-তোঙানবা হিদাকমনা শীজিন্নদনবা কেম্পেনশিংগী খুৎথাংদা হিদাকমনানা হকচাংদা শোকহনবগী মতাংদা চাং নাইনা মীয়ামদা ৱাখল তাহনবগী থবকশিং পায়খৎলি।

মীয়ামগী হকশেল অসি রাজ্যগী হিরম অমনি অমসুং কোতপা,২০০৩গী প্রোবিজনশিং মপুংফানা চৎনহনবা হায়বসি রাজ্য সরকারশিংগী থৌদাংনি। হিদাকমনা য়াওদবা মহৈলোয়শঙ লৈহন্নবা চৎন-কাংলোনশিংশিং রাজ্যশিংগী স্কুল ইজুকেসন দিপার্তমেন্তনা মহৈলোয়শঙশিংদা য়েন্থোকখ্রে।

হায়রিবা চৎন-কাংলোনশিং অসিদা তোঙান-তোঙানবা মরী লৈনবশিং হায়বদি কেন্দ্র সরকার, রাজ্য সরকারশিং, মহৈলোয়শঙশিং অমসুং সি.এস.ওশিনা মহৈলোয়শঙদা হিদাকমনা শীজিন্নদনবা লৌগদবা থৌদাংশিং পল্লি। মীয়ামগী হকশেল অসি রাজ্যগী হিরম অমনি অমসুং এক্ত অসি চৎনহনবগী মরুওইবা থৌদাং অসি রাজ্য সরকারশিংগী থৌদাংনি।

 

 

হিদাকমনা, দ্রগ/পোৎলমশিং লান্না শীজিন্নবগা মরী লৈনবা ৱাফমশিং মহৈরোয়শিংদা ৱাখল তাহন্নবা অয়ুস্মান ভারতকী স্কুল হেল্থ এন্দ ৱেলনেস প্রোগ্রাম(এস ঐচ পি)গী মখাদা অখন্নবা ক্লাসশিং, রোল প্লে, জগোয়, পোস্তর য়েকপা, ইবা, দিবেত, খন্ন-নৈনবা অমসুং স্কিল বিল্দিংগী থবকশিংগী খুৎথাংদা পায়খৎলে। সি.বি.এস.ইনা মসিগী মখাদা লৈরিবা স্কুলশিংদা করিকুল্লমগী শরুক অমা ওইনা লাইফ-স্কিল ইজুকেসন তম্বা হৌদোক্লে। মহৈরোয়শিংনা হিদাক মনা অমসুং অতোপ্পা লাইচুগনবা পোৎলমশিংদগী লাপথোক্নবা লাইফ-স্কিলশিংনা মতেং পাংলি। ক্লাস ৮, ১১ অমসুং ১২গী সেল্লেবসতা হিদাকমনাগী অমাঙবশিং য়াওনা দ্রগ লান্না শীজিন্নবগী মচাকশিং য়াওরবা এন.সি.ই.আর.তিগী তেক্সবুকশিং সি.বি.এস.ই স্কুলশিংনা তম্লে।

মসিগী মথক্ত, দিপার্তমেন্তনা পুথোকপা ‘স্কুল সেফতি অমসুং সেকুরিতিগী চৎন-কাংলোনশিং’না সরকারগী স্কুলশিং, এদেদ-স্কুলশিং অমসুং লনাই স্কুলশিংদা তম্লিবা মহৈরোয়শিং অশোই-অঙাম থোক্তনবা স্কুল মেনেজমেন্ত, তোঙান-তোঙানবা মরী লৈনবশিং অমসুং দিপার্তমেন্তশিংনা লৌগদবা থৌদাং পীরি। স্কুলগী অকোয়বদা করিগুম্বা হিদাকমনাগী পোৎথোকশিং য়োনবা থেংনবা মতমদা দরকার ওইবা থবকশিং লৌগৎনবগী মতাংদা হায়রিবা চৎন-কাংলোনশিং অসিদা ফোঙদোক্লি।

মখা তানা ফংবা পাউগী মতুংইন্না, নেসনেল কম্মিসন ফোর প্রোতেক্সন ওফ চাইল্দ রাইতস(এন সি পি সি আর)না নার্কোতিক্স কন্ত্রোল বিউরো(এন সি বি) অমসুং মরী লৈনবা মিনিস্ত্রিশিং অমসুং মরী লৈনবশিংগা খুৎশম্নদুনা অঙাংশিংনা দ্রগশিং অমসুং পোৎলমশিং লান্না শীজিন্নবা থিংনবা ২০২১দা “জোইন্ত এক্সন প্লান” অমা পুথোক্লে। মসি অঙাংশিং দ্রগ লান্না শীজিন্নবা অমসুং স্কুলশিং অমসুং কলেজশিংগী অকোয়বদা দ্রগশিং য়োনবা থিংনবা মসি পোলিসি দোকুমেন্ত অমনি অমসুং ফ্রেমৱার্ক অমনি। লৈবাক অসিগী অঙাংশিংগী মরক্তা দ্রগশিং অমসুং পোৎলমশিং লান্না শীজিন্নবা থিংনবা মতম চানা থবক পায়খৎনবা অচুম্বা থৌরাং অমনি। অঙাংশিংনা ফার্মাসিতিউকেলগী হিদাকশিং, ময়াই কাবা পোৎলমশিং অমসুং অতোপ্পা পোৎলমশিং নিশা ওইনা শীজিন্নবা ঙাকথোক্নবা লাল্লোং অমা ওইনা মসি শীজিন্নরি।

মসিগী জোইন্ত এক্সন প্লান অসিগী মরুওইবা শক্তমদি স্কুলশিং/কলেজশিংদা “প্রাহারি ক্লব”শিং শেম্বা অমসুং স্কুলশিং, কলেজশিং অমসুং মহৈলোয়শঙশিংদা তোঙান-তোঙানবা মহৈরোয়শিংগী ক্লবশিং অমসুং থৌরমশিং পাংথোকপনি।  জোইন্ত এক্সন প্লান অসি মখাগী লিঙ্ক অসিদা  এন.সি.পি.সি.আরগী ৱেবসাইত্তা ফংলে:

https://ncpcr.gov.in/showfile.phplang=1&level=1&sublinkid=2122&lid=2022.

ৱাফম অসি ঙসি রাজ্য সভাদা অইবা ওইনা পীখিবা পাউখুম অমদা ৱুমেন অমসুং চাইল্দ দিবলপমেন্তগী মিনিস্তর শ্রীমতি স্মৃতি জুবিন ইরানিনা ফোঙদোকখিবনি।

****

(Release ID: 1947301) Visitor Counter : 100