ভারতকী কোয়লা সেক্তরগী তুংগী মতম শেম-শানবগীদমক্তা, কোয়লা মন্ত্রালয়না CPSEশিংগী মরক্তা লার্জ স্কেল দাইবর্সিফিকেসন তৌবগী থৌওং কয়া লেপ্তনা খুমাং চাউশিনহল্লি। থৌওং অসিগা মরী লৈনবা অমা ওইনা, NLCILনা থর্মেল পাৱর প্লান্ত অনি শানবা শেম-শাবা লোইরে। প্লান্ত অমদি কানপুরগী মনাক্তা লৈবা ঘাতম্পুরদা শারি, মসিনা লুপা করোর 19,406 চঙদুনা 3 x 660 MWগী পাৱর পুথোক্কনি। NLCIL অমসুং উত্তর প্রদেশ সরকারগী জোইন্ত ভেঞ্চর অমা ওইরিবা প্রোজেক্ত অসিনা উত্তর প্রদেশতা 1478.28 MW অমসুং অসমদনা 492.72 MW পীগনি। প্রোজেক্ত অসি মথৌ তৌবা হৌবগী থাক্তা লৈরে অমসুং মসিনা হন্দক্কী চহি লোইরকপদা পাৱর পুথোকপা হৌরগনি হায়বগী থাজবা থম্লি।

মসিগা লোয়ননা, NLCILনা ওরিশাগী তালাবিরাদা 3 X 800 MWকী পিতহেদ থর্মেল পাৱর প্লান অমা শাবগী থৌরাং য়াৎপা লোইখ্রে। প্রোজেক্ত অসিদা চাউরাক্না লুপা করোর 19,422 চঙগনি পানরি অমসুং মসিনা তমিল নাদুদা 1450 MWগী পাৱর, পুদুচেরীদা 100 MWগী পাৱর অমসুং কেরলাদা 400 MWগী পাৱর পীগনি। প্রোজেক্ত অসি হন্দক্কী চহি লোইরকপদা হৌগনি হায়বগী থাজবা লৈরি অমসুং ইং 2028-29 ফাওবদা লোইশিনবা য়ানা লৈরি।

কোল ইন্দিয়া লিমিতেদ (CIL)না থর্মেল পাৱর প্লান্ত অনি অমগসু শাবগী থৌরাং য়াৎলি। অমরকন্তক্কী মনাক্তা লৈগদবা প্লান্ত অমদি মধ্য প্রদেশ সরকারগা লোয়ননা পায়খৎকদবা জোইন্ত ভেঞ্চর অমা ওইগনি। লুপা করোর 5600 চঙগনি পারিবা প্লান্ত অসিনা পুথোকপা ঙমগদবা কেপাসিতী অসি 1x660 MW ওইগনি। প্রোজেক্ত অসি হৌজিক্কী ওইনা এপ্রুবেল পীবগী এদভান্স স্তেজতা লৈরি, অমসুং CILগী সবসিদরী অমা ওইরিবা SECLনা প্রোজেক্ত অসিদা লুপা করোর 857বু ইকুইতী ওইনা ইনভেস্ত তৌগনি। প্রোজেক্ত অসি SECL অমসুং মধ্য প্রদেশ পাৱর জেনেরেতিং কম্পেনী লিমিতেদকী মরক্তা লৈবা জোইন্ত ভেঞ্চরগী খুত্থাংদা পায়খৎকনি। প্রোজেক্ত অসিগী থবক অসি হন্দক্কী শেনবা চহিগী অরোইবদগী হৌগনি হায়না পানরি অমসুং ইং 2028 ফাওবদা লোইশিন্নবা পান্দম থম্লি। প্রোজেক্ত অসিগীদমক্তা তঙাই ফদবা লমদি হান্ননা শিনবা লোইখ্রবনি।

মসিদা নত্তনা, CILগী অতোপ্পা সবসিদরী অমা ওইরিবা মহানদি কোল ফিল্দ লিমিতেদ (MCL)না মহানদি বেসিন পাৱর লিমিতেদ অসিবু মপুং ওইনা মপু ওইবা সবসিদরী অমা ওইনা শেমখ্রে। MCLনা মখোয়গী বসুন্ধরা মাইনগী মনাক্তা 2x800 MWকী থর্মেল পাৱর প্লান্ত অমা শেম্নবা থৌরাং তৌরি। লুপা করোর 15,947 চঙগনি পারিবা মসিগী পিতহেদ প্লান্ত অসিনা 4000 MWকী শেনফম ওইগদবা পাৱর পর্চেজ এগ্রীমেন্ত (PPA)গী মতাংদা তোঙান-তোঙানবা রাজ্যশিংগী পুক্নিংসু চিংশিল্লি। প্রোজেক্ত অসিগী থবক থৌরমশিং অসি মথংগী চহিগী ময়াইদা হৌগনি হায়বগী থাজবা থম্বগা লোয়ননা ইং 2028তা লোইশিনবগী পান্দম থমখ্রে।

কোয়লা মন্ত্রালয়না CILগী সবসিদরী খুদিংদা অনৌবা পিতহেদ থর্মেল পাৱর প্লান্ত শানবা চুনবা দি-কোল্দ লেন্দ থিনবা খঙহনবা লৈখ্রে। প্লান্ত অমবু পিতহেদ ওইনা শাবনা শেল চঙবা হন্থৈ, য়ুনিৎ অমদা চাউরাক্না লুপা 2.5কী ফিক্স কোস্ত অমসুং লুপা 1.25কী ভেরিএবল কোস্ত লৈদুনা মসিনা য়ুনিৎ অমদা লুপা 4দগী হন্থনা পাৱর পুথোকপগী ওইথোকপা লৈহল্লি। কোয়লা অসি তুংগী মতমদা সর্প্লস ওইরক্কনি হায়বগী থাজবা লৈবদগী ৱারেপ অসি লৌখিবনি, অমসুং মসিনা অনৌবা থর্মেল পাৱর প্লান্ত অনি শাবগা লোয়ননা CIL অমসুং NLCILগী ওপরেসনশিংবু সস্তেনেবল ওইহনবগী পান্দম থম্লি।

পাৱর মন্ত্রালয়গী পোলিসীগী মখা পোন্না, থর্মেলগা লোয়ননা সোলরগা পুন্সিন্দুনা পাৱর জেনেরেসন হেনগৎহন্নবগীদমক্তা থর্মেল পাৱর প্লান্তকা লোয়ননা রিন্যুএবল ইনর্জীগী তঙাই ফদবা মতিকশিংসু শেম্লে। মসিনা পাৱরবু এন্দ য়ুজরশিংদা অহোঙবা মমলদা ফংহনবদা তেংবাংগনি।

***