নেস্নেল সেন্তর ফোর গুদ গবর্নেন্স (NCGG)না এক্সতর্নেল এফিয়র্স মন্ত্রালয়গা তেংবাংনদুনা শিনবা মালদিবকী সিভিল সর্ভেন্তশিংগী চয়োল 2গী কেপাসিতী বিলদিং প্রোগ্রাম (CBP) অমা ঙসি, ওগস্ত 4, 2023দা নই দিল্লীদা লোইশিনখ্রে। ইং 2024 ফাওবগী মনুংদা সিভিল সর্ভেন্ত 1000বু পব্লিক এদমিনিস্ত্রেসন অমসুং গবর্নেন্সকী লমদা মখোয়গী স্কিল অমসুং তৌবা ঙম্বগী মতিক হেনগৎহন্নবগীদমক্তা  NCGGনা মালদিব সরকারগা লোয়ননা MoU অমগী খুৎয়েক পীনখিবনি। য়ানখিবা হীরমগী শরুক অমা ওইনা, NCGGনা মালদিবকী ACC ওফিসর 29 য়াওনা, ওফিসর 818 ফাওবদা হৌজিক ফাওবদা ত্রেনিং পীখ্রে।     

NCGGনা হোৎনরিবশিং খুদিংমক প্রধান মন্ত্রী নরেন্দ্র মোদীগী ‘মিনিমম গবর্নমেন্ত, মেক্সিমম গবর্নেন্স’ হায়বা লৈঙাকপগী মন্ত্রা অমসুং পব্লিক পোলিসী চৎনহনবা অমসুং চাউখৎ থৌরাংগী স্ত্রেতজী য়াৎপা মতমদা মীয়াম্বু খ্বাইদগী মাঙদা থম্বগী ৱাখল্লোনগা মরী লৈনবনি। মীয়াম্বু ময়োলদা থমদুনা লৈঙাকপগী ৱাখল্লোন মপাঙ্গল কনখৎহল্লিবা অমসুং লৌশিং, ই-পাউ অমসুং ইন্নোভেসন লান্নবগী থৌওং খুমাং চাউশিনহল্লিবা অমসুং খ্বাইদগী ফবা থৌওং পাংথোকপা অমসুং দিজিতেল গবর্নেন্স খুমাং চাউশিনহল্লিবা অসিসু পনখ্রিবা ৱাফমসিগী মখা পোন্না পাংথোকপনি। হোৎনরিবা খুদিংমক অসি বাইলেতরেল মরী ফগৎহনবা অমসুং য়ুম্লোন্নবা লৈবাকশিংগা রিজনেল কোওপরেসন হেন্না ফগৎহন্নবা থম্লিবা পান্দমগী মাইকৈদনি।   

ভেলেদিক্তরী সেসন অসিবু নেস্নেল সেন্তর ফোর গুদ গবর্নেন্সকী দাইরেক্তর জেনেরেল, শ্রী ভি. শ্রীনিভাসনা লুচিংখি। মহাক্না প্রোগ্রাম অসিদা শরুক য়ারিবা ওফিসরসিংনা মখোয়না প্রোগ্রাম অসিগী মনুংদা ফংখিবা খুদোংচাবশিংগী কান্নবা লৌনবা অমসুং অমগা অমগা লৌশিং লান্নদুনা গ্রুপ অমা ওইনা থবক তৌমিন্ননবা হায়খি। মপাঙ্গল লৈবা তীম অমা শেম্বা হায়বসি অফবা ৱাখল্লোন কয়া পুথোকপদা মথৌ তাই অমসুং ৱাখল্লোনশিং অসিবু মীয়ামগী পুন্সি মহিং ফগৎহনবদা শিজিন্নবা য়াগনি। প্রোগ্রাম অসিদগী লৌফম থোকপা থোকপা খ্বাইদগী চাউবা কান্নবা লৌবা অমসুং খ্বাইদগী থৌওংশিংদগী তম্বা হায়বা ৱাফমদা মহাক্না অহেনবা মিৎয়েং থমখি, অমসুং মসিগী মতুং ইন্না, মখোয়না মশাগী ফিভমশিংগা চুনহন্নবা ৱাখল্লোনশিং অসিবু শেমদোকপসু য়াগনি।

সিভিল সর্ভেন্তশিংনা দিজিতেল ইহৌগী কান্নবা লৌবা অমসুং ITগী খ্বাইদগী অনৌবা ইন্নোভেসনশিং শিজিন্নবা হায়বা ৱাফমসিদা মহাক্না অহেনবা মিৎয়েং চঙখি অমসুং মসিনা দিজিতেল গবর্নেন্সকী থৌওংবু চাউখৎহনবা ঙমগনি হায়না মহাক্না মখা তাখি। ভারতনা থৌওং অসিবু হেল্থ সেক্তরদা নীংথিনা শিজিন্নখিবনা কোবিদ-19 মাইয়োক্নবদা মপুং ওইনা তেংবাংখিবা অমসুং মীয়ামদা মতম চানা সর্ভিস কয়া ফংহনখিবা অদুবু মহাক্না খুদম ওইনা পনখি। DGনা শরুক য়ারিবা ওফিসরশিংদা মখোয়না মশাগী থবক তৌবগী ইনভাইরনমেন্তকী তঙাই ফদবশিংগা চুননবা শেমদোকপা য়াবা প্রোগ্রাম অসিদগী ফংবা ঙমখিবা মশক থোকপা লর্নিং খরা মশক খঙদোক্নবা পুক্নিং থৌগৎখি। ওফিসরশিংনা মখোয়না প্রোগ্রাম অসিদগী তমখিবা ৱাফম কয়া উৎপা নীংথিরবা প্রজেন্তেসন উৎপগীদমক্তা থাগৎপসু ফোংদোকখি।

ভেলেদিক্তরী থৌরম অসিদা মালদিব রিপব্লিক্কী হাই কম্মিস্নর, ঐচ.ই. শ্রী ইব্রাহীম শাহীবসু শরুক য়াখি, অমসুং মহাক্না মখোয়গী ওফিসরশিংগী কেপাসিতী বিলদিং তৌবদা তেংবাংবগী ভারত সরকারবু থাগৎপগা লোয়ননা মখোয়গী ওফিসরশিংনা থৱাই য়াওনা শরুক য়াবগীদমক্তসু থাগৎপা ফোংদোকখি। প্রোগ্রাম অসিদা শরুক য়াখিবা ওফিসরশিংনা প্রোগ্রাম অসিদগী তমদুনা খঙবা ঙমখিবা মহৈগী শরুক অমা ওইনা “মালদিবতা স্কুলশিংবু দিজিতাইজ তৌবা” অমসুং “মালদিবতা হোস্পিতালশিংবু দিজিতাইজ তৌবা” হায়বসিগী মতাংদা নীংথিরবা প্রজেন্তেসন উৎখিবা অসিদসু মহাক্না নুংঙাইবা ফোংদোকখি। মহাক্না মখোয়না লৈবাক্কী চাউখৎ-থৌরাংগীদমক্তা অমত্তা ওইনা লৈমিন্নদুনা থবক তৌমিন্ননবা হায়খি।

প্রোগ্রাম অসিগী কোর্স কো-ওর্দিনেতর, দাঃ বি.এস. বিস্তনা প্রোগ্রাম অসিগী মতাংদা শম্লপ্পা ৱাফম থম্লদুনা 26শুবা কেপাসিতী বিলদিং প্রোগ্রাম অসিদা NCGGনা লৈবাক অসিদা পায়খৎখিবা তোঙান-তোঙানবা খোঙথাং কয়াসু শেয়র তৌখি হায়না ফোংদোকখি। মসিগী মনুংদগী পনবা য়াবা খোঙথাং খরদি – লৈঙাকপগী থৌওংদা অহোংবা পুরকখিবা, সেন্ত্রেলাইজ পব্লিক গ্রাইবেন্স রিদ্রেসেল অমসুং মোনিতরিং সীস্তেম, ভারত মালদিবকী মরী, আধারঃ গুদ গবর্নেন্সকী খুৎলায় অমা, মীয়ামগী পোলিসী চৎনহনবা, ইথিক্স ইন এদমিনিস্ত্রেসন, মীয়ামগী পোলিসী শেম্বদা বিহেভিওরেল ইন্সাইত লৈবা, জেন্দর অমসুং দিভেলপমেন্ত, তোতেল ক্বালিতী মেনেজমেন্ত, দিজাজতর মেনেজমেন্ত, গবর্নমেন্ত ই-মার্কেতপ্লেস, স্মার্ত সিতী দিভেলপমেন্ত, তোঙান-তোঙানবা দিভেলপমেন্ত স্কিমশিংগী বেস্ত প্রেক্তিস, লো কোস্ত দিসেলাইনেসন ফোর দ্রঙ্কিং ৱাতর, ক্লাইমেত চেঞ্জ, তুরিজম, ই-গবর্নেন্স অমসুং দিজিতেল ইন্দিয়া UMANG, লীদর্শিপ, কো-ওর্দিনেসন অমসুং কম্ম্যুনিকেসন, হেল্থ কেয়র গবর্নেন্স, সেনিতেসন অমসুং পব্লিক হেল্থ বিহেবিয়র, সর্ক্যুলর ইকোনোমী, স্কিল ইন্দিয়া, এন্তি করপসন স্ত্রেতজীনি।

শরুক য়াখিবা ওফিসরশিংবু চাউখৎ থৌরাংগী প্রোজেক্ত পায়খৎলিবা কয়া অমসুং ইন্সতিত্যুসন কয়া য়েংহনবগী পান্দম থম্বা খোঙচৎ কয়াদা পুখি। খোঙচৎশিং অসিনা মখোয়গী মফমদা মরু ওইবা খোঙথাং অমসুং লুপ কয়াগা মরী লৈনবা মমল নাইদ্রবা লৌশিং অমসুং ফর্স্ত হেন্দ এক্সপেরিএন্স কয়া ফংহনখি। মসিগী মনুংদা দেহরাদুনগী স্মার্ত সিতী প্রোজেক্ত, প্রধানমন্ত্রী ম্যুজিয়ম, AIIMS য়াওখি।

মালদিবকী কোর্স কোওর্দিনেতর, দাঃ বি.এস. বিস্তনা 26শুবা কেপাসিতী বিলদিং প্রোগ্রাম অসিবু মপুং ওইনা য়েংশিনখি অমসুং NCGGগী কোর্স কোওর্দিনেতর, দাঃ শঞ্জীব শর্মা অমসুং কেপাসিতী বিলদিং তীম্না মহাকপু থবকশিং অসিদা তেংবাংখি।

*****