কেন্দ্রগী গৃহ অমসুং কোওপরেসন মন্ত্রী, শ্রী অমিত শাহনা ঙসি নই দিল্লীদা CRCS- সহারা রিফন্দ পোর্তেলগী খুত্থাংদা সহারা গ্রুপ ওফ কোওপরেতিব সোসাইতীজকী জেন্যুইন দিপোজিতরশিংদা ফন্দশিং ত্রান্সফর তৌখ্রে। থৌরম অসিদা কোওপরেসনগী কেন্দ্রগী রাজ্য মন্ত্রী, শ্রী বি এল ভর্ম, হান্নগী সুপ্রিম কোর্তকী জজ শ্রী আর সুভাশ রেদ্দী, কোওপরেসন মন্ত্রালয়গী সেক্রেতরী শ্রী জ্ঞানেশ কুমার, রিফন্দ প্রোসেস অসিদা অমসুং রিফন্দশিং ফংলিবা দিপোজিতরবু মতেং পাংনবা থাখিবা মকোক থোংবা ওফিসর্স ওন স্পেসিএল দ্যুতী (OSD) মরিসু শরুক য়াখি।

শ্রী অমিত শাহনা মহাক্কী ৱারোল পীবদা হায়খি মদুদু প্রধান মন্ত্রী শ্রী নরেন্দ্র মোদীগী লুচিং মখাদা ভারত সরকারনা লৈবাক অসি লাইরবা অমসুং মিদ্দল ক্লাসকী মীওই খুদিংমক্কী হকশিং কন্নবা অমসুং সমাজ অসিগী খ্বাইদগী লাইরবা অমসুং শোত্থরবা শরুকশিংগী অৱাবশিং কোকহন্নবা কন্না হোৎনরি। ঙসি মাইকৈ অসিদা কোওপরেসন মন্ত্রালয়না অচৌবা মাইপাকপা অমা পুরকপা ঙমখ্রে। মহাক্না মখা তারদুনা হায়খি মদুদি অতেনবা মতমগী মনুংদা দিপোজিতরশিংগী দিপোজিৎ তৌখিবা শেনফম অদু ফংনবা এজেন্সী পুম্নমক্না শীংথানীংঙাই ওইনা থবক তৌখি, মসিগা লোয়ননা দিপোজিতরশিংনা মখোয়গী শেল অমুক ফংবা ঙমহল্লি। জুলাই 18, 2023দা CRCS- সহারা রিফন্দ পোর্তেল লোঞ্চ তৌখিবা মতমদা শেনফম অসি পোর্তেলদা রেজিস্তর তৌবগী নুমিৎ 45গী মনুংদা জেন্যুইন দিপোজিতরশিংদা পীগনি হায়না ফোঙদোকখি অদুবু সুপ্রিম কোর্তনা শেমখিবা কম্মিতি অমসুং ভারত সরকারগী এজেন্সী পুম্নমক্না পুন্না থবক তৌদুনা অতেনবা মতমগী মনুংদা শীংথানীংঙাই ওইবা থবক তৌবা ঙমখি। ফন্দশিং ত্রান্সফর তৌবগী থৌওং অসি থা অমগী মনুংদা হৌবা ঙমখি, মসিনা মরম ওইরগা বেনিফিসরী 112গী বেঙ্ক একাউন্তশিংদা লুপা 10,000 দিপোজিৎ তৌবা ঙমখ্রে। শ্রী শাহনা হায়খি মদুদি কোওপরেসন মন্ত্রালয়না ইনভেস্তর করোর কয়াগী ৱাখলদা অপেনবা অমসুং থাজবা পোকহনখি।

গৃহ অমসুং কোওপরেসনগী কেন্দ্র মন্ত্রীনা হায়খি মদুদি কোওপরেসন মন্ত্রালয় শেমখিবা মতমদা মন্ত্রালয় অসিনা কোওপরেতিব স্ত্রকচর অমুক হন্না মপাঙ্গল কনখৎহন্নবা, চহি 75গী মমাংদা শেমখিবা কোওপরেতিব লোশিংদা মতম চানা অহোংবশিং পুরকপা অমসুং মীয়ামনা কোওপরেতিবশিংদা থাজবা মাংখিবা অদু নৌনা হঞ্জিনহনবা অসিগুম্বা শীংনবা কয়ামরুম মায়োক্নখি। কোওপরেসন মন্ত্রালয়না শীংনবশিং অসি কোকহন্নবা থবক তৌখি। খোঙথাংশিং অসি চহি 15রোমদগী সহারা গ্রুপকী কো-ওপরেতিব সোসাইতী মরিদা পন্দুনা লৈরকখিবা লুপা করোর কয়া রিফন্দ তৌনবা লৈববাক্কী ইনভেস্তর করোর কয়া মতেং পাংনবনি। শ্রী শাহনা হায়খি মদুদি ইনভেস্তর লাখ 33রোমনা  CRCS –সহারা রিফন্দ পোর্তেলদা রেজিস্তর তৌখি।

শ্রী অমিত শাহনা হায়খি মদুদি চহি অমগী মমাংদা কোওপরেতিব মন্ত্রালয়না সহারা গ্রুপকী কোওপরেতিব সোসাইতী মরিদা পন্দুনা লৈখিবা ইনভেস্তরশিংগী শেনফম রিফন্দ তৌনবা মীফমশিং মথং-মথং পাঙথোকপা হৌখি। স্তেকহোল্দর পুম্নমক অমত্তা ওইনা পুনশিন্দুনা কোওপরেসন মন্ত্রালয়না দিপার্তমেন্ত পুম্নমক্কা লোয়ননা সুপ্রিম কোর্ত্তা পেতিসন অমা ফাইল তৌখি। হান্নগী সুপ্রিম কোর্তকী জজ অমনা লুচিংবা কম্মিতি অমা শেমখি অমসুং মনুং-মপান ফাওনা উবা মওং অমদা জেন্যুইন দিপোজিতরশিংদা রিফন্দ তৌনবা প্রোসেস হৌগনি হায়না সুপ্রিম কোর্তনা ইতিহাসিক ওইরবা ৱায়েল অমা পীখি।

কেন্দ্রগী গৃহ অমসুং কোওপরেসন মন্ত্রীনা হায়খি মদুদি ঙসি রিফন্দ তৌগদবা শেনফম অসিদা অপীকপা ইনভেস্তরশিংনা অহানবা হক লৈবনা মখোয়দা লুপা  10,000গী শেনফমগা লোয়ননা ইনভেস্তর 112দা পীখি। অদুবু তুংদা লাক্কদবা চহিশিংদা ইনভেস্তর পুম্নমক মখোয়গী শেল শোইদনা ফংগনি। মহাক্না হায়খি মদুদি পেমেন্তগী মথংগী ইনস্তোলমেন্ত থাদোকপা অসি অতেনবা মতমগী মনুংদা তৌরগনি মরমদি ওদিৎকী প্রোসেস লোইশিন্দুনা লৈরে। শ্রী শাহনা হায়খি মদুদি লৈবাক্কী প্রজা খুদিংমক্কী দিপোজিৎ সেক্যুর তৌনবা অমসুং লো ইনেক্ত তৌনবা কন্সতিত্যুসনগী মখাদা হকশিং শীজিন্নদুনা মখোয়গী পন্দুনা লৈখিবা দিপোজিৎশিং হন্দোকপা অসি লৈবাক্কী সরকার অমসুং এদমিনিস্ত্রেসনগী থৌদাংনি। শ্রী শাহনা সহারা গ্রুপকী কোওপরেতিব সোসাইতীশিংগী ইনভেস্তরশিংদা মোদী সরকারনা মখোয়না ৱানা তানবা শেল খুদিংমক অমুক হন্না ফংহন্নবা অকনবা খোঙথাংশিং পাইখৎলি হায়না থাজবা পীখি। শ্রী অমিত শাহনা হান্নগী সুপ্রিম কোর্তকী জজ শ্রী আর সুভাশ রেদ্দী, কোওপরেসন মন্ত্রালয়গী সেক্রেতরী শ্রী জ্ঞানেশ কুমার, স্পেসিএল সেক্রেতরী শ্রী বিজয় কুমার অমসুং কোওপরেসন মন্ত্রালয়গী ওফিসিএলশিং অমসুং মরী লৈনবা এজেন্সী পুম্নমকপু অতেনবা মতমগী মনুংদা ফন্দশিং ত্রান্সফর তৌবগী প্রোসেস হৌহনখিবগীদমক থাগৎপা ফোঙদোকখ্রে। সহারা গ্রুপকী দিপোজিতরশিংনা মখোয়গী  শেল রিফন্দ তৌনবা প্রধান মন্ত্রী শ্রী নরেন্দ্র মোদীগী লুচিং অমসুং কেন্দ্রগী গৃহ অমসুং কোওপরেসন মন্ত্রী, শ্রী অমিত শাহগী মীৎয়েং মখাদা কোওপরেসন মন্ত্রালয়না লৌখৎখিবা খোঙথাংশিংগীদমক তৌবীমল খঙবা উৎখ্রে।

ঙসি অহানবা ফেজদা সহারা গ্রুপ কোওপরেতিব সোসাইতীগী দিপোজিতর 112দা মখোয়গী আধারগা লিঙ্ক তৌবা বেঙ্ক একাউন্তশিংগী খুত্থাংদা লুপা 10,000 পীখি। অহানবা স্তেজকী এনালাইসিস্তা য়ুম্ফম ওইরগা এনিকস ক্যুরিগী মতেংগা লোয়ননা ক্লেমশিং ভেরিফিকেসন তৌনবা “SOP (স্তেন্দর্দ ওপরেতিং প্রোসিদ্যুর)” শেমখ্রে।

কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহনা সেন্ত্রেল রেজিস্তর ওফ কোওপরেতিব সোসাইতীজ CRCS – সহারা রিফন্দ পোর্তেল https://mocrefund.crcs.gov.in/ অসি জুলাই 18, 2023দা লোঞ্চ তৌখ্রে। মসিগী পোর্তেল অসিনা কোওপরেতিব সোসাইতীজ ওফ সহারা গ্রুপ – সহারা ক্রেদিৎ কোওপরেতিব সোসাইতী লিমিতেদ, সআরায়ান য়ুনিভর্সেল মল্তিপর্পজ সোসাইতী লিমিতেদ, হমারা ইন্দিয়া ক্রেদিৎ কোওপরেতিব সোসাইতী লিমিতেদ অমসুং স্তার্স মল্তিপর্পজ সোসাইতী লিমিতেদকী জেনুইন দিপোজিতরশিংনা ক্লেমশিং সবমিসন তৌনবা শেমখিবনি।

হোনরেবল সুপ্রীম কোর্তকী মার্চ 2023গী তাং 29দা থোকখিবা ওর্দর অমগী মতুং ইন্না “সহারা-SEBI রিফন্দ একাউন্ত”তগী সেন্ত্রেল রেজিস্তর ওফ কোওপরেতিব সোসাইতিজ (CRCS)দা লুপা করোর 5000 সহারা গ্রুপ ওফ কোওপরেতিব সোসাইতিজগী জিনুইন ওইবা দিপোজিতরশিংদা মখোয়গী লেজিতিমেত দ্যুশিং অদু পীথোক্নবা ত্রান্সফর তৌখ্রে। দিসভর্সমেন্তগী অপুনবা প্রোসেস অসি হোনরেবল সুপ্রীম কোর্তকী দিরেক্সনগী মতুং ইন্না লর্ন্দ এভোকেত শ্রী গৌরব অগ্রৱালগী মতেংগা লোয়ননা সুপ্রীম কোর্তকী হান্নগী জজ জস্তিস আর. সুভাশ রেদ্দীনা সুপর্ভাইস অমসুং মোনিতর তৌগনি।

ক্লেমশিং সবমিসন তৌনবা দিভেলপ তৌখিবা ওনলাইন পোর্তেল অসি য়ুজর ফ্রেন্দলী, ইফিসিএন্ত অমসুং ত্রান্সপরেন্ত ওই। প্রোসেস পুম্বা দিজিতেল ওই। জিনুইন দিপোজিতরশিংগী লেজিতিমেত ওইবা দিপোজিতশিং খক্তা রিফন্দ তৌনবা পোর্তেল অসিদা মথৌতাবা চেক অমসুং বেলেন্সশিং য়েংশিনগনি। মসিগী পোর্তেল অসি কোওপরেসন মন্ত্রালয়গী ৱেবসাইতকী খুত্থাংদা এক্সেস তৌবা য়াগনি। মসিগী সোসাইতী অসিগী জিনুইন দিপোজিতরশিংনা পোর্তেলদা ফংলিবা ওনলাইন এপ্লিকেসন ফোর্ম অসি মেনশিল্লবা মতুংদা অমসুং মথৌ তাবা দোক্যুমেন্তশিং অপলোদ তৌগদবনি। দিপোজিতরশিং অসি মখোয়গী আইদেন্তিতী মশক খংনবা আধার কার্দকী খুত্থাংদা ভেরিফাই তৌগনি। দিপোজিতরশিংগী ক্লেম ভেরিফিকেসন তৌরবা অমসুং দোক্যুমেন্তশিং অপলোদ তৌরবা মতুংদা ওনলাইন ক্লেম সবমিসনগী নুমিৎ 45গী মনুংদা শেনফম অদু দিপোজিতরগী আধারগা লিঙ্ক তৌবা বেঙ্ক একাউন্ততা হকথেংননা ত্রান্সফর তৌগনি। সোসাইতী অসিগী জিনুইন দিপোজিতরশিংনা মখোয়গী আধার অদু মোবাইল নম্বর অমসুং বেঙ্ক একাউন্তকা লোয়ননা লিঙ্ক তৌনবা অমসুং মথৌতাবা দোক্যুমেন্তশিং থম্নবা আপীল তৌরি।

****