ਕੇਂਦਰੀ ਗ੍ਰਹਿ ਮੰਤਰੀ ਅਤੇ ਸਹਿਕਾਰਤਾ ਮੰਤਰੀ ਸ਼੍ਰੀ ਅਮਿਤ ਸ਼ਾਹ ਨੇ ਅੱਜ ਵੀਡੀਓ ਕਾਨਫਰੰਸਿੰਗ ਰਾਹੀਂ ਆਂਧਰ ਪ੍ਰਦੇਸ਼ ਦੇ ਕੁਰਨੂਲ ਵਿੱਚ ਭਗਵਾਨ ਸ਼੍ਰੀ ਰਾਮ ਦੀ 108 ਫੁੱਟ ਉੱਚੀ ਪ੍ਰਤਿਮਾ ਦਾ ਨੀਂਹ ਪੱਥਰ ਰੱਖਿਆ।

ਆਪਣੇ ਸੰਬੋਧਨ ਵਿੱਚ ਸ਼੍ਰੀ ਅਮਿਤ ਸ਼ਾਹ ਨੇ ਕਿਹਾ ਕਿ ਅੱਜ ਕੁਰਨੂਲ ਦੇ ਮੰਤਰਾਲਯਮ ਵਿੱਚ 500 ਕਰੋੜ ਰੁਪਏ ਤੋਂ ਵਧ ਦੀ ਲਾਗਤ ਨਾਲ ਬਣਨ ਵਾਲੀ ਭਗਵਾਨ ਸ਼੍ਰੀ ਰਾਮ ਦੀ ਸ਼ਾਨਦਾਰ ਪ੍ਰਤਿਮਾ ਦਾ ਨੀਂਹ ਪੱਥਰ ਰੱਖਿਆ ਗਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਮੰਤਰਾਲਯਮ ਵਿੱਚ ਸਥਾਪਿਤ ਹੋਣ ਵਾਲੀ ਭਗਵਾਨ ਸ਼੍ਰੀ ਰਾਮ ਦੀ ਇਹ 108 ਫੁੱਟ ਉੱਚੀ ਪ੍ਰਤਿਮਾ ਯੁੱਗਾਂ-ਯੁੱਗਾਂ ਤੱਕ ਪੂਰੇ ਵਿਸ਼ਵ ਨੂੰ  ਸਾਡੇ ਸਨਾਤਨ ਧਰਮ ਦਾ ਸੰਦੇਸ਼ ਦੇਵੇਗੀ ਅਤੇ ਦੇਸ਼-ਦੁਨੀਆ ਵਿੱਚ ਵੈਸ਼ਨਵ ਪਰੰਪਰਾ ਨੂੰ ਮਜ਼ਬੂਤ ਕਰੇਗੀ। ਸ਼੍ਰੀ ਸ਼ਾਹ ਨੇ ਕਿਹਾ ਕਿ ਸਾਡੀ ਹਿੰਦੂ ਸੰਸਕ੍ਰਿਤੀ ਵਿੱਚ 108 ਬਹੁਤ ਪਵਿੱਤਰ ਨੰਬਰ ਹੈ।

ਕੇਂਦਰੀ ਗ੍ਰਹਿ ਮੰਤਰੀ ਅਤੇ ਸਹਿਕਾਰਤਾ ਮੰਤਰੀ ਨੇ ਕਿਹਾ ਕਿ ਇਹ ਪ੍ਰੋਜੈਕਟ ਤੁੰਗਭਦਰਾ ਨਦੀ ਦੇ ਕਿਨਾਰੇ ’ਤੇ ਸਥਿਤ ਮੰਤਰਾਲਯਮ ਪਿੰਡ ਵਿੱਚ 10 ਏਕੜ ਵਿੱਚ ਫੈਲਿਆ ਹੋਇਆ ਹੈ ਅਤੇ ਢਾਈ ਸਾਲ ਵਿੱਚ ਪੂਰਾ ਹੋ ਜਾਵੇਗਾ। ਉਨ੍ਹਾਂ ਨੇ ਕਿਹਾ ਕਿ ਮੰਤਰਾਲਯਮ ਪਿੰਡ ਰਾਘਵੇਂਦਰ ਸਵਾਮੀ ਦੇ ਮੰਦਿਰ ਦੇ ਲਈ ਬਹੁਤ ਪ੍ਰਸਿੱਧ ਹੈ। ਇਸ ਸਥਾਨ ਦਾ ਇਤਿਹਾਸਿਕ ਮਹੱਤਵ ਹੈ। ਮਹਾਨ ਵਿਜੇਨਗਰ ਸਾਮਰਾਜ ਦੀ ਉਤਪਤੀ ਤੁੰਗਭਦਰਾ ਨਦੀ ਦੇ ਕਿਨਾਰੇ ’ਤੇ ਹੋਈ ਸੀ, ਇਸ ਨੇ ਹਮਲਾਵਰਾਂ ਨੂੰ ਪੂਰੇ ਦੱਖਣ ਤੋਂ ਖਦੇੜ ਕੇ ਸਵਦੇਸ਼ ਅਤੇ ਸਵੈ-ਧਰਮ ਦੀ ਪੁਨਰ-ਸਥਾਪਨਾ ਕੀਤੀ। ਸ਼੍ਰੀ ਸ਼ਾਹ ਨੇ ਕਿਹਾ ਕਿ ਮੰਤਰਾਲਯਮ ਦਾਸ ਸਾਹਿਤ ਪ੍ਰਕਲਪ ਦੇ ਤਹਿਤ ਆਵਾਸ, ਅੰਨ ਦਾਨਮ, ਪ੍ਰਾਣ ਦਾਨਮ, ਵਿਦਿਆ ਦਾਨਮ, ਪੀਣ ਵਾਲੇ ਪਾਣੀ ਅਤੇ ਗਊ ਰੱਖਿਆ ਜਿਹੀਆਂ ਕਈ ਪਹਿਲਾਂ ਕੀਤੀਆਂ ਗਈਆਂ ਹਨ।

ਸ਼੍ਰੀ ਅਮਿਤ ਸ਼ਾਹ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ, ਸ਼੍ਰੀ ਨਰੇਂਦਰ ਮੋਦੀ ਨੇ ਕਈ ਵਰ੍ਹਿਆਂ ਤੋਂ ਲੰਬਿਤ ਸ਼੍ਰੀ ਰਾਮ ਮੰਦਿਰ ਦਾ ਨੀਂਹ ਪੱਥਰ ਰੱਖ ਕੇ ਅਯੋਧਿਆ ਵਿੱਚ ਸ਼੍ਰੀ ਰਾਮ ਮੰਦਿਰ ਨਿਰਮਾਣ ਦਾ ਮਾਰਗ ਪੱਧਰਾ ਕਰ ਦਿੱਤਾ ਹੈ। ਹੁਣ ਜਲਦੀ ਹੀ ਰਾਮਲਲਾ ਦੀ ਮੂਰਤੀ ਸ਼੍ਰੀ ਰਾਮ ਮੰਦਿਰ ਵਿੱਚ ਸਥਾਪਿਤ ਹੋਵੇਗੀ ਅਤੇ ਸੈਂਕੜੇ ਵਰ੍ਹਿਆਂ ਬਾਆਦ ਇੱਕ ਵਾਰ ਫਿਰ ਭਗਵਾਨ ਸ਼੍ਰੀ ਰਾਮ ਆਪਣੇ ਸਥਾਨ ’ਤੇ ਹੋਣਗੇ। ਮੰਤਰਾਲਯਮ ਵਿਖੇ ਸ੍ਰੀ ਰਾਮ ਦੀ ਸ਼ਾਨਦਾਰ ਮੂਰਤੀ ਦੇ ਨੀਂਹ ਪੱਥਰ ਦੇ ਮੌਕੇ ’ਤੇ ਕੇਂਦਰੀ ਗ੍ਰਹਿ ਮੰਤਰੀ ਅਤੇ ਸਹਿਕਾਰਤਾ ਮੰਤਰੀ ਨੇ ਮਠ ਦੇ ਮਠਾਧੀਸ਼,  ਪਰਮ ਪੂਜਯ ਸੰਤ ਮਾਧਵਾਚਾਰੀਆ ਜੀ, ਸੰਤ ਰਾਘਵੇਂਦਰ ਸਵਾਮੀ ਜੀ, ਦੱਖਣ ਦੀ ਅਤਿਅੰਤ ਸਮ੍ਰਿੱਧ ਵੈਸ਼ਨਵ ਪਰੰਪਰਾ ਅਤੇ ਉਨ੍ਹਾਂ ਦੇ ਸਾਰੇ ਸੰਤਾਂ ਨੂੰ ਸਨਮਾਨ ਦਿੱਤਾ।

******

ਆਰਕੇ/ਏਵਾਈ/ਏਕੇਐੱਸ