কেন্দ্রগী হোম অমসুং কোওপরেশন মন্ত্রী, শ্রী অমিত শাহনা ঙসি ভীদিও কনফরেন্সিংগী খুত্থাংদা অন্ধ্র প্রদেশকী কর্নুলদা ভগবান শ্রী রামগী ফীত ১০৮ ৱাংবা মীতম অমগী উরেপ উয়ুং তমখ্রে।

মহাক্না ৱা ঙাংবা মতমদা, শ্রী অমিত শাহনা হায়খি মদুদি ঙসি কর্নুলগী মন্ত্রালয়মদা লুপা করোর ৫০০ হেন্না চংনা শাগদবা ভগবান শ্রী রামগী য়াম্না চাউরবা মীতমগী উরেপ-উয়ুং তমখ্রে। মহাক্না হায়খি মদুদি মসিগী ফীত ১০৮ ৱাংবা ভগবান শ্রী রামগী মীতম অসিনা চহি কয়া কয়া মালেম শিনবা থুংনা ঐখোয়গী সনাতন ধর্মগী পাউজেল পীরগনি অমসুং লৈবাক অসিদা অমসুং মালেম অসিদা ৱৈস্নৱা চৎনবীবু হেন্না মপাঙ্গল কনখৎহল্লগনি। শ্রী শাহনা হায়খি মদুদি ১০৮ অসি ঐখোয়গী হিন্দুগী চৎনবীদা য়াম্না শেংলবা মশিংনি।

কেন্দ্রগী হোম অমসুং কোওপরেশন মন্ত্রীনা হায়খি মদুদি মসিগী প্রোজেক্ত অসি তুঙ্গাভদ্রা তুরেলগী খোংবান্দা লৈবা মন্ত্রালয়ম খুঙ্গংদা একর ১০গী লমদা শন্দোক্গনি অমসুং চহি অনি মখায়গী মনুংদা লোইশিল্লগনি। মহাক্না হায়খি মদুদি মন্ত্রালয়ম খুঙ্গং অসি রাঘাবেন্দ্র স্বামীগী লাইশঙগীদমক্তা য়াম্না মমিং চৎলি। মসিগী মফম অসি পুৱারিদা য়াম্না মরু ওই। য়াম্না চাউরবা ৱিজয়ানাগারা এমপায়র অসি তুঙ্গাভদ্রা তুরেলগী খোংবান্দগী হৌরকখি,মসিনা খা শিনবা থুংনদগী মপান লমদগী তকশিল্লক্লিবা মীতোপশিংবু তকথোক্লগা তানথোকখিদুনা স্বদেশ অমসুং স্বধর্মবু অমুক হন্না হঞ্জিলহনখি। মন্ত্রালয়ম দাস সহিত্যা প্রাকল্পকী মখাদা, হাউসিং, আন্না দানম, প্রা দানম, ৱিদ্যা দানম, থক্নবা ঈশিং অমসুং শনবু ঙাক-শেনবগুম্বা অনৌবা থৌরাং কয়া অমা পাইখৎখ্রে।

শ্রী অমিত শাহনা হায়খি মদুদি প্রধান মন্ত্রী, শ্রী নরেন্দ্র মোদীনা চহি কয়াদগী পন্থদুনা লৈরক্লবা অদুবু উরেপ-উয়ুং তমহন্দুনা আয়োধ্যাদা শ্রী রাম মন্দির শানবগীদমক্তা লম্বি য়াৎখি। হৌজিক্তি, য়াম্না থুনা শ্রী রাম তেম্পলদা রামলালাগী অশাবা শক্তম অদু খিল্লগনি অমসুং চহি চা কয়াগী মতুংদা অমুক হন্না ভগবান শ্রী রামনা মহাক্কী মফমদা লৈরগনি। মন্ত্রালয়মদা শ্রী রামগী চাউরবা মীতম অসিগী উরেপ-উয়ুং তম্বগী থৌরমদা, কেন্দ্রগী হোম অমসুং কোওপরেশন মন্ত্রীনা মথকী মাথাদিশতা, খ্বাইদগী হেন্না ইকাইখুম্নরবা সন্ত মাধৱচার্য় জী, সন্ত রাঘবেন্দ্র স্বামী জী, খা ভারত অমসুং মখোয়গী সন্তশিংগী য়াম্না ফজরবা ৱৈস্নৱা চৎনবীদা ইকাইখুম্নবা উৎখি।

******