بھارتی  بحریہ نے انڈین نیوی کوئز "جی 20 تھنک" کے دوسرے ایڈیشن کا آغاز کیا ہے جس کی میزبانی جی 20 سکریٹریٹ، بھارتی  بحریہ اور بحریہ کی فلاح و بہبود اور ویلنیس ایسوسی ایشن (این ڈبلیو ڈبلیو اے) کے زیراہتمام کی جارہی ہے۔ کوئز کو ایک قومی اور بین الاقوامی کوئز مقابلے کے طور پر تصور کیا گیا ہے جو مختلف خطوں اور جغرافیوں کے نوجوانوں کو اکٹھا کرتا ہے، اور انہیں وسودھیو کٹمبکم' – دنیا کو  ایک کرہ ء ارض کی روح پر پائیدار دوستی قائم کرنے کے قابل بناتا ہے۔ یہ نویں سے بارہویں جماعت  اور ان کے مساوی میں پڑھنے والے اسکولی بچوں کے لیے ایک منفرد اور افزودہ تجربہ ہونے کا وعدہ کرتا ہے۔

تھنک - 22 کی شاندار کامیابی کی بنیاد پر ،جس میں گزشتہ سال ملک بھر سے 6425 اسکولوں نے حصہ لیا تھا، اس سال اس مقابلے کو بین الاقوامی سطح پر لے جایا گیا ہے۔ جی  -20  ایک کرہ ء ارض ، ایک خاندان، ایک مستقبل - کے ہندوستان کی صدارت کے لئے معزز وزیر اعظم کے وژن کے ساتھ صفائی ستھرائی کے ساتھ - اس کا مقصد ہمارے قومی ورثے، ثقافت اور اقدار میں ہمارے فخر کی عکاسی کرنا ہے۔

جی 20 تھنک ، دو سطحوں پر مشتمل ہے: نیشنل راؤنڈ اور انٹرنیشنل راؤنڈ۔ قومی راؤنڈ میں ملک کے تمام حصوں سے 10,000 اسکولوں کی شرکت متوقع ہے۔ متعدد آن لائن راؤنڈز کے بعد، سولہ اسکولوں کا انتخاب ممبئی میں 16 نومبر 2023 کو ہونے والے سیمی فائنلز کے لیے کیا جائے گا۔ اس کے بعد، 18 نومبر 2023 کو مشہور گیٹ وے آف انڈیا پر شیڈول فائنل میں ٹاپ آٹھ ٹیمیں قومی تاج کے لیے مدمقابل ہوں گی۔ بین الاقوامی راؤنڈ کے لیے ہندوستانی ٹیم، جس میں دو اہم کوئزر اور ایک اسٹینڈ بائی شامل ہے، کا انتخاب ایک معزز جیوری کے ذریعے کیا جائے گا۔ تمام سولہ سیمی فائنل ٹیموں کو نیول ڈاکیارڈ کا دورہ کرنے اور جہازوں اور آبدوزوں پر موجود بحری اہلکاروں سے ملنے کا موقع بھی ملے گا۔

بین الاقوامی راؤنڈ میں جی 20 (+09) ممالک کے مدعو ہوں گے، جس میں ہر ملک  نویں سے بارہویں جماعت  تک اور ان کے مساوی کے دو طالب علموں کی ایک ٹیم کو نامزد کرے گا۔ کوئز انگریزی میں منعقد کی جائے گی  اور بین الاقوامی معیارات کے مطابق ہوگی ۔ مقررہ عمل کے بعد، گیارہ بین الاقوامی ٹیموں کو 22 نومبر 2023 کو مشہور انڈیا گیٹ پر، ہندوستانی ٹیم کے ساتھ، بین الاقوامی فائنل میں شرکت کے لیے منتخب کیا جائے گا۔

ثقافتی تفہیم کو فعال اور بڑھانے اور خیر سگالی پیدا کرنے کے لیے تقریب کے بعد کی بہت سی سرگرمیوں کا منصوبہ بنایا گیا ہے۔ وہ شرکا کو دلکش یادوں اور نئی اور دیرپا دوستی کے ساتھ چھوڑنے کا وعدہ کرتے ہیں۔

اسکولوں کی رجسٹریشن اس وقت نیشنل راؤنڈ کے لیے کھلی ہوئی ہے، جس میں ایک ہزار سے زیادہ اسکول پہلے سے موجود ہیں۔ تمام اسکولوں سے درخواست کی جاتی ہے کہ وہ اس منفرد مقابلے میں حصہ لیں اور اس غیر معمولی سفر کا حصہ بننے کے لیے اپنے بہترین کوئزرز کو رجسٹر کریں۔

مزید تفصیلات اور رجسٹریشن کے لیے جی 20 تھنک  کی سرکاری ویب سائٹ 'theindiannavyquiz.in' دیکھیں۔

جلدی کریں! رجسٹریشنز 31 جولائی 2023 کو بند ہوں گی۔ ایک  ایسی کوئز کا حصہ بنیں جو تمام جغرافیائی حدود سے باہر متحد کرتی ہے۔

ش ح۔ا م ۔

U.NO.7282