প্রধানমন্ত্রীগী লোইশঙ
রোজগার মেলাগী মখাদা পি.এম.না সরকারগী তোঙান-তোঙানবা বিভাগ অমসুং ওর্গনাইজেসনশিংদা নৌনা খল্লবা মীওইশিংদা জুলাই 22দা থবক খনবগী চিথী 70,000 হেন্না য়েন্থোক্কনি
রোজগার মেলা অসি প্রধান মন্ত্রীনা থবক লৈহন্নবগীদমক্তা খ্বাইদগী অহেনবা মিৎয়েং চঙলিবা অসিগী পান্দম ফংনবা পায়খৎপা খোঙথাং অমনি
নৌনা থবক খল্লবা মীওইশিংনা মশাবু কর্ময়োগী প্রারম্ভ হায়রিবা ওনলাইন মোদ্যুলগী খুত্থাংদা ত্রেন তৌজগনি
Posted On:
21 JUL 2023 11:49AM by PIB Imphal
প্রধান মন্ত্রী শ্রী নরেন্দ্র মোদীনা জুলাই 22গী অয়ুক্কী পুং 10.30 তাবা মতমদা ভিদিও কনফরেন্সিংগী খুত্থাংদা নৌনা থবক খল্লবা মীওইশিংগী মফমদা থবক খনবগী চিথী 70,000 হেন্না য়েন্থোক্কনি। থৌরম অসিদা মহাক্না নৌনা থবক খল্লবশিংগী মফমদা ৱা ঙাঙগনি।
রোজগার মেলা অসি লৈবাক্কী তোঙান-তোঙানবা মফম 44দা পাংথোক্কনি। থবক খল্লিবশিং অসি কেন্দ্র সরকারগী বিভাগশিংগা লোয়ননা খোঙথাং অসিবু শৌগৎলিবা রাজ্য/UTশিংগী মফমশিংদনি। লৈবাক শিনবা থুংবদগী থবক খল্লবা অনৌবা মীওইশিং অসিনা রেভেন্যু বিভাগ, ফাইনেন্সিএল বিভাগ, পোস্ত বিভাগ, স্কুল এজুকেসন বিভাগ, হাইয়র এজুকেসন বিভাগ, ঙাক শেল বিভাগ, হকশেল অমসুং য়াইফ য়ুম্বাল বিভাগ, সেন্ত্রেল পব্লিক সেক্তর অন্দর্তেকিং, ৱাতর সিরোর্স বিভাগ, পর্সোন্নেল অমসুং ত্রেনিং বিভাগকা লোয়ননা হোম এফিয়র বিভাগশিং য়াওনা সরকারগী তোঙান-তোঙানবা মন্ত্রালয় অমসুং বিভাগশিংদা চঙগনি।
রোজগার মেলা অসিদি প্রধান মন্ত্রীনা থবক লৈহন্নবগীদমক্তা খ্বাইদগী অহেনবা মিৎয়েং চঙলিবা অসিগী পান্দম ফংনবা পায়খৎপা খোঙথাং অমনি। রোজগার মেলা অসিনা থবক লৈহনবা হেনগৎহনবা অমসুং নহাশিংগী মশাগী পাঙ্গল হাপ্নবা অমসুং লৈবাক চাউখৎপদা শরুক য়াবা ফংবগী তসেংবা খুদোংচাবা পীবগী থৌওংবু হেন্না খুমাং চাউশিলহনগনি।
নৌনা থবক খল্লবা মীওইশিংনা মশাবু কর্ময়োগী প্রারম্ভগী খুত্থাংদা ত্রেন তৌজবগী খুদোংচাবসু ফংগনি। কর্ময়োগী প্রারম্ভ হায়বসি iGOTগী কর্ময়োগী প্রারম্ভদা য়াওবা ওনলাইন মোদ্যুল অমনি, মসিদা ;মফম অমা হেক্তদগী দিভাইস অমা হেক্তদগী’ তম্বা য়াহন্না ই-লর্নিং কোর্স 580 হেন্না য়াওরি।
***
(Release ID: 1941356)
Visitor Counter : 155
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam