20 جولائی 2023 کو دوسرے دن 14ویں صاف توانائی سے متعلق  وزارتی اور 8ویں مشن سے متعلق اختراعی میٹنگ میں صاف ستھری توانائی کی منتقلی کے لیے حکمت عملیوں سے متعلق اہم امور پر زور دیا گیا۔

  ’’عالمی صاف توانائی کو لاگو کرنے اور موسمیاتی اہداف کو پورا کرنے کے لیے علاقائی اور عالمی توانائی کے باہمی رابطے کو تیز کرنا‘‘ کے عنوان سے اجلاس میں اقتصادی اور سماجی ترقی کے لیے توانائی کی خدمات کی اہمیت پر توجہ مرکوز کرتے ہوئے بیرون ممالک میں  ایک دوسرے سے منسلک صاف توانائی کے نیٹ ورک کے قیام کی ضرورت پر زور دیاگیا۔ یہ باہم مربوط نظام وسیع پیمانے پر پائیداری اور کم لاگت کا باعث بن سکتا ہے، صاف توانائی کی تیز رفتار ترقی میں سہولت فراہم کرسکتا ہے اور توانائی کی منتقلی کے ذریعے خالص صفر کاربن کے اخراج کو حاصل کرنے میں مدد کرسکتا ہے۔ باہم مربوط توانائی کے نظام کے اندر صنعتی کاربن کے صفراخراج کو حاصل کرنے کے لیے برقی کاری کو ایک کلیدی حکمت عملی کے طور پر شناخت کیا گیا ہے۔

حکمت عملی پر مبنی شراکت داری اور تعاون کو متغیر توانائی کے ذرائع کا انتظام کرنے اور توانائی کی کھپت کے نمونوں کی نشاندہی کرنے کے قابل پیچیدہ باہم مربوط نظام کے قیام میں اہم تسلیم کیا گیا ہے۔ ڈیجیٹلائزیشن، انتہائی ہائی وولٹیج ٹیکنالوجی اور سائبر سیکورٹی کو مربوط توانائی کے نظاموں کے کامیاب آپریشن اور لچک کے لیے ضروری قرار دیا گیا۔ اے سی اور ڈی سی  انفراسٹرکچر کے باہمی ربط اور مخصوص اجزاء، ماڈیولز، اور سب سسٹمز کی ترقی کو تمام ممالک اور گرڈ حصوں اور غیر یقینی حالات میں معاشی ترقی، معتبریت اور لچک کو یقینی بنانے میں بہتر باہمی ربط کے لیے اہم سمجھا جاتا ہے ۔ متغیرات سے نمٹنے اور توانائی کے ذخیرہ اور پیداوار میں پائیدار تنوع کو فروغ دینے کے لیے باہمی ربط کے جغرافیائی نقش کی توسیع پر زور دیا گیا، جس سے لاگت میں کمی کے فوائد حاصل کرناممکن ہوپائے گا۔

سی او پی 28 یو اے ای پریذیڈنسی اور یو این ای پی کی زیرقیادت نرم رو  اتحاد کے زیر اہتمام، اس ضمنی تقریب نے حکومت، نجی شعبے اور مخیر حضرات کو یہ دکھانے کے لیے اکٹھا کیا کہ توانائی کی منصفانہ منتقلی کے لیے دیرپا کولنگ (درجہ حرارت کو کم کرنے) کو تیز کرنے کے لیے کیا ضروری ہے۔ سی او پی 28 کی صدارت یو اے ای نے کیا اور ممالک سے  عالمی پیمانے  پر درجہ حرارت کو کم کرنے کے لئےلئے گئے عہد کی حمایت کی اپیل کی ، جس کا مقصد توانائی کی کارکردگی کو بہتر بنانے اور پائیدار کولنگ تک رسائی کو بڑھانے کے لیے بین الاقوامی تعاون کو وسعت دینا ہے۔ ہندوستان، فرانس اور ناروے نے بتایا کہ کاربن اخراج سےنمٹنا آج قابل حصول ہے - ہندوستان کا کولنگ ایکشن پلان، کسی بھی حکومت کی طرف سے اس طرح کا پہلا مکمل کولنگ پلان  سمیت مثالوں کا حوالہ دیتے ہوئے  یہ بات کہی۔

بات چیت میں گرین پاورڈ فیوچر مشن (جی پی ایف ایم) پر توجہ مرکوز کی گئی، جس کا مقصد دنیا بھر میں 100 فیصد متغیر قابل تجدید توانائی کو مربوط کرنا ہے جبکہ کفایتی، لچک اور لچیلاپن کو یقینی بنانا ہے۔ مقاصد میں معتبر قابل تجدید توانائی، نظام کی لچک، اور انضمام کے لیے ڈیجیٹلائزیشن شامل ہیں۔ بین الاقوامی تعاون، ڈیٹا کا اشتراک اور جدت کے لیے فنڈنگ مشن کی کامیابی کی کلید ہے۔ جی پی ایف ایم ٹول باکس ڈیٹا کے تبادلے اور پائیداری کے لیے قابل عمل حل کی سہولت فراہم کرتا ہے۔ براعظمی تعاون اور کاربن کا صفر اخراج کے اہداف کی نگرانی تاثیر کے لیے بہت ضروری ہے۔ جی پی ایف ایم کا مقصد جامع تعاون کے ذریعے تیز تر، اثر انگیز پائیداری کا طریقہ ہے۔

حکومت ہند میں توانائی کی کارکردگی کے بیورو کے ڈائرکٹر جنرل نے بجلی فراہم کرنے والوں کے لیے شدید چیلنجوں کو روکنے کے لیے آلات کے استعمال کو منظم اور بہتر بنانے کی ضرورت پر زور دیا۔ ہندوستان میں 2040 تک آلات کی مانگ میں آٹھ گنا اضافہ متوقع ہے، جس سے بجلی کی مانگ  میں کافی اضافہ ہوگا۔ انہوں نے حل تلاش کرنے اور مستقبل میں بجلی کے ممکنہ بحران سے بچنے کے لیے اجتماعی کوششوں پر زور دیا۔

’’ احتراقی تبدیلی: صنفی مساوات میں حائل رکاوٹوں کو ختم کرنا‘‘، کےعنوان سے ایک شاندارضمنی تقریب میں  حکومتوں، بین الاقوامی تنظیموں، نوجوانوں کی وکالت کرنے والی تنظیموں، اور کاروباری اداروں کے ممتاز ماہرین، توانائی کے شعبے میں صنفی تفاوت کو دور کرنے کے لیے جمع ہوئے۔ اس تقریب میں  سرپرستی کی کمی، صنفی  عدم مساوات سےنمٹنےکی ناکافی پالیسیاں، اور پیشرفت کی نگرانی کے لیے صنفی تفریق شدہ ڈیٹا کی ضرورت جیسی رکاوٹوں کا سامناجیسےمعاملوں پر بات چیت کی گئی۔

حاضرین کے ساتھ  مذکورہ مسائل سے  نمٹنے میں ساتھ دینے کی اپیل پر حامی بھرنے کے ساتھ جامع ماحول کو فروغ دینے اور خواتین اور نوجوانوں کو ان کے کیریئر کی ترقی میں مدد کرنے کے لیے سرگرم اقدامات کی حوصلہ افزائی کی گئی۔ اس تقریب نے 30 مہمات کے ذریعے مساوات کی 5 سالہ سالگرہ منائی اور 30 خود تشخیصی ٹول کے ذریعے  مساوات جس  کا بے صبری سے انتظار تھا،اس کی نقاب کشائی کی گئی  جس سے دستخط کنندگان کو 2030 تک صنفی فرق کو ختم کرنے کے سفر کوٹریک کرنےمیں مدد ملے گی۔

ڈاکٹر شیاما پرساد مکھرجی انڈور اسٹیڈیم، گوا میں منعقد ہونے والے ٹیکنالوجی نمائش نے الیکٹرک موبلٹی بیداری کو فروغ دیتے ہوئے اسکول کے طلباء کو محظوظ کیا۔ تین حصوں میں تقسیم، نمائش میں وہیکل اور چارجنگ انفراسٹرکچر نمائش، مشن اختراع اور صاف ٹکنالوجی سے متعلق اسٹارٹ اپس شامل ہیں۔ اس تقریب کا مقصد نوجوان اذہان کو پائیدار نقل و حمل اور صاف توانائی کے حل کی ترغیب دینا ہے۔

*******

ش ح ۔ ع ح ۔ ف ر

U. No.7275