• অনৌবা ইন্তিগ্রেতেদ তর্মিনেল বিলদিং অসি স্ক্বার মীতর 40837 চাউবা মফমদা লুপা করোর 710 চঙনা শাবনি।
• মসিনা মী খ্বাইদগী চিনবা মতমদা পেসেঞ্জর 1200 পান্নবা ঙম্বগী মতিক লৈগনি।
• শ্রী জ্যোতিরাদিত্য সিন্দিয়ানা এয়রপোর্ত মনুংদা নিংতম লান্মী বীর সাবর্করগী মীতম অমা মায়খুম হাংদোকখি।

প্রধান মন্ত্রী শ্রী নরেন্দ্র মোদীনা ঙসি কেন্দ্রগী সিভিল অমসুং এভিএসন অমসুং স্তীল মন্ত্রী, শ্রী জ্যোতিরাদিত্য এম. সিন্দিয়া; এম.ও.এস. সিভিল এভিএসন মন্ত্রালয়, জেনেরেল বিজয় কুমার সিংহ (রিতাইয়র্দ); অন্দমান অমসুং নিকোবার ইথৎকী রাজ্যপাল এদমিরেল দি.কে. জোশী (রিতাইয়র্দ); অমসুং সিভিল এভিএসন মন্ত্রালয়গী সেক্রেতরী শ্রী রজীব বন্সল য়াওবা থৌরমদা পোর্ত ব্লেয়রগী বীর সাবর্কর ইন্তর্নেস্নেল এয়রপোর্তকী অনৌবা ইন্তিগ্রেতেদ তর্মিনেল বিলদিং শঙ্গাখ্রে।

অনৌবা ইন্তিগ্রেতেদ তর্মিনেল বিলদিং অসি স্ক্বার মীতর 40837 চাউবা মফমদা লুপা করোর 710 চঙনা শাবনি অমসুং মসিনা মী খ্বাইদগী চিনবা মতমদা পেসেঞ্জর 1200 পান্নবা ঙম্বগী মতিক লৈগনি।পুক্নিং হুনা ফজবা ইথৎ অসিগী ইনাক খুল্লবা বাইওদাইবর্সিতীনা ইথিল পীরদুনা, পোর্ত ব্লেয়র তর্মিনেল বিলদিং অসি কোংগ্রেনগী মওং-মতৌ চেল্লি, মসিনা সমুদ্র অমসুং ইথৎ অসিগী ফজবগী শক্তম উৎলি। অয়ুক-নুংথিলগী মতমদা মহৌশাগী মঙালনা পুমঙান ঙালহনবা ঙমগদবা মওংদা তর্মিনেল বিলদিং অসিগী মওং-মতৌ শেম্মি। এয়রপোর্ত মনুংদা নিংতম লান্মী বীর সাবর্করগী মীতম অমসু লৈরি।

থৌরম অসি হাইব্রিদ মোদতা শিনখি। প্রধান মন্ত্রীনা ভিদিও কনফরেন্সিংগী খুত্থাংদা বত্তন অমা নমদুনা তর্মিনেল বিলদিং অসিবু শঙ্গাখি অমসুং অতোপ্পা দিগ্নিতরীশিংনা এয়রপোর্ত্তা লৈখি। শক্নাইরবা নিংতম লান্মী, বীর সাবর্করগী মফমদা ইকায় খুম্নবা উৎপা ওইনা, সিভিল এভিএসন অমসুং স্তীল মন্ত্রী, শ্রী জ্যোতিরাদিত্য এম. সিন্দিয়ানা এম.ও.এস. জেনেরেল বিজয় কুমার (রিতাইয়র্দ) অমসুং অতোপ্পা দিগ্নিতরীশিংগা লোয়ননা এয়রপোর্ত মনুংদা নিংতম লান্মী বিনায়ক দামোদার সাবর্কর(বীর সাবর্কর)গী মীতম অমা মায়খুম হাংদোকখি।

সিভিল এভিএসন অমসুং স্তীল মন্ত্রী, শ্রী জ্যোতিরাদিত্য এম. সিন্দিয়ানা থৌরম অসিদা ৱা ঙাঙবদা হায়খি, “অন্দমান অমসুং নিকোবার অসি লৈবাক্কী খ্বাইদগী ফজবা মনিনি। মসিনা ভারতকী নিংতম লানগী পুৱারীদা মশক নাইবা থৌদোক কয়া থেংনখি। বীর সাবর্কর ইন্তর্নেস্নেল এয়রপর্ত অসিনা ফ্লোরা অমসুং ফাউনাগী নিংথীরবা বাইওদাইবর্সিতীগী মশক তাক্লি। কোংগ্রেনগী মওং লৌরগা শাবা এয়রপোর্ত অসিদা অয়ুক নুংথিলগী মতমদা লাইতকী এক্সতর্নেল সোর্স অমত্তগী মথৌ তারোই। সস্তেনেবল ওইবগী হীরমদা, এয়রপোর্ত অসিদা দবল ইন্স্যুলেতিং সীস্তেম, LED লাইতিং, রেনৱাতর কেৎচমেন্ত অমসুং সোলর ৱাতর প্লান্ত লৈ”।

মহাক্না মখা তানা হায়খিবদা, “এয়রপোর্ত অসি নত্তনা, শিবপুর, কার নিকোবার অমসুং কেম্পবেলদা অতোপ্পা এয়রপোর্ত 3গা লোয়ননা শহীদ দ্বীপ, স্বরাজ দ্বীপ অমসুং পোর্ত ব্লেয়রদা ৱাতর এরোদ্রোম 4সু ভারত সরকারনা লুপা করোর 150 থাদদুনা শারগনি। প্রধান মন্ত্রী শ্রী নরেন্দ্র মোদীগী লুচিং মখাদা ঐখোয়না লাক্কদৌরিবা মতমগী সেবা, সুশাসন অমসুং গরিব কলয়ানগীদমক্তা খোঙফম চেৎলি। এয়রপোর্ত অসিনা লাক্কদৌরিবা মতমশিংদা থবক, এজুকেসন অমসুং ইনভেস্তমেন্তকী থোঙ হাংদোক্কনি”।

পোর্ত ব্লেয়র এয়রপোর্ত হায়নসু খঙনবা বীর সাবর্কর ইন্তর্নেস্নেল এয়রপোর্ত অসি অন্দমান অমসুং নিকোবার ইথৎকী পোর্ত ব্লেয়রদগী কিমি. 2  লাপ্না চৎলগা লৈবনি। মমিং লৈরবা নিংতম লান্মী, বিনায়ক দামোদার সাবর্করগী মিং লৌদুনা মিংথোনবা এয়রপোর্ত অসিনা ইথৎ অসিগী অমত্তা ঙাইরবা কম্মর্সিএল এয়রপোর্ত ওইরি। পোর্ত ব্লেয়র অসি পুক্নিং হুনা ফজরবা অন্দমান অমসুং নিকোবার ইথৎকী কোনুংনি। খা থংবা অন্দমান ইথৎকী নোংপোকথংবা সমুদ্র মপালদা লৈরিবা পোর্ত ব্লেয়র অসিনা ফজরবা ইথৎ 500 হেনবগী থোঙ ওইরি। মসিদি মী চিনবা কম্মর্সিএল হব অমসু ওইবগা লোয়ননা অন্দমান অমসুং নিকোবার ইথৎকী সরকারগী ওফিস কয়া মসিদা লৈরি। পোর্ত ব্লেয়রদা স্নোর্কেলিং, স্কুবা দাইবিং, সী ক্রুজকুম্বা ঈশিংদা য়ুম্ফম ওইবা এক্তিবিতী কয়া লৈবগা লোয়ননা লমদম অসিগী পুৱারী অমসুং চৎনবীগী মহাও লৌবসু য়াগনি।

***