নিৰ্বাচনৰ সময়ত আকাশবাণী আৰু দূৰদৰ্শনত ৰাজনৈতিক দলসমূহক সময় আৱণ্টন এতিয়া অনলাইন হ'ব। ভাৰতৰ নিৰ্বাচন আয়োগে ৰাজনৈতিক দলসমূহৰ দ্বাৰা চৰকাৰী মালিকানাধীন বৈদ্যুতিন মাধ্যম ব্যৱহাৰৰ বাবে পূৰ্বৰ আঁচনিখন সংশোধন কৰিছে। তথ্য প্ৰযুক্তি (আইটি) মঞ্চৰ জৰিয়তে ডিজিটেল টাইম ভাউচাৰ জাৰী কৰাৰ ব্যৱস্থা প্ৰৱৰ্তন কৰি এইটো কৰা হৈছে। এই সুবিধাৰ সৈতে ৰাজনৈতিক দলবোৰে নিৰ্বাচনৰ সময়ত শাৰীৰিকভাৱে টাইম ভাউচাৰ সংগ্ৰহৰ বাবে তেওঁলোকৰ প্ৰতিনিধিসকলক ইচিআই/চিইঅ' কাৰ্যালয়লৈ প্ৰেৰণ কৰাৰ প্ৰয়োজন নহ'ব। এই পদক্ষেপে নিৰ্বাচনী প্ৰক্ৰিয়াৰ উন্নতি আৰু সকলো অংশীদাৰৰ সহজতাৰ বাবে প্ৰযুক্তিৰ ব্যৱহাৰৰ বাবে আয়োগৰ প্ৰতিশ্ৰুতি প্ৰতিফলিত কৰিছে।

প্ৰযুক্তিবিদ্যাৰ অগ্ৰগতিক স্বীকৃতি দি আয়োগে ৰাজনৈতিক দলসমূহৰ সৈতে ইণ্টাৰফেচৰ বাবে তথ্য প্ৰযুক্তি আধাৰিত বিকল্প প্ৰদান কৰি আহিছে। শেহতীয়াকৈ, আয়োগে নিৰ্বাচন আয়োগৰ ওচৰত ৰাজনৈতিক দলসমূহৰ দ্বাৰা বিত্তীয় একাউণ্ট অনলাইনযোগে দাখিল কৰাৰ বাবে এটা ৱেব পৰ্টেলো প্ৰৱৰ্তন কৰিছে।

পটভূমি:

১৯৯৮চনৰ ১৬ জানুৱাৰীত জাননী দিয়া আঁচনিয়ে আৰ.পি. আইন, ১৯৫১ৰ ধাৰা ৩৯ক-ৰ অধীনত এক বিধিবদ্ধ আধাৰ ধাৰণ কৰে। ইয়াক স্বীকৃত ৰাষ্ট্ৰীয় আৰু ৰাজ্যিক দলসমূহৰ সৈতে ব্যাপক আলোচনাৰ পিছত প্ৰস্তুত কৰা হৈছিল আৰু ইয়াৰ উদ্দেশ্য হৈছে নিৰ্বাচনৰ বাবে নিৰ্বাচনৰ সময়ত চৰকাৰী মালিকানাধীন বৈদ্যুতিন মাধ্যমৰ ন্যায়সঙ্গত প্ৰৱেশাধিকাৰ নিশ্চিত কৰা। এই আঁচনিৰ অধীনত, সংশ্লিষ্ট ৰাজ্যৰ প্ৰতিটো ৰাষ্ট্ৰীয় দল আৰু স্বীকৃত ৰাজ্যিক দলক দূৰদৰ্শন আৰু আকাশবাণীত সমানভাৱে এক ন্যায়সঙ্গত আধাৰ সময় আৱণ্টন কৰা হয় আৰু দলবোৰক আৱণ্টন কৰিবলগা অতিৰিক্ত সময় সংশ্লিষ্ট ৰাজ্য/কেন্দ্ৰীয় শাসিত অঞ্চলৰ পৰা যোৱা বিধানসভা নিৰ্বাচনত বা লোকসভাৰ যোৱা সাধাৰণ নিৰ্বাচনত দলবোৰৰ নিৰ্বাচনী প্ৰদৰ্শনৰ আধাৰত নিৰ্ধাৰণ কৰা হয়। যিকোনো দলৰ কৰ্তৃত্বপ্ৰাপ্ত প্ৰতিনিধিৰ দ্বাৰা ওপৰোক্ত সম্প্ৰচাৰ কৰা প্ৰকৃত তাৰিখ আৰু সময়, প্ৰসাৰ ভাৰতী নিগমে নিৰ্বাচন আয়োগৰ সৈতে আলোচনা কৰি আৰু ৰাজনৈতিক দলৰ প্ৰতিনিধিৰ উপস্থিতিত নিৰ্ধাৰণ কৰে।

অধিকাৰপ্ৰাপ্ত ৰাজনৈতিক দলবোৰক টাইম ভাউচাৰৰ প্ৰক্ৰিয়াকৰণ আৰু বিতৰণৰ বাবে এক তথ্য প্ৰযুক্তি-আধাৰিত মঞ্চ প্ৰৱৰ্তন কৰিলে অধিক ৰাজনৈতিক দলবোৰৰ বাবে দক্ষ আৰু সুশৃংখল প্ৰক্ৰিয়াৰ ব্যৱহাৰৰ সহজতা বৃদ্ধি হয়।

নিৰ্দেশৰ লিংক: https://eci.gov.in/files/file/15138-scheme-for-use-of-govt-owned-electronic-media-by-political-parties-during-elections-modification-of-scheme-%E2%80%93-para-6-sub-clause-iv-%E2%80%93-provision-to-provide-time-vouchers-through-it-platform-%E2%80%93-regarding/

ৰাষ্ট্ৰীয়/ৰাজ্যিক ৰাজনৈতিক দলসমূহলৈ প্ৰেৰণ কৰা পত্ৰৰ লিংক: https://eci.gov.in/files/file/15140-letter-to-political-parties-digitization-of-time-vouchers-in-respect-of-broadcasttelecast-time-allotted-to-nationalstate-political-parties-during-election/

********