الیکشن کے دوران آل انڈیا ریڈیو اور دور درشن پر سیاسی جماعتوں کو وقت کا الاٹمنٹ اب آن لائن ہوگا۔ الیکشن کمیشن آف انڈیا نے سیاسی جماعتوں کے ذریعہ سرکاری الیکٹرانک میڈیا کے استعمال کے لیے موجودہ اسکیم میں ترمیم کی ہے۔ اسے ایک انفارمیشن ٹیکنالوجی (آئی ٹی) پلیٹ فارم کے ذریعے ڈیجیٹل ٹائم واؤچر جاری کرنے کے ذریعہ متعارف کیا گیا ہے۔ اس سہولت کے ساتھ، سیاسی جماعتوں کو انتخابات کے دوران جسمانی طور پر ٹائم واؤچر کی وصولی کے لیے اپنے نمائندوں کو ای سی آئی/سی ای او دفاتر میں بھیجنے کی ضرورت نہیں ہوگی۔ یہ قدم انتخابی عمل کی بہتری اور تمام اسٹیک ہولڈروں کی آسانی کے لیے ٹیکنالوجی سے فائدہ اٹھانے کے کمیشن کے عزم کی عکاسی کرتا ہے۔

ٹیکنالوجی میں ترقی کو تسلیم کرتے ہوئے، کمیشن سیاسی جماعتوں کے ساتھ انٹرفیس کے لیے آئی ٹی پر مبنی اختیارات فراہم کر رہا ہے۔ حال ہی میں، کمیشن نے الیکشن کمیشن کے ساتھ سیاسی جماعتوں کے مالی اکاؤنٹس کی آن لائن فائلنگ کے لیے ایک ویب پورٹل بھی متعارف کرایا ہے۔

پس منظر:

یہ اسکیم، جسے ابتدائی طور پر 16 جنوری 1998 کو مطلع کیا گیا تھا، آر پی ایکٹ، 1951 کے سیکشن 39A کے تحت ایک قانونی بنیاد رکھتی ہے۔ اسے تسلیم شدہ قومی اور ریاستی جماعتوں کے ساتھ وسیع مشاورت کے بعد وضع کیا گیا تھا اور اس کا مقصد انتخابی مہم کے دوران سرکاری ملکیتی الیکٹرانکس میڈیا تک مساوی رسائی کو یقینی بنانا ہے۔ اس اسکیم کے تحت، دور درشن اور آل انڈیا ریڈیو پر یکساں طور پر متعلقہ ریاست کی ہر نیشنل پارٹی اور ریاست کی تسلیم شدہ پارٹی کو ایک مساوی بنیاد کا وقت دیا جاتا ہے اور پارٹیوں کو مختص کیے جانے والے اضافی وقت کا فیصلہ پارٹیوں کی انتخابی کارکردگی کی بنیاد پر کیا جاتا ہے۔ اصل تاریخ اور وقت جس کے دوران مذکورہ بالا ٹیلی کاسٹ/ براڈکاسٹ کسی بھی پارٹی کے مجاز نمائندوں کے ذریعے کیے جائیں گے، بہت حد تک، پرسار بھارتی کارپوریشن ای سی آئی کی مشاورت اور سیاسی پارٹی کے نمائندوں کی موجودگی میں پہلے سے طے شدہ ہے۔

حقدار سیاسی جماعتوں کو ٹائم واؤچرز کی پروسیسنگ اور تقسیم کے لیے IT پر مبنی پلیٹ فارم کا تعارف زیادہ مؤثر اور ہموار عمل کی اجازت دیتا ہے، سیاسی جماعتوں کے لیے رسائی اور استعمال میں آسانی کو بڑھاتا ہے۔

آرڈر کا لنک: https://eci.gov.in/files/file/15138-scheme-for-use-of-govt-owned-electronic-media-by-political-parties-during-elections-modification-of-scheme-%E2%80%93-para-6-sub-clause-iv-%E2%80%93-provision-to-provide-time-vouchers-through-it-platform-%E2%80%93-regarding/

قومی/ریاستی سیاسی جماعتوں کو لکھے گئے خط کا لنک: https://eci.gov.in/files/file/15140-letter-to-political-parties-digitization-of-time-vouchers-in-respect-of-broadcasttelecast-time-allotted-to-nationalstate-political-parties-during-election/

*************

ش ح۔ ف ش ع- م ف

U: 7163