অহমেদবাদ সহরনা য়ুম্বু ওইদুনা জুলাই ৭-৮ দা পাংথোকখিবা নুমিৎ নিনীগী অর্বান ২০(য়ু ২০) ময়োরেল সম্মিৎ জি-২০ লুচিংবশিংদা কম্মুনিকিউ শীন্নবগা লোয়ন্না লোইশিনখ্রে। মালেম শীনবা থুংনা লৈরিবা সহর ১০৫ না ওফিসিএল ওইনা কম্মুনিকিউ অদু শৌগৎখি, য়ু-২০ অমদা হৌজিক ফাওবদা মশিং খ্বাইদগী য়াম্বা ইন্দোরসমেন্তশিং ফংবা ওইরে অমসুং মমাঙগী কম্মুনিকিউশিংগী শরুক অনি হেন্না ইন্দোরসমেন্তশিং লাকখি।

য়ু-২০ সহরশিংনা অপুনবা ওইনা মাঙজৌননা মশক খঙদোক্লবা পান্দম ৬ কম্মুনিকিউ অদুদা শেম্লে। হায়রিবা মরুওইবা থবকশিং অদুগী মনুংদা মহৌশাগী অকোয়বগী ফিবমগা চুনবা লমচৎ-শাজৎশিং পুক্নিং থৌগৎপা, ক্লাইমেত ফাইনান্স হেনগৎহনবা, লমদম অমগী নাৎ অমসুং শেন্মিৎলোন পুক্নিং থৌগৎপা, ঈশিং মরাংকাইনা ফংহনবা, দিজিতেল অর্বান শেমগৎপা অমসুং সহরগী থৌরাং তৌবা অমসুং লৈবাক ঙাকপা অসিনচিংবা য়াওরি। জি-২০গী থিম ‘ ভসুধাইব কুতুম্বমক’ নত্ত্রগা ‘মালেম অমা, ইমুং অমা, তুংলমচৎ অমা’ হায়রবা অসিগা কম্মুনিকিউগা চুনরে।

তুংকোইনা চৎনবা য়াবা থবকশিং, অপুনবা ওইনা চাউখৎমিন্নবা অমসুং অইং-অশা থেংনবা হায়রিবা মালেমগী পান্দমশিং ফংনবা সহরশিং থৌরাং তৌগদবনি হায়না মীফম অদুদা হাওসিং অমসুং অর্বান এফেয়ার্সগী য়ুনিয়ন মিনিস্তর শ্রী হরদিপ সিংহ পুরিনা হায়খি। মিনিস্তরনা হায়খি অহোংবা পুরক্নবা এজেন্তশিং ওইনা সহরশিং অসিনা মালেমগী চাউখৎপা পুরকপদা থেংনবা শিংনবশিং মায়োক্নগদবনি। কম্মুনিকিউনা মশক খঙদোক্লবা মরুওইবা থবক ৬ অসি ঐখোয়গী তুংগী অপুনবা ওইনা হিংমিন্নবগী মরুওইবা য়াংয়েন শরু ওইগদবনি। মহাক্না সহরশিংনা মরুওইনা মীৎয়েং চঙগদবা হিরম ৯ গী মতাংদা ফোঙদোকখি:

1. মফম অমগী লৈঙাক মপাঙ্গল কনখৎহনবা

2. মমাংঙৈগী ঙমখৈশিংগী ৱাংমদা থৌরাং তৌবা

3. শেন-থুমগী লমদা মশা মরোমদোম লেপচবা ঙম্বা সহরশিং ওইহনবা

4. অনৌবা থবক পায়খৎপগী চৎনবী অমা শেমগৎপা

5. দেতা অমসুং তেক্নোলোজিগী শক্তি শীজিন্নবা

6. চৎন-কাংলোন্দগী খুদোংচাবদা ওইনা ওনখৎপা

7. থবক অদুনা কান্নবা পীগদৌরিবা অদুদা মীৎয়েং চঙবা

8. সহরগী থৌরাং তৌবদা মীয়াম ময়াইদা থম্বা

9. মফম অমগী নাৎ অমসুং শেন্মিৎলোন শীজিন্নবা

জি-২০ সের্পা, শ্রী অমিতাভ কান্তনা হায়খি মালেমগী লৈবাক শরুক অহুমগী মনুংদা লৈবাক শরুক অমা শেন-থুমগী ফিবম শোক্লবা অমসুং রাজনিতিগী ওইবা ৱাফমশিংগী মথক্ত অইং-অশাগী খল হোংলকপগী চৈথেং ফংলবা মতম অসিদা মীফম অসি য়াম্না মরুওই। তুংলমচৎগী সহরশিং শেমগৎনবা মতিক চাবা ইনফ্রাস্ত্রকচর ফাইনান্স দরকার ওই অমসুং সহরশিং খুদোংচাদবশিং কোকহন্নবা হেন্না ফবা সহরশিং থৌরাংশিং তৌগদবনি। ভারতনা জি-২০গী প্রসিদেন্ত ওইবগী প্রধান মন্ত্রী শ্রী নরেন্দ্র মোদীগী পান্দম অসিগা য়ু-২০গী পান্দমগা মান্নরি, মসি অপুনবা, অকক্নবা অমসুং থবক ওইনা পাংথোকপা ওইগনি।

হেন্দওভর অদু য়ু-২০ কনভেনরশিং, সি-৪০ সহরশিং অমসুং য়ু.সি.এল.জিনা ৱাতেমখি। অহমেদবাদকী মেয়োরনা শ্রী হরদিপ সিংহ পুরি অমসুং শ্রী অমিতাভ কান্তদা কম্মুনিকিউ খুৎশীন্নখি।

ভারত সরকারগী হাওসিং অমসুং অর্বান এফেয়ার্স, নেসনেল ইন্সতিতুৎ ওফ অর্বান এফেয়ার্স, য়ু-২০ তেক্নিকেল সেক্রেতরিয়েতনা শীন্দুনা পাংথোকখিবা মীফম অদুদা জি-২০ লৈবাকশিংগী সহরশিংগী লুচিংবশিং পুনখি। মীফম অদুগী শরুক অমা ওইনা সিতি মেয়োয়রশিং অমসুং দেলিগেদশিংগী লুচিংবশিংগা লোয়ননা মীফম কয়া পাংথোকপগা লোয়ন্না থিমদা য়ুম্ফম ওইবা মীফম কয়াশু পাংথোকখি।

হৌজিক লৈরিবা য়ু-২০ সাইকল অসিনা আর্তিকল ৫০ হেন্না, বেকগ্রাউন্দ রিছার্স পেপর ৬, মরুওইবা হিরম ৬তা হ্বাইদ পেপর ৬ অমসুং য়ু-২০ বুল্লেতিন ৬ ফোঙলে। মীফম অসিদা তেক্নিকেল পেপর কয়া ফোঙখি লোয়ননা ২০৭০দা মৈখু থাদোক্তবা সহরশিং ওইনবা লম্বী অমা তাকপা অহমেদবাদ রেসিলিয়েন্ত সিতি ক্লাইমেত এক্সন প্লান য়াওনা চে-চাং কয়া ফোঙখি।

মসিগী য়ু-২০ সাইকল অসি য়াম্না চাউনা মাইপাক্লে অমসুং হিরম কয়াদা মমাঙগী সাইকলশিংদগী হেল্লে হায়না শরুক য়াখিবা সহরশিংগী মেয়োয়রশিং অমসুং মীহুৎশিং, শক্নাইরবশিং অমসুং অখঙ-অহৈশিংনা অমতা ওইনা য়ানখি।

****