دفاعی برآمدات کو ہندوستانی دفاعی صنعت کی پائیدار ترقی کے کلیدی ستون کے طور پر تسلیم کرتے ہوئے، وزیردفاع جناب راج ناتھ سنگھ نے 11 جولائی 2023 کو ملیشیا کی راجدھانی کوالالمپور میں ہندوستان ایروناٹکس لمیٹڈ (ایچ اے ایل) کے علاقائی دفتر کا افتتاح کیا۔ یہ علاقائی دفتر دونوں ملکوں کے درمیان قریبی دفاعی سہولت فراہم کرے گا۔یہ  ہندوستان  ایروناٹکس لمیٹڈ کی  جنوب مشرقی ایشیائی خطے کے گہری وابستگی کے ایک مرکز کے طور پر بھی کام کرے گااور دیگر ہندوستانی دفاعی پی ا یس یوز کے لئے ا یک ونڈو کے طو ر بھی کام کرے گا۔

 

In a major defence export outreach activity, the Hindustan Aeronautics Limited’s first ever Regional Marketing Office was opened in the presence of RM Shri @rajnathsingh at Kuala Lumpur in Malaysia.

This regional office will cater to the South East Asian region and will also… pic.twitter.com/3emK3g2R8d

— रक्षा मंत्री कार्यालय/ RMO India (@DefenceMinIndia) July 11, 2023

 

ملائیشیا ہندوستانی نژاد افراد کے لئے دوسرا سب سے بڑا گھر ہے اور اس میں این آر آئی کمیونٹی کی نمایاں موجودگی ہے۔ وزیر دفاع نے دو مختلف مواقع پر ہندوستانی باشندوں کے ساتھ بات چیت کی۔ پہلی کمیونٹی بات چیت میں ملائیشیا کی حکومت کے وزراء اور سینئر حکام اور سیاست، ثقافت اور صنعت سے تعلق رکھنے والی نامور شخصیات شامل تھیں۔ استقبالیہ میں ملائیشیا کے وزیر برائے انسانی وسائل وی وی شیوا کمار اور کوآپریٹیو ڈیولپمنٹ  کی  نائب وزیر محترمہ سرسوتی کنڈاسامی نے شرکت کی۔

تقریب کے دوران  وزیر دفاع نے ملائیشیا میں ہندوستانی کلاسیکی فن کی روایت کی وراثت کی بھر پورتعریف کی جسے اوڈیسی رقص کے ساتھ ساتھ ملائیشیا کے مشہور فنکاروں کی کرناٹک اور ہندوستانی موسیقی کی کارکردگی میں دیکھا گیا۔

ایک الگ تقریب میں، جناب راج ناتھ سنگھ نے ملائیشیا میں متنوع اور متحرک ہندوستانی کمیونٹی کے اراکین کے ساتھ بات چیت کی، نیز انہوں نے ملک میں مختلف ہندوستانی کمیونٹی تنظیموں کے لیڈروں اور اراکین سے ملاقات کی۔ انہوں نے ہندوستان کے ساتھ ان کے گہرے اور قریبی تعلق کی تعریف کی۔

وزیر دفاع نے اس بات کواجاگرکیا کہ وزیر اعظم جناب نریندر مودی کی قیادت میں عالمی سطح پر ملک کا وقار بلند ہوا ہے۔ انہوں نے ہندوستان کی ترقی کے سفر میں ہندوستانی تارکین وطن کے کردار کو تسلیم کیا۔ انہوں نے انہیں ہندوستان اور ملائیشیا کی مشترکہ خوشحالی کے لیے ایمانداری سے کام کرنے کی ترغیب دی، جس میں ’واسودھیو کٹمبکم‘ کے جذبے کو اجاگر کیا ہے۔

جناب راج ناتھ سنگھ نے پیٹلنگ جیا میں رام کرشنا مشن کا بھی دورہ کیا اور سوامی وویکانند کے مجسمے کو خراج عقیدت پیش کیا جس کی نومبر 2015 میں وزیر اعظم جناب نریندر مودی نے نقاب کشائی کی تھی۔ انہوں نے مشہور بٹو غار مندر کے احاطے کا بھی دورہ کیا اور وہاں پوجا کی۔

اس کے علاوہ وزیر دفاع نے برک فیلڈز میں تورانہ گیٹ کا دورہ کیا، جو کہ ہندوستان اور ملائیشیا کے درمیان دوستی کی علامت ہے، جس کا افتتاح بھی وزیر اعظم جناب نریندر مودی نے نومبر 2015 میں کیا تھا۔ انہوں نے کوالالمپور کے کورٹوملائی گنیسر مندر کا بھی دورہ کیا اور وہاں بھگوان گنیش کی پوجا کی ۔

 

************

ش ح۔ح ا         ۔ ف ر

 (U:  6943 )

(Release ID: 1938826) Visitor Counter : 128