দিজিতাইজেসন প্রমোত তৌবগী মায়কৈদা মরুওইবা খোংথাং অমদা অমদি দিজিতেল ইন্দিয়া মিশনগী মখাদা রক্ষা মন্ত্রী শ্রী রাজনাথ সিংহনা ২০২৩গী জুলাই ৭দা নই দিল্লীদা এন.সি.সি. ইন্তিগ্রেতেদ সোফতৱেয়র অমা হৌদোকখ্রে। ভাস্করচার্য় ইন্সতিত্যুত ফোর স্পেস এপ্লিকেসন অমসুং জিও ইনফোর্মেতিক্স (বি.আই.এস.এ.জি.)গা লোয়ননা পার্তনরশিপতা দিবেলপ তৌবা এন.সি.সি. ইন্তিগ্রেতেদ সোফতৱেয়র অসি কেদেতশিংগীদমক ‘এন্ত্রী তু এক্সিত মোদেল’দা দিজাইনতৌবা সিঙ্গল ৱিন্দো ইন্তিগ্রেতেদ সোফতৱেয়র অমনি।

এন.সি.সি. ইন্তিগ্রেতেদ সোফতৱেয়র অসি প্রধান মন্ত্রী শ্রী নরেন্দ্র মোদীগী “অমুকপু কেদেত ওইখ্রবদি মতম পুম্নমক্তা কেদেত অমনি”গী মীৎয়েংদা য়ুমফম ওই অমদি মসি এন.সি.সি.দা কেদেত অমা ওইনা এনরোলমেন্তকী থাক্তগী হৌরগা এলুমনি ওইনা একজিত রেজিস্ত্রেসন ফাওবগী প্রোসেস পুম্বা দিজিতেলাইজ তৌগনি। মসিনা সর্তিফিকেতশিং ইসু তৌবা, মখোয়গী এমপ্লোইমেন্তগী মতমদা এন.সি.সি. কেদেতশিংগী ওল ইন্দিয়া দেতাবেজ অমা শেমগৎপদা মতেং ওইরগনি।

থৌরম অসিগী মনুংদা এন.সি.সি. অমসুং স্তেত বেঙ্ক ওফ ইন্দিয়া (এস.বি.আই.)না এস.বি.আই.গী “পহেলি উরান”গী মখাদা দেবিত কার্দ, চেকবুক অমসুং পাসবুক ফেসিলিতীগা লোয়ননা এন.সি.সি. কেদেত পুম্নমক্কী জীরো বেলেন্স একাউন্ত হাংনবগীদমক রাক্ষা মন্ত্রীগী মাংদা য়ানা ৱারোল অমদা খুৎয়েক পীনখি। য়ানা ৱারোল অসিনা চহি খুদিংগী কেদেত লাখ ৫গী ময়াদা কানবা ফংহল্লগনি।

একাউন্ত অসি ত্রেনিং মপুং ফানা লোইবা নত্রগা চহি ১৮ মপুং ফাবা, অকোনবগী অদু ফাওবা মথৌ তৌগনি। মসিনা কেদেতশিংবু নেস্নেল বেঙ্কিং সিস্তেমদা ইন্ত্রোদ্যুস তৌবতা নত্তনা মখোয়গী একাউন্তশিংদা ফন্দশিংগী দি.বি.তি. (দাইরেক্ত বেনেফিত ত্রান্সফর)গী খুত্থাংদা অতোপ্পা সরকারগী স্কিমশিংগী কানবা ফংনবা থৌরাং তৌরবা প্লেতফোর্ম অমসু মখোয়দা ফংহল্লগনি।

সরকারগী দি.বি.তি. খোংথাংগী মখাদা রক্ষা মন্ত্রালয়না ফিজিকেল য়ুনিফোর্ম দিস্ত্রিব্যুসন প্রোসেসপু হেন্না ত্রান্সপরেন্ত অমসুং অপনবা লৈতবা ওইহন্নবগীদমক মসিদা রিফোর্ম তৌদুনা এন.সি.সি. কেদেতশিংগী বেঙ্ক একাউন্তশিংদা য়ুনিফোর্ম এলাৱেন্স দাইরেক্ত বেঙ্ক ত্রান্সফর তৌবা য়াহল্লে। মসিনা হৌজিক লৈরিবা সেন্ত্রেল প্রোক্যুরমেন্ত অমসুং দিস্ত্রিব্যুসন প্রোসেস মহুৎ শিল্লগনি। এন.সি.সি. য়ুনিফোর্মশিং ফংহনবগী মায়কৈদা য়ুনিফোর্ম এলাৱেন্স হৌজিক লৈবাক্কী মনুং হুঞ্জিনবা মফমশিং কবর তৌরিবা কেদেতশিংগী বেঙ্ক একাউন্তশিং অসিদা ত্রান্সফর তৌরগনি।

থৌরম অসিদা ৱা ঙাংলদুনা রক্ষা মন্ত্রীনা এন.সি.সি., বি.আই.এস.এ.জি. অমসুং এস.বি.আই.গী ওফিসিয়েলশিংবু এন.আই.সি. অমসুং দি.বি.তি. চৎনহনবগা লোয়ননা এন.সি.সি.গী দিজিতাইজেসনদা মখোয়না হোৎনখিবশিংবু থাগৎপা ফোংদোকখি। মহাক্না মখা তানা ফোংদোকখি মদুদি খোংথাং অসিনা শোইদনা লৈবাক পুম্বদা এন.সি.সি.গা মরী লৈনবা ইনফোর্মেসনশিং থুনা ফংবা ঙমহল্লগনি অমসুং হৌজিক অমসুং তুং অনিমক্তা কেদেতশিংবু কানহল্লগনি।

থৌরম অসিদা দিফেন্স সেক্রেতরী শ্রী গিরিধর অরামানে, দি.জি.এন.সি.সি. লেফতিনেন্ত জেনরেল গুরবিরপাল সিংহ এ.ভি.এস.এম. ভি.এস.এম.গা লোয়ননা মন্ত্রালয়, এন.সি.সি., বি.আই.এস.এ.জি. অমসুং এস.বি.আই.গী মকোক থোংবা ওফিসিয়েলশিংনা শরুক য়াখি।    

***