প্রধানমন্ত্রীগী লোইশঙ
প্রধান মন্ত্রীনা জপান-ইন্দিয়া এসোসিএসন (জে.আই.এ.)গী চেয়রমেন অমদি জপানগী প্রধান মন্ত্রী ঐচ.ই. মিস্তর য়োসিহিদে সুগাগা উনখ্রে
ঐচ.ই. মিস্তর সুগা গনেস গ্রুপ ওফ পার্লিয়ামেন্তরিয়নগী মেম্বরশিং অমদি ইন্দস্ত্রী লুচিংবশিং য়াওবা দেলিগেসন অমগা লোয়ননা ভারত্তা লাকপনি
স্পিসিএল স্ত্রেতেজিক অমদি গ্লোবেল পার্ত্নরসিপকী মরী চেৎশিলহন্নবগী মতাঙদা ৱাখল্লোন ফোঙদোক্নখি
প্রধান মন্ত্রীনা “গনেস নো কাই” গ্রুপ ওফ পার্লিয়ামেন্তরিয়ন অমদি কৈদনরেনগী মেম্বরশিংগসু মহৈ য়ান্না ৱারী ৱাতায় শানখি
Posted On:
06 JUL 2023 7:11PM by PIB Imphal
প্রধান মন্ত্রী শ্রী নরেন্দ্র মোদীনা জপান-ইন্দিয়া এসোসিএসন (জে.আই.এ.)গী চেয়রমেন অমদি জপানগী হান্নগী প্রধান মন্ত্রী ঐচ.ই. মিস্তর য়োসিহিদে সুগাগ ঙসি উনখ্রে। মিস্তর সুগা, লৈঙাক্কী ওফিসিএলশিং, কৈদনরেন (জপান বিজিনেস ফেদরেসন), অমদি “গনেস নো কাই” গ্রুপ ওফ পার্লিয়ামেন্তরিয়নগী মেম্বরশিং য়াওবা মীওই ১০০ হেনবগী দেলিগেসনগা লোয়ননা ভারত্তা লাকপনি।
প্রধান মন্ত্রীনা মিস্তর সুগাবু জে.আই.এ.গী চেয়রমেন ওইনা ভারত্তা অহানবা লাকপদা তরাম্না ওকখি। লুচিংবশিংনা ইনভেস্তমেন্ত অমদি শেন্মিৎলোনগী থবক থৌরমশিং, রেলৱেজ, মীগা মীগা মরী শম্নহনবা, স্কিল দিভেলপমেন্ত পার্ত্নরসিপকী হীরমশিং য়াওনা ভারত অমসুং জপানগী মরক্তা লৈনরিবা স্পিসিএল স্ত্রেতেজিক অমদি গ্লোবেল পার্ত্নরসিপ মখা তানা চেৎশিলহনবগী মতাঙদা মখোয়গী ওইবা ৱাখল্লোনশিং ফোঙদোক্নখি।
প্রধান মন্ত্রীনা খোঙচত্তুদা শরুক য়ারকখিবা “গনেস নো কাই” পার্লিয়ামেন্তরিয়ন গ্রুপকী মেম্বরশিংদা লৈবাক অনিগী মরক্তা পার্লিয়ামেন্তরী লিঙ্কেজ হেন্না কনখৎহন্নবগী মহৈ য়ান্না ৱারী ৱাতায় শানখি। মখোয়না জপান্দা য়োগ অমদি অয়ুর্বেদ মীয়াম্না পাম্নবা হেনগৎলক্লিববু তরাম্না ওকখি অমদি ভারত অমসুং জপানগী মরক্তা লৈনরিবা কল্চরেলগী ওইবা মরীবু মখা তানা কনখৎহন্নবগী মরমদা খন্নখি।
পি.এম.না কৈদনরেনগী মেম্বরশিংবু ভারত্তা তরাম্না ওকখস অমদি বিজিনেস ইকোসিস্তেম ফগৎহন্নবা লৈবাকসিদা পায়খৎলিবা পাক শনবা রিফোর্মশিংবু পুখৎখি। মহাক্না জপানিজ ইনভেস্তরশিংবু মখোয়গী লৈরিবা ইনভেস্তমেন্ত পাকথোক চাউথোকহন্নবা অমদি তেংবাংনবগী অনৌবা এভেন্যুশিং থিজিন্নবা ৱাফম থমখি।
***
(Release ID: 1937923)
Visitor Counter : 91
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam