এগ্রিকলচর অমসুং ফার্মরস ৱেলফিয়ার মিনিস্ত্রি অমসুং এগ্রিকলচর রিছার্স এন্দ ইজুকেসন দিপার্তমেন্তনা শীন্দুনা জুলাই ৭ অমসুং জুলাই ৮, ২০২৩দা এন.এ.এস.সি কমপ্লেক্স, পুসাদা নুমিৎ নিনিগী চিন্তন সিবির পাংথোক্কনি। থৌরম অদুদা এগ্রিকলচর মিনিস্তর শ্রী নরেন্দ্র সিংহ তোমার অমসুং এগ্রিকলচর অমসুং ফার্মরস ৱেলফিয়ারগী রাজ্য মন্ত্রীশিং শ্রী কাইলাস চৌধুরি অমসুং সুশ্রী সোভা করান্দলাজে শরুক য়াগনি। মীফম অসিগী পান্দমদি অইং-অশা মায়োক্নবা ঙম্বা লৌউ-শিংউ, লৌউ-শিংউদা লনাই কাংবু শীজিন্নবা, লৌউ-শিংউদা দিজিতেল তেক্নোলোজি শীজিন্নবা, লৌউ-শিংউগী পোৎথোকশিং মপান্দা থাদোকপা হেনগৎহনবা, লৌউ-শিংউগী ললোন-ইতিক লাইহনবা, মীয়ামদা লৌশিং ফংহনবগী থবক পাকথোক-চাউথোকহনবা অমসুং লৈবাক লৈহাও ফনা থম্নবা ইন্তেগ্রেতেদ নিউত্রিয়েন্ত মেনেজমেন্ত হায়বা অসিনি।

ফম চাউবা পীকপা থিদনা অনৌবা ৱাখল্লোনশিং মনিং তম্না পুথোক্তুনা খন্ননবা অমসুং লৌমীশিংগী য়াইফনবা অনৌবা ৱাখল্লোনশিং পুথোক্নবা নুমিৎ নিনীগী চিন্তন সিবিরনা খুদোংচাবা অমা পীগনি। মিনিস্ত্রিগী ওফিসিএলশিং অমসুং সরকার অমসুং লনাই কাংবুগী অখঙ-অহৈশিং শরুক য়াগদবা অহানবা মখলগী সিবির অমনি। মরী লৈনবা দিবিসনেল হেদশিং, আই.সি.এ.আরগী এ.দি.জিশিং অমসুং  দি.দি.জিশিং অমসুং মরী লৈনবা হীরমগী লনাই কাংবুগী অখঙ-অহৈশিং খন্ন-নৈনবা অদুদা শরুক য়াগনি।

লৌউ-শিংউ চাউখৎনবা কোক থাদবা খক নত্তনা তুংগী দরকার ওইবশিং থৌরাং তৌনবা, মপান্দা থাদোকপা হেনগৎহন্নবা অমসুং ভারতকী লৌউ-শিংউগী থবক মতমগা চুননা পাংথোক্নবা মীফম অসি শীনবনি। লৌমীশিংদা অফবা মরু ফংহন্নবা, অনৌবা তেক্নোলোজিশিং শীজিন্ননবা অমসুং পোৎথোক হেনগৎহন্নবগী মতাংদা মীফম অদুদা খন্নগনি।

নুমিৎ নিনিগী মীফম অদুদা ভারতকী লৌউ-শিংগী থবকশিং অনৌবা থাক অমদা পুখৎতুনা লৌমীশিংগী শেন্থোক হেনগৎহন্নবা লাল্লোংশিং খন্নগনি।

******