কেন্দ্রগী সাইন্স অমসুং তেক্নোলোজীগী রাজ্য মন্ত্রী (ইন্দিপেন্দেন্ত চার্জ); এম.ও.এস. পি.এম.ও. পার্সোনেল, পব্লিক গ্রীভান্সেস, পেন্সন্স, এতোমিক ইনর্জী অমসুং স্পেস, দা. জিতেন্দ্র সিংনা ঙসি হায়খি মদুদি আয়ুশ্মান ভারত অসি হৌজিক ফাওবগী ওইনা মালেম অসিগী ফবা হেল্থ ইন্সুরেন্স স্কীম্নি অমসুং মসিগী ক্রেদিত অসি মসিবু পুথোরক্লিবা প্রধান মন্ত্রী, নরেন্দ্র মোদীদা পীরি।

মসিনা হান্নদগী লৈরক্লবা লাইনা ফাওবগী ইন্সুরেন্স কোভর তানবগী ওপ্সন পীরিবা মালেম অসিগী ওইনা অমত্তা ঙাইরবা হেল্থ ইন্সুরেন্স স্কীম অমা ওইরম্ববু য়াই, খুদম ওইনা, করিগুম্বা ঙসি মীওই অমা কেন্সর লৈরে হায়না খঙবা ঙম্লবদি, মহাক্না মসিগী মতুংদা লাইয়েংনবগীদমক্তা শেলগী ওইবা মতেং ফংনবগীদমক্তা চৎলগা অমসুং মশাগী ইন্সুরেন্স অমা লৌবা য়াগনি।

ঙসি মফম অসিদা দোক্তরশিংগী নুমিৎকী নোংমা মাংওইননা ইকোনোমিক তাইমস দোক্তরস দে কনক্লেবতা ৱা ঙাংলদুনা, দা. জিতেন্দ্র সিংনা হায়খি, অয়ুশ্মান ভারত পুরক্তুনা, ভারতনা হেল্থ সর্বিস পীবগী মওং অসি সেক্তোরেল অমসুং সেগ্মেন্তেদ এপ্রোচতগী কমপ্রেহেন্সিব ওইবা মওংদা তঙাইফদবগী মতুং ইন্না হেল্থ কিয়র সর্বিস পীবদা ওইনা মাইওন হোংলকখ্রে। মন্ত্রী অসিনা হায়খি, মসি য়াম্না তোপ-তোপ্পা স্কীম অমনি, মসিদা কনাগুম্বা অমনা হান্নদগী লৈরক্লবা লাইনাগীদমক্তশু রেজিস্তর তৌবা য়াগনি।  মহাক্না খঙহল্লকি মদুদি জম্মু অমসুং কাশ্মিরনা ইকোনোমিক ক্রাইতরিয়া অমত্তা খাইদনা হেল্থ স্কীম অসিগী য়ুনিভর্সেল কোভরেজ ফংখিবা অহানবা য়ুনিয়ন তেরিতোরীনি।

মন্ত্রী অসিনা খঙহল্লকখি মদুদি অয়ুশ্মান ভারত য়োজনানা এলিজিবল ওইবা বেনিফিসরীশিংদা খ্বাইদগী হেন্না ফবা হোসপিতালশিংদা লুপা লাখ মঙা ফাওবগী লেম্না লাইয়েংবা য়াবগী অয়াবা পীরি। স্কীম অসি চৎনহনবদা খুদোংচাদবশিংগি মতাংদা হংলকপা ৱাহংশিংগী পাউখুম ওইনা মহাক্না হায়খি, ঐখোয়না মসিবু পাইখৎপগী অহোবা স্তেজতা লৈরি অমসুং সরকার অসিনা মতম মতমগী মতুং ইন্না স্কীম অসিদা মথৌতাবা চুনবা অহোংবশিং পুরকপদা বানিংবা ফোংদোক্লি। মন্ত্রী অসিনা ভারতগুম্বা য়াম্না পাকচাউরবা হেতরোজেনস ওইবা লৈবাক অসিদা ইন্তেগ্রিতীনা য়াম্না চাউবা ফেক্তর অমা ওইরি হায়নশু মহাক্না মরু ওইনা পনখি অমসুং তপ্না অমসু শোইদনা মসিগী হেল্থ ইন্সুরেন্স স্কীম অসিনা মালেম অসিনা তমজনিংঙাই ওইবা মোদেল অমা ওইরগনি।

দা. জিতেন্দ্র সিংনা হায়খি মদুদি লাইচৎ অসিনা হোলিস্তিক ওইবা হেল্থকিয়রগী ৱাখল্লোন অসি তম্বীখি অমসুং লাইচৎ অসিনা লোইশিনখ্রবা মতুংদা ফাওবা, মসিনা লাইনা কয়া অমবু মতিকচানা লাইয়েংনবা অমসুং ঙাকথোক্নবগীদমক্তা ইন্তিগ্রেতেদ মেদিসিনেল এপ্রোচ ইনস্তিত্যস্নেলাইজ তৌবনা মীওইবা জাতিদা য়াম্না চাউনা কান্নগনি। মন্ত্রী অসিনা হায়খি, কোবি মনুংদা নোংচুপকী লমদমশিংনা ফাওবা আয়ুরভেদা, হোমিয়োপেথী, য়ুনানি, য়োগ, নেচরোপেথী অমসুং অতোপ্পা ওরিয়েন্তেল অল্তর্নেতিবশিংগী ওইবা ইম্যুনিতী বিল্দিং তেক্নিকশিং থিবদা ভারতকী মাইকৈদা য়েংলকখি। মহাক্না হায়খি, তৌইগুম্বশুং, কোবিদকী তাঙ্কক অদু লোইশিল্লবা মতুংদা ফাওবা মেদিকেল মেনেজমেন্তকী তোঙান-তোঙানবা স্ত্রীমশিংগী মরক্তা ওপ্তিমম ইন্তিগ্রেশন অমসুং সীনর্জিজম লৈহনবনা লাইনা অমসুং দিসওর্দর কয়া অমগী মেনেজমেন্ত মাইপাক্না তৌনবগী মরু ওইবা পাম্বৈনি।   

দা. জিতেন্দ্র সিংনা খঙহল্লকখি মদুদি কোবিদ-১৯ লাকপা মতমদা, ভারতনা ২০২০গী মার্চতা তেলিমেদিসিন প্রক্তিস গাইদলাইনশিং খঙহনখি, অমসুং ঐখোয়না মসিগা চপ মান্ননা ২০২০গী এপ্রিলদা আয়ুশকীদমক্তশু তৌখি। মহাক্না হায়খি, ঐখোয়গী গ্রাউন্দৱার্কশিং অদু মাংজৌননা লৌইশিনখ্রবা ওইবনা অমসুং শেম-শাবা লোইবনা মসিগী গাইদলাইনশিং অসি ভারতনা খুদক্তা লাউথোকপা ঙমখি। মন্ত্রী অসিনা হায়খি, ঐখোয়না ‘দিজিতেল হেল্থ ফোর ওল’ অসি লৈহন্নবা ঐখোয় পুন্না থবক তৌমিন্নবা তাই, মসিনা ‘হেল্থ ফোর ওল’ ফংনবগী তঙাইফদবা অমনি।

দা. জিতেন্দ্র সিংনা হায়খি, প্রধান মন্ত্রী মোদীগী তুংগীদমক্তা উবা ঙম্বা অদুনা ২০১৪দা মহাক্ন ফম হেক পাইবা হৌরকপদগী, মহক্না মালেম অসিদা কোবিদ-১৯ লাক্ত্রিঙৈগী য়াম্না মমাংদা ‘দিজিতেল ইন্দিয়া’ য়াম্না শক্তি লৈরবা ভিজন অসিবু মীয়ামদা শিয়র তৌখি।

দা. জিতেন্দ্র সিংনা লোইশিল্লদুনা হায়খি মদুদি প্রধান মন্ত্রী মোদীনা অমুক্কশু হন্না ২০১৫দা রেদফোর্তত্গী স্তার্তঅপ ইন্দিয়া অমসুং স্তেন্দঅপ ইন্দিয়াগী খোল্লাও অসি লাউখি, মতম অসিদা ভারত্তা স্তার্তঅপ শুপ্নতগী ৩৫০ খক্তমক লৈরম্মি  অমসুং হৌজিক্তি লৈবাক অসিনা মালেম অসিদা স্তার্তঅপশিংগী মতাংদা ৩শুবা রেঙ্কতা লৈরে, মসিদা চাউরাক্না স্তার্তঅপ লাখ অমা অমসুং য়ুনিকোর্ন ১০০গী মথক্তা য়াওরি অমসুং মসিদা হেলথ অমসুং বায়োতেক্কী স্তার্তঅপশিংনি অয়াম্বনি।

<><><><>