|
ఆరోగ్య, కుటుంబ సంక్షేమ మంత్రిత్వ శాఖ
రుతుప‌వ‌నాల కాలంలో వెక్ట‌ర్ బోర్న్ వ్యాధుల (పరాన్నభుక్కుల ద్వారా వ్యాపించే వ్యాధులు) నివార‌ణ, అదుపున‌కు రాష్ర్టాల సంసిద్ధ‌త‌ను వ‌ర్చువ‌ల్ గా స‌మీక్షించిన కేంద్ర ఆరోగ్య శాఖ మంత్రి డాక్ట‌ర్ మ‌న్ సుఖ్ మాండ‌వీయ
అంత‌ర్గ‌త సంసిద్ధ‌త‌ను కూడా స‌మీక్షించుకోవాల‌ని, త‌గు నివార‌ణ చ‌ర్య‌ల కోసం స‌మాజాల్లో చైత‌న్యం పెంచాల‌ని రాష్ర్టాల‌కు అభ్య‌ర్థ‌న
నాడు పోస్టు చేయడమైనది:
30 JUN 2023 8:22PM by PIB Hyderabad
వ‌ర్షాకాల సీజ‌న్ కు ముందు కేంద్ర ఆరోగ్య శాఖ మంత్రి డాక్ట‌ర్ మ‌న్ సుఖ్ మాండ‌వీయ మ‌లేరియా, డెంగ్యూ, చికున్ గున్యా, కాలా అజర్, జ‌ప‌నీస్ ఎన్ సెఫలైటిస్ వంటి పరాన్నభుక్కుల ద్వారా వ్యాపించే వ్యాధుల‌ను నిరోధించి, అదుపు చేయ‌డంలో రాష్ర్టాలు ఏ మేర‌కు సిద్ధంగా ఉన్నాయి అన్న విష‌యం వ‌ర్చువ‌ల్ స‌మావేశంలో స‌మీక్షించారు. సిక్కిం ముఖ్య‌మంత్రి, 22 రాష్ర్టాల ఆరోగ్య శాఖ మంత్రులు, ప్రిన్సిప‌ల్ కార్య‌ద‌ర్శులు (ఆరోగ్యం), ఎండి ఎన్ హెచ్ ఎం, రాష్ర్టాల సీనియ‌ర్ అధికారులు వ‌ర్చువ‌ల్ విధానంలో ఈ స‌మావేశంలో పాల్గొన్నారు. ఎంఓహెచ్ ఎఫ్ డ‌బ్ల్యు ఆఫీస‌ర్ ఆన్ స్పెష‌ల్ డ్యూటీ శ్రీ సుధాంశు పంత్ కూడా ఈ స‌మావేశంలో పాల్గొన్నారు.
ముంద‌స్తు సంసిద్ధ‌త, ఉమ్మ‌డి కృషి ప్రాధాన్య‌త‌ను నొక్కి చెబుతూ “ఆరోగ్య అవ‌స‌రాల‌ను ముందుగానే గుర్తించి వాటిని ఎదుర్కొనేందుకు క్రియాశీలమైన సంసిద్ధ‌త, స‌మ‌యం క‌న్నా ముందుగానే త‌గిన‌న్ని ఏర్పాట్లు చేయ‌డం వ‌ల్ల మ‌నం సమర్థవంతంగా వ్యాధుల భారాన్ని త‌గ్గించ‌గ‌లుగుతాం” అని కేంద్ర ఆరోగ్య మంత్రి అన్నారు.
వ్యాధుల భారాన్ని త‌గ్గించేందుకు రాష్ర్టాల ఆరోగ్య మౌలిక వ‌స‌తుల కోసం కేటాయించిన నిధుల‌ను రాష్ర్టాలు పూర్తి స్థాయిలో వినియోగించుకోవాల‌ని కేంద్ర ఆరోగ్య శాఖ మంత్రి డాక్ట‌ర్ మ‌న్ సుఖ్ మాండ‌వీయ ఉద్ఘాటించారు. అలాగే వ్యాధుల‌ను వ్యాపింప‌చేసే క్రిములు పెర‌గ‌డాన్ని నివారించి, అదుపు చేయ‌డంలోను; స‌మాజంలో చైత‌న్యం పెంచి వారి స‌హ‌కారం తీసుకోవ‌డంలోను తాము న‌వ్య దృక్ప‌థంతో తీసుకున్న చ‌ర్య‌లు, ఉత్త‌మ ప్ర‌మాణాల‌ను; ఇత‌ర రాష్ర్టాల‌తో పంచుకోవాల‌ని డాక్ట‌ర్ మాండ‌వీయ సూచించారు. ఇందుకు దీటుగా గ్రామాల్లో ఆ వ్యాధుల గురించి గ్రామాలు, పాఠ‌శాల‌లు, ప‌రిస‌రాల్లో త‌గు కార్య‌క్ర‌మాల‌ను నిర్వ‌హించాల‌ని, ప్ర‌జ‌లు అనుస‌రించాల్సిన ప్ర‌వ‌ర్త‌నా నియ‌మావ‌ళిని ప్ర‌చారం చేయాల‌ని ఆయ‌న కోరారు.
కేసుల‌ను ఎప్ప‌టిక‌ప్పుడు ప్ర‌క‌టించి, కేసుల నిర్వ‌హ‌ణ, ఐఇసి/ సామాజిక స‌మీక‌ర‌ణ ప్ర‌చారంలో అంద‌రినీ భాగ‌స్వాముల‌ను చేసే విష‌యంలో ఆయుష్మాన్ భార‌త్‌-ఆరోగ్య, వెల్ నెస్ కేంద్రాల‌ను కూడా భాగ‌స్వాముల‌ను చేయాల‌ని రాష్ర్టాల‌కు సూచించారు. అలాగే రాష్ర్టాలు కోరిన మేర‌కు ప్ర‌త్యేక ఔష‌ధాలు/ డ‌యాగ్న‌స్టిక్ సాధ‌నాలు స‌కాలంలో సమర్థవంతంగా పంపిణీ చేస్తామ‌ని రాష్ర్టాల‌కు హామీ ఇచ్చారు.
కొన్ని జిల్లాల్లో ఆ వ్యాధుల భారాన్ని త‌గ్గించి, నిర్మూలించ‌డంలో ప‌లు రాష్ర్టాల కృషిని ఆరోగ్య మంత్రి ప్ర‌శంసించారు. వ్యాధులపై చైత‌న్యం పెంచేందుకు, సామాజిక భాగ‌స్వామ్యానికి చేసిన ప్ర‌చారం; స‌కాలంలో నిఘా వేసి, చికిత్స‌లు చేయ‌డానికి తాము తీసుకున్న చర్యలను రాష్ర్టాలు ఇత‌రుల‌తో పంచుకున్నాయి.
క్రిముల ద్వారా సంక్ర‌మించే వ్యాధులు ఆరు ర‌కాలు (మ‌లేరియా, డెంగ్యూ, చికున్ గున్యా, జ‌ప‌నీస్ ఎన్ సెఫలైటిస్, లింఫ‌టిక్ ఫైలేరియాసిస్, కాలా-అజర్). లింఫ‌టిక్ ఫైలేరియాసిస్ మిన‌హా మిగ‌తావి సీజ‌న్ల వారీగా వ్యాపించి, విజృంభించే వ్యాధులు. సాధార‌ణంగా రుతుప‌వ‌నాల స‌మ‌యంలోను, అవి రావ‌డానికి ముందుగాను వ్యాపిస్తూ ఉంటాయి. నేష‌న‌ల్ సెంట‌ర్ ఫ‌ర్ వెక్ట‌ర్ బోర్న్ డిసీజెస్ కంట్రోల్ (ఎన్ సివిబిడిసి) ఇలాంటి వ్యాధుల నివార‌ణ, అదుపున‌కు విధానాలు/ మార్గ‌ద‌ర్శ‌కాలు రూపొందించ‌డంతో పాటు వ్యాధుల నివార‌ణ, అదుపున‌కు అవ‌స‌ర‌మైన సాంకేతిక, ఆర్థిక స‌హాయ (జాతీయ ఆరోగ్య మిష నిబంధ‌న‌ల‌కు అనుగుణంగా) చర్యలను సిఫార‌సు చేస్తుంది.
జాయింట్ కార్య‌ద‌ర్శి శ్రీ రాజీవ్ మాంఝి, డైరెక్ట‌ర్ డాక్ట‌ర్ త‌ను జైన్‌, ఆరోగ్య స‌ర్వీసుల డైరెక్ట‌ర్ జ‌న‌ర‌ల్ డాక్ట‌ర్ అతుల్ గోయెల్‌, కేంద్ర ఆరోగ్య మంత్రిత్వ శాఖ‌కు చెందిన ఇత‌ర సీనియ‌ర్ అధికారులు కూడా ఈ వ‌ర్చువ‌ల్ స‌మావేశంలో పాల్గొన్నారు.
***
(రిలీజ్ ఐడి: 1936718)
|