কেন্দ্রগী রোদ ত্রান্সপোর্ত অমসুং হাইৱেজকী মন্ত্রী, শ্রী নিতিন গদকরিনা হায়খি মদুদি হৌখিবা চহি মাপল অসিদা লৈবাক অসিদা লৈরিবা নেস্নেল হাইৱেজগী অপুনবা অশাংবা অদু চাউরাক্না ৫৯% হেনগৎলকখ্রে।  মসিগী এক্সপান্সন অসিনা মরম ওইরগা, হৌজিক্তি ভারত্তা য়ু.এস.কী হেক মথংদা খ্বাইদগী চাউবা রোদ নেতৱার্ক লৈরে।

নই দিল্লীদা ঙসি প্রেস কনফরেন্স অমদা ৱা ঙাংবা মতমদা শ্রী গদকরিনা হায়খি: “২০১৩-১৪দা নেস্নেল হাইৱেগী অপুনবা অশাংবা অসি কি.মি. ৯১,২৮৭ ওইরম্মি, হায়রিবা অসি ২০২২-২৩দা কি.মি. ১,৪৫,২৪০দা হেনগৎলকখ্রে, মতম অসিদা ৫৯%গী মথক্তা হেনগৎলকখি।”

হৌখিবা চহি মাপল অসিদা লেন ৪গী নেস্নেল হাইৱেগী মশিং অসি চাউরাক্না শরুক অনি থোক্না হেনগৎলকখ্রে। ২০১৩-১৪দা, লেন ৪গী নেস্নেল হাইৱেগী অশাংবা অসি কি.মি. ১৮,৩৭১ ওইরম্মি, মসি হৌখিবা চহি মাপলদা কি.মি. ১৮,৩৭১দা হেনগৎলকখি।

এম.ও.আর.তি.ঐচ.কী সেক্রেতরী, শ্রী অনুরাগ জেন অমসুং এন.ঐচ.এ.আই.গী চিয়রমেন, শ্রী সন্তোশ কুমার য়াদৱশু কনফরেন্স অসিদা শরুক য়াখি।

শ্রী গদকরিনা হায়খি মদুদি ফাসতেগ হৌদোরকখিবদগী, শিংথানিংঙাই ওইবা মওংদা তোল কোলেক্সন হেনগৎলকখি। মন্ত্রী অসিনা মখাতানা খঙহনলকখি মদুদি তোলশিং অসিদগী রেভেন্যু অদু ২০১৩-১৪দা লুপা করোর ৪,৭৭০ ওইরম্বদগী ২০২২-২৩দা লুপা করোর ৪১,৩৪২দা হেনগৎলকখি। সরকার অসিনা ২০৩০ ফংআওবদা তোলগী রেভেন্যু অসি লুপা করোর ১,৩০,০০০দা হেনগৎহন্নবা পান্দম থম্লি হায়না গদকরিনা মখা তারকখি।

মসিনা মরম ওইরগা তোল প্লাজাশিংদা ঙাইবগী মতমদুশু হন্থরকখ্রে হায়না শ্রী গদকরিনা হায়খি। “২০১৪দা, তোল প্লাজাশিংদা ঙাইবগী মতম অসি সেকেন্দ ৭৩৪ ওইরম্মি, অদুবু ২০২৩দদি মসি সেকেন্দ ৪৭তা হেন্থখি। ঐখোয়না মসিবু অথুবা মতমদা সেকেন্দ ৩০দা হন্থহল্লগনি হায়না আশা তৌরি।” হায়না মহাক্না হায়খি।

মন্ত্রী অসিনা ভারত্তা চৎথোক-চৎশিন তৌবদা ফাসতেগ অসিনা পুরক্লিবা অদুগী মতাংদআ হায়খি মদুদি মসিনাকেস ত্রানজেক্সন তৌবগী মথৌ তারম্বা অদু লৈহন্দদুনা তোলগী শেল থিবগী কন্সেপ অসিবু য়াম্না চাউনা অওনবা অমা পুরক্লে। রিসর্চকী মতুং ইন্না মসিগী অনৌবা অহোংবা অসিনা তোল প্লাজাশিংদা ঙাইবা মতমদা চাউরাক্না লুপা করোর ৭০,০০০গী লেম্না তিংখিবা থাওগী চাদিং অদু কনথোকখ্রে।

শ্রী গদকরিনা হায়খি অৱাং নোংপোক্তা রোদ হাইৱে নেতৱার্ক চাউথোকহনবগী মতাংদা অখন্নবা মিৎয়েং থমখ্রে অমসুং মসিগীদমক্তা লমদম অসিদা লুপা করোর লাখ ২ হেনবা প্রোজেক্তকী থবক পাইখৎখ্রে। নেস্নেল হাইৱেশিংগী মতাইদা য়াম্না নুংঙাইবা এক্সপরিয়েন্স অমা লৈহন্নবগীদমক্তা রোদ সাইদ ফেসিলিতী ৬৭০শু দেবেলপ তৌরি হায়নশু মহাক্না হায়খি।

মন্ত্রী অসিনা হায়খি মদুদি এন.ঐচ.এ.আই.গী আই.এন.ভি.আই.তি. (ইনফ্রাস্ত্রকচর ইনভেস্তমেন্ত ত্রস্ত) মোদেলগী মখাদা, বোন্দ ইশু অমা লোঞ্চ তৌখ্রে অমসুং মসিনা ময়ামগী পুক্নিং চিংশিনখি। মুম্বাই স্তোক এক্সচেঞ্জতা ইহান-হান্না ফংবা হেক ফংবা নুমিৎ অদুমক্তদা, বোন্দ অসিনা শরুক তরেৎ হেন্না ওভরসবস্ক্রিপ্সন লৈখি, মসিনা হান্নদগী লৈরকপা বেঙ্কশিং রেত্তগী এন্দুনা চাদা ৮.০৫কী চাংদা ইন্তরেস্ত রেত পীরি।

মসিগী মথক্তা, মহাক্না হায়খি মদুদি, এন.ঐচ.এ.আই. ৱার্ল্দ রেকোর্দ তরেত ফংখি, মসিনা তেক্নোলোজিগী লমদা চাউখৎহনবগী মতাংদা অমসুং ভারতপু য়ু.এস.এ.গী মথংদা মালেম অসিগী অনিশুবা খ্বাইদগী চাউবা রোদ নেতৱার্ক অমা ওইহন্নবা মখোয়গী ফিরেপ অদুবু উৎলি।

গ্রীন ইনিসিয়েতিবকী ইশুগী মতাংদা, শ্রী গদকরিনা হায়খি মদুদি এন.ঐচ.এ.আই.না ৬৮,০০০ ত্রান্সপ্লান্ত তৌখি অদুগা হৌখিবা চহি মাপল অসিদা উপাম্বি করোর ৩.৮৬ থাখি। ৱাতর রিজুভনেশনগী অনৌবা থৌরাংশিং অদুগী মতাংদা ঙাংলদুনা, মআক্না হায়খি মদুদি এন.ঐচ.এ.আই.না লৈবাক শিনবা থুংনা নেস্নেল হাইৱেজদা অমৃত সরোৱর ১৫০০ হেন্না দেবেলপ তৌখ্রে।

মন্ত্রী অসিনা খঙহল্লকখি মদুদি মন্ত্রালয় অসিনা দিল্লী রিং রোদ প্রোজেক্তকীদমক্তা রোদ কন্সত্রক্সনদা গার্বেজ তন লাখ ৩০ শিজিন্নখ্রে,  মসিনা ৱেস্ত মেনেজমেন্ত অমসুং সস্তেনেবল দেবেলপমেন্তকী মাইকৈদা লৌরিবা প্রোএক্তিব এপ্রোচ অদুবু উৎলি। মসিগী মথক্তা, মহাক্না হেন্না কনবা অমসুং তুংকোইনা চৎকদবা বেম্বু ক্রাশ বেরিয়রশিং হৌদোকপগী মতাংদা পনখি, মসিনা থবক ফংহনবদা নত্তনা এনভাইরনমেন্তপু ঙাক শেন্দুনা থমহল্লগনি। 

তুংকোইনা চৎকদবা তুংগী লম্বি অমগীদমক্তা সরকার অসিনা লৌরিবা ফিরেপ অদুগী মতুং ইন্না, শ্রী নিতিন গদকরিনা মথংগী চহি মঙা অসিদা ইলেক্ত্রিক্কী গারি শিজিন্নবা হেনগৎহন্নবা ভিজন অমা ময়ামদা উৎখি, মসিনা অশেংবা ইনর্জী প্রোমোত তৌরগনি অমসুং কার্বোন ইমিসনশিং হন্থহল্লগনি।  

****