চহি খুদিংগী জুন ২৭ অসি হেলেন কেল্লর পোকখিবা নুমিৎ পাংথোকপা ওইনা হেলেন কেল্লর নুমিৎ হায়না থৌরম পাংথোক্লি। হেলেন কেল্লর না পংদুনা অমসুং মমিৎ উদনা পোক্লবসু, মহাক্না পুন্সিগী অৱাবশিং থেংনখি অমসুং মহাক্কী পান্দমশিং ফংখি।  মহাক অফাওবা অইবা অমা ওইরকখি অমসুং লাইরিক কয়া ফোঙখি অমসুং “অমেরিকান ফাউন্দেসন ফোর ব্লাইন্দ” লিংখৎখি অমসুং হকচাংগী ফিবম মীমান্নদ্রবশিংগী উকিল অমা ওইনা মীয়ামগী থবক তৌখি। সাইন্স অমসুং তেক্নোলোজি চাউখৎলকপদগী মমিৎ উদ্রবা মীওইশিং অমসুং মনা তাদ্রবা মীওইসিং মপুংফাবা কান্নরবা পুন্সি ওইনা হিংবা ঙম্লে। হেলেন কেল্লর নুমিত্তা, হকচাংগী ফিবম মীমান্নদ্রবা মীওইশিং মতেং পাংনবা পায়খৎলিবা থবকশিং ঐখোয়না ইকায়খুম্নবা উৎলি। মীওই খুদিংমক খুন্নাইগী মতেং পাংনবা শক্তি লৈ অমসুং থবক ওইনা পাংথোকপা ঙম্মী।

ভারত সরকারগী সোসিএল জর্জতিস্ত অমসুং ইমপৱারমেন্তগী মখাদা লৈবা ইমপৱারমেন্ত ওফ পর্সন্স ৱিদ দিসএবিলিতি দিপার্তমেন্তনা লৈবাক অসিদা লৈরিবা হকচাংগী ফিবম শোইনাইরবশিংগী য়াইফনবা থবকশিং পায়খৎনবা নোদেল ওফিস ওইরি অমসুং হেলেন কেল্লরগী মাইপাকপশিং খঙহন্দুনা দিবয়াংজনশিংগা লোয়ন্না থবক তৌমিন্নরবশিংগী পুক্নিং থৌগৎলি। ভারতকী তোঙান-তোঙানবা মফম ৫০ হেনবদা থৌরম কয়া পাংথোক্তুনা মিনিস্ত্রি অসিগা চৎমিন্নরিবা ইন্সতিতুৎশিংনা জুন ২৭ অসি হেলেন কেল্লর নুমিৎ হায়না থৌরম পাংথোক্লি।

জুন ২৭ দা পাংথোক্লিবা হেলেন কেল্লর নুমিৎ অসিদা মীয়াম ভাব তাহনবা থৌরমশিং, সেমিনারশিং, ৱার্কশোপশিং, ইন্সতিতুৎকী কম্মুনিতি রেদিও স্তেসন ৯১.২ নিভহ হেল্লো দুন্না ওদিও ভিদিও থৌরম অমা, ৱেবিনারশিং, শান্নবগী থৌরমশিং, কুইজ চাংদম্নবশিং লৈবাক শীনবা থুংনা পাংথোকখি।

****