কেন্দ্রগী পাৱর মন্রালয়গী মখাদা লৈবা মহারত্না সেন্ত্রেল পব্লিক সেক্তর ইন্তর্প্রাইস অমা ওইরিবা REC লিমিতেদনা বেঙ্গালোর মেত্রোগী ফেজ-IIগী মখাদা মেত্রো লাইন শেম্নবগীদমক্তা বেঙ্গালোর মেত্রো রেল কোর্পোরেসন লিমিতেদতা করোর ₹ 3,045 গী শেলগী তেংবাং পীনবা ৱারেপ লৌখ্রে। শেলগী তেংবাং পীবগী ৱারেপ অসি জুন 24, 2023দা বেঙ্গালুরুদা পাংথোকখিবা RECগী বোর্দ মীফমদা লৌখিবনি অমসুং BMRCLগী ৱাহৌদোক অসিবু বোর্দনা অয়াবসু পীখ্রে।

নম্মা মেত্রোগী ফেজ-IIগী প্রোজেক্ত অসিদা ইস্ত ৱেস্ত কোরিদোর অমসুং নোর্থ সাউথ কোরিদোর হায়রিবা ফেজ-Iগী কোরিদোর অনিবু এক্সতেন্দ তৌবা; অমসুং RV রোদতগী বোম্মাসন্দ্র ফাওবা অমসুং কলেনা অগ্রহরাদগী নগাৱারা ফাওবগী অনৌবা লাইন 2 শেম্বগী থৌওং য়াওরি। লাইনশিং অসিনা শহর অসিগী ত্রাফিক খ্বাইদগী কুঙবা মফমশিংদা ফাওদুনা চেনগনি।

প্রোজেক্ত অসিগী ফেজ-II অসিনা মীশিং য়াম্না তাবা বেঙ্গালুরু শহরগী কন্নেক্তিবিতী হেনগৎহনগনি অমসুং ত্রাফিক হন্থহনগনি। ফেজ-II (72.09 km) অসিনা লোইশিল্লকপা মতমদা, নম্মা মেত্রোগী অপুনবা নেতৱর্ক্না স্তেসন 101 লৈদুনা 114.39 km শাংগনি।

REC লিমিতেদ অসি ভারত শিনবা থুংবগী পাৱর সেক্তর ফাইনান্সিং অমসুং দিভেলপমেন্ততা মিৎয়েং থম্বা NBFC অমনি। BMRCLদা শেলগী তেংবাং পীবা অসিনা RECনা ইনফ্রাস্ত্রকচর দিভেলপমেন্ততা শেল থাদবগী থৌওংদা খোঙদাবগী শরুক অমা ওইরি। ইং 1969দা লিংখৎখিবা REC লিমিতেদ অসিনা চহি য়াংখৈ হেন্না থবক তৌরক্লে। মসিনা পাৱর জেনেরেসন, ত্রান্সমিসন, দিস্ত্রিব্যুসন অমসুং রিন্যুএবল ইনর্জী য়াওনা তোঙান-তোঙানবা প্রোজেক্ত মখল অমসুং পাৱর সেক্তরগী ভেল্যু চেন অপুনবদা শেলগী তেংবাং পীরি। RECগী ফন্দিং অসিনা ভারত্তা মরিশুবা বল্ব খুদিংবু ঙানহল্লি।

***