য়ুমলৈ-কৈরৈ মন্ত্রালয়

য়ুনিয়ন হোম অমসুং কোওপরেশন মিনিস্তর, শ্রী অমিত শাহনা ঙসি স্রিনাগরদা অথোইবা মীথুংলেন ওইনা মিনিস্ত্রী ওফ কলচরনা শিনবা ৱতস্তা মাহোতসবতা ৱা ঙাংখ্রে


ঝেলমনা মীওইবা জাতিগী সিভিলাইজেশনগী খ্বাইদগী অৱাংবা থাক অদুগী খুদম্নি অমসুং ৱিতস্তানা অসি মালেম পুম্বদা অশেংবা কাশ্মির অদুবু উৎলিবা কুম্মৈনি

হায়রিবা ৱিতস্তা অসিনা চহি লিশিং কয়া অমদগী কাস্মিরদা রিসর্চ কয়া অমা উদুনা লাকখি, মসিগী ঝেলম অসিনা য়াম্না অরুবা মতমশিং উখ্রে, ৱিতস্তাগী ঈচেলনা ঈখেং উখ্রে, ফেনাতিকশিং লান্দারকপা উখ্রে, শাসন হোংখিবা কয়া অমা উখ্রে অমসুং তেরোরিজমগী য়াম্না তমথিরবা শক্তমশিং অদুবুশু উখ্রে

প্রধান মন্ত্রী, শ্রী নরেন্দ্র মোদীনা আর্তিকল ৩৭০ লৌথোকখ্রবা মতুংদা, জম্মু অমসুং কাশ্মিরদা শান্তি পুরকখ্রে, চাউখৎ-থৌরাংগী আনৌবা মাইকৈ অমা শেমলকখ্রে, অৱাংবা থাক্কী মহৈ-মশিং তমফম ইনস্তিত্যুশনশিং শাগৎলক্লি, ইন্দস্ত্রীশিং শেমগৎলক্লি অমসুং পঞ্চায়তি রাজ থমখ্রে

Posted On: 23 JUN 2023 10:30PM by PIB Imphal

য়ুনিয়ন হোম অমসুং কোওপরেশন মিনিস্তর, শ্রী অমিত শাহনা ঙসি স্রিনাগরদা অথোইবা মীথুংলেন ওইনা মিনিস্ত্রী ওফ কলচরনা শিনবা ৱতস্তা মাহোতসবতা ৱা ঙাংখ্রেজম্মু অমসুং কাশ্মিরগী লেফ্তনেন্ত গোবর্নর, শ্রী মনোজ সিনহা, য়ুনিয়ন মিনিস্তর, শ্রীমতি মীনাক্সি লেখি, য়ুনিয়ন হোম সেক্রেতরী অমসুং মিনিস্ত্রী ওফ কলচরগী সেক্রেতরী য়াওনা দিগ্নিতরী কয়া অমনা থৌরম অদুদা শরুক য়াখি।

মহাক্কী ৱারোল অদুদা, শ্রী অমিত শাহনা হায়খি মদুদি মসিগী ৱিতস্তা অসিনা চহি লিশিং কয়া অমদগী কাস্মিরদা রিসর্চ কয়া অমা উদুনা লাকখি অমসুং কলচর কয়া অমগী পুনফম অমা ওইবা লাইবক ফবা অদুশু ফংখি। ঝেলমনশু আধিশঙ্কর উখি। মহাক্না হায়খি মদুদি হিরম খুদিংমক্কী স্কোলরশিংনা লম অসিদগী থোরকখি অমসুং মখোয়গী অর্তশিং অদুবু ভারত খক্তদা মমিং চৎহনবদা নত্তনা মালেম শিনবা থুংনা মমিং চৎহনখি অমসুং মসি ময়াম অসিগী অপুনবা শক্তম অদু কাশ্মিরগী ঙসিগী কলচরদা উবা ফংঙি।

য়ুনিয়ন হোম মিনিস্তরনা হায়খি মদুদি মসিগী ঝেলম অসিনা য়াম্না অরুবা মতমশিং উখ্রে, ৱিতস্তাগী ঈচেলনা ঈখেং উখ্রে, ফেনাতিকশিং লান্দারকপা উখ্রে, শাসন হোংখিবা কয়া অমা উখ্রে অমসুং তেরোরিজমগী য়াম্না তমথিরবা শক্তমশিং অদুবুশু উখ্রেশ্রী শাহনা হায়খি মদুদি ঝেলম অসিবু তুরেল ওইনা খনবশিংনা, মীওইবা জাতিগি কলচরবু মশক খঙবা ঙম্লোই। ঝেলমনা মীওইবা জাতিগী সিভিলাইজেশনগী খ্বাইদগী অৱাংবা থাক অদুগী খুদম্নি অমসুং ৱিতস্তা অসি মালেম পুম্বদা অশেংবা কাশ্মির অদুবু উৎলিবা কুম্মৈনিৱিতস্তা মাহোতসবকী পান্দমদি কাশ্মিরগী ফজরবা কলচরেল হেরিতেজ, দাইভর্সিতী অমসুং তোপ-তোপ্পা মঘুন অদুবু লৈবাক পুম্বদা খঙহনবা অসিনি। কুম্মৈ অসিনা ৱিতস্তা (ঝেলম) তুরেল মরি লৈনবা লমদম অদুগী থাজনবীশিং অদুদা অখন্নবা মিৎয়েং থম্মি, হায়রিবা অসি ৱেদগী মতমদগীহৌনা য়াম্না শেংবা অমা অমা ঔইনা খন্নৈ। মসিগী তুরেল অসিনা অরিবা লাইরিকশিং খুদম ওইনা নীলমাত পুরানা, ৱিতস্তা ম্মায়া, হরচরিতা চিন্তামনি, রাজাতরঙ্গিনিদা পল্লম্মি অমসুং য়াম্না শেংনা লৌনরিবা তুরেল অসিগী শেংলবা ঈচেলনা মীওইবগী ফত্তবা মচৎ খুদিমকপু মাংহল্লি হায়না থাজনৈ।

শ্রী অমিত শাহনা হায়খি মদুদি কাশ্মির অসি আদিশঙ্করনা মহৈ-মশিংগী লম্নি হায়না হায়রম্মি, পঋথিবীদা লৈবা স্বরগনি হায়না মুঘলগী নিংথৌরেলশিং হায়রম্মি অমসুং সামরাত অশোকানা বৌধ থর্মগী ৱাখল্লোন পোকহনবা মফম্নি হায়না হায়রম্মি। মহাক্না হায়খি মদুদি কলচর হায়বসি চহি অমদা নত্রগা অর্ত অমসুং জোনরা অমখক্না শেমখিবা নত্তে, কলচর অসি মীওইবগী পুন্সিগী মরু ওইবা কয়া অমা পুনশিন্নরক্তুনা শেমখিবনিঐখোয়গী ভারত অসি অসিগুম্বা কলচলগী ঈচেল অসি লেপ্তনা চেনবা লৈবাক খরগী মনুংদা অমনি, অমসুং ঐখোয়না মসিগীদমক্তা চাউথোকচগদবনিঅসিগুম্বা অরিবা কলচরগী ঈচেলনা লৈবাক অসিগী মফম খুদিংমক্তা চেল্লি, মখোয়শিং অদুনা পুল্লগা ভারতকী কলচরগী গঙ্গাগী মরিল অদুবু শেম্লিবনি। মহাক্না হায়খি মদুদি মতম অমদা ঐখোয়বু পাল্লম্বা ব্রিতিশনা ঐখোয়গী দাইভর্সিতী অসিবু ঐখোয়গী অশোনবনি হায়না খল্লম্মি, অদুবু পাল্লিবা অদুনা অফবা ৱাখল্লোনদা য়েংবা মতমদা, দাইভর্সিতীদা য়ুনিতী লৈবনা ঐখোয়গী স্পেসিয়েলিতীনি অমসুং ঐখোয়গী খ্বাইদগী চাউবা শক্তিনি। মহাক্না হায়খি মদুদি ভারতকী স্পেসিয়েলিতী অসি মীপুম খুদিংমক্কা লোইননা অমত্তা ওইনা লৈবগী কলচর অদুবুনি অমসুং মসিগি ৱিতস্তা মাহোতসব অসিনা ভারত অমসুং মালেমদা কাস্মিরগী স্পেসিয়েলিতী অদুবু শন্দোক্নবগী এম্বেসেদরনি। মহাক্না হায়খি মদুদি ৱিতস্তা মাহোতসবকী খুত্থাংদা, কাস্মিরনা পুম্নমকপু কোনশিল্লিবা আদিয়োলোজী অমসুং কলচর অমা ওইরে। মফম অসি ইশে-নোংমাই আমসুং মহৈ-মশিং চাউখৎহল্লিবা মফম্নি অমসুং মখোয়শিং অদুবু খ্বাইদগী অথোইবা থাক্তা চাউখৎহল্লি, মরম অদুনা আদি শঙ্করনা শর্দা সেত্রে হায়না কৌখি অমসুং মফম অসিদা শর্দা পীথ লিংখৎখি। 

 

য়ুনিয়ন হোম মিনিস্তরনা হায়খি মদুদি কাশ্মিরগী হৌখিবা চহি ৩০-৪০গী পুৱারি উখিবা মীশিংনা, মসিবু য়াম্না চয়েৎনবা অমসুং তংদু-লৈতাদবা লমদম অমা ওইনা উখি।ৱাকৎ কয়া অমা লৈরবসু মুৎনাইদ্রবা মৈরা অমগুম্না মাং লোমদা চৎখৎপা হায়বসি কাশ্মিরগী মচৎনিমহাক্না হায়খি মদুদি চহি খরগী মমাংদা কাশ্মিরদা তেরোরিজম্না মী ৪০,০০০ হেন্না হাৎখ্রে, হায়রিবা কাশ্মির অসিনা ঙসিদি ৱিতস্তা মাহোতসবকী খুত্থাংদা অর্তশিং পুনশিন্নদুনা মাং লোমদা কাখৎলিশ্রী শাহনা তমপাক্কী নহাশিংদা হায়খি মদুদি মখোয়গী মখুত্তা নুংশিং অমসুং খুৎলাইশিংগী মহুত্তা লেপতোপ, লাইরিক অমসুং কোলোম ওইনা পাইগদবনি। মহাক্না হায়খি মদুদি কনাগুম্বা অমদা য়েংথিবা হায়বসি কাশ্মিরগী পুৱারিদদগী লৈরকপা নত্তে, কাস্মিরনা অরাকপা মীপুম খুদিংমকপু তরাম্না ওকখি। শান্নবা, চোংবা অমসুং তুরেলগী অচেনবা ঈচেলগুম্না, কাস্মিরগী কলচরনা মতম পুম্বদা মাং লোমদা চেনখি অমসুং তুং ওন্দুনা য়েংলকখিদ্রে

শ্রী শাহনা হায়খি মদুদি প্রধান মন্ত্রী, শ্রী নরেন্দ্র মোদীনা আর্তিকল ৩৭০ লৌথোকখ্রবা মতুংদা, জম্মু অমসুং কাশ্মিরদা শান্তি পুরকখ্রেচাউখৎ-থৌরাংগী আনৌবা মাইকৈ অমা শেমলকখ্রে, অৱাংবা থাক্কী মহৈ-মশিং তমফম ইনস্তিত্যুশনশিং শাগৎলক্লি, ইন্দস্ত্রীশিং শেমগৎলক্লি অমসুং পঞ্চায়তি রাজ থমখ্রেঅমসুং অথিংবা-অপনবা অমত্তা লৈতনা গ্রাসরুতকী থাক্তা মখল কয়া অমগী এদমিনিস্ত্রেতিব রিফোর্মশিং পুরকখ্রে অমসুং হৌজিক্তি কাশ্মিরনা মাংলোমদা মিৎয়েং থম্বা তাই। অসিগুম্বা ফিভম আসিদা, ৱিতস্তা মাহোতসবনা অসি য়াম্না মরু ওই। এক ভারত শ্রেস্থা ভারতকী মখাদা, শ্রী মোদীনা কাশি তেলুগু শঙ্গমম, তামিল সৌরাস্ত্র সঙ্গমম, কাশি তামিল অমসুং ৱিতস্তা মাহোতসবগুম্বা থৌরমশিং অসিগী খুত্থাংদা ঐখোয়না অমগা অমগা লোইননা মাংলোমদা চৎখৎনবগীদমক্তা লৈবাক অসিগী কলচর খুদিংমক্তা ভিজন অমা পীখ্রেমহাক্না হায়খি মদুদি মসিগী থৌওং অসিনা ঐখোয়বু কেনেক্ত তৌরগনি, হেন্না কনখৎহল্লগনি অমসুং ঐখোয়বু মালেম অসিগী খ্বাইদগী হেন্না পাম্নবা মফম অমদা অমুক হন্না থম্লগনি।

 

য়ুনিয়ন হোম মিনিস্তরনা হায়খি মদুদি কাস্মিরদগী আর্তিস্ত ১,৯০০ রোম অমসুং লৈবাক অসিগী তোঙান-তোঙানবা মফমদগী আর্তিস্ত ১৫০না কাশ্মিরদা ঙসিদগী হৌদুনা ৱিতস্তা মাহোতসবতা মখোয়গী আর্ত অদু উত্ধোক্লগনি অমসুং এক্সচেঞ্জ তৌরগনি। মহাক্না হায়খি মদুদি আর্ত, কলচর, অমসুং পুৱারি খক্তনা লৈবাক অসিবু অমত্তা ওইনা পুনশিনহনগনি অমসুং ৱিতস্তা মাহোতসব অসি ভারতপু অমত্তা ওইনা পুনশিনহন্নবা তোপ-তপ্পা থৌরম অমনিমসিগী কুম্মৈ অসি লৈবাক অসিগী তোঙান-তোঙানবা মফমশিংদগী মখল-মখা কয়াগী মথেল-লুকোইশিংবু লমদম অসিগী মীওইশিংদাফংহনগদবা তোপ-তোপ্পা থৌরম্নি অমসুং লৈবাক অসিগী তোঙান-তোঙানবা মফমশিংদগী আর্তিস্তশিংনশু কাশ্মিরগী মথেল-লুকোইশু চাবা ফংলগনি। শ্রী শাহনা হায়খি মদুদি লৈবাক অসিবু শম্নহন্নবগী থবক-থৌরমশিংদা ঐখোয়গী কলচর অমসুং আর্ত অদুবু শিন্নদ্রিবা ফাওবা, ঐখোয়না লৈবাক অসিগী কান্ননবগীদমক্তা লৈবাক অসিগী মপা লৈত্রেবা শক্তি অদুবু শিজিন্নবা ঙম্লোইমহাক্না হায়খি মদুদি ঐখোয়গী তোঙান-তোঙানবা কলচরশিং, লোলশিং, ফিজেত-চাকচাশিং লৈজরবশু, ঐখোয় পুম্নমক ভারতমচা ঙক্তনি অমসুং মসি ঐখোয়গী খ্বাইদগী চাউবা পাঙ্গলনি। মহাক্না হায়খি মদুদি মালেম অসিদা ভারত্তা লৈরিবা দাইভর্সিতীগুম্না অতোপ্পা লৈবাক অমত্তদা লৈতে।

 

শ্রী অমিত শাহনা হায়খি মদুদি প্রধান মন্ত্রী, শ্রী নরেন্দ্র মোদীনা এক ভারত শ্রেস্থ ভারতকা লোইন-লোইননা আজাদি কা অমৃত মাহোতসব সেলেব্রেত তৌনবা লেপখি অমসুং মীপুম খুদিংমক্কী মমাংদা পান্দম অহুম থমখি। অহানবদা, লৈবাক অসিগী অঙাং খুদিংমক্না ঐখোয়গী নিংতম লান অমসুং নিংতম লান্মীশিংগী মতাংদা খঙগদবনি অমসুং লৈবাক নিংবগী কলচর অসিবু মখোয়দা ফাওহনগদবনি। অনিশুবদা, ঐখোয়না মালেম শিনবা থুংনা চহি ৭৫ অসিদা লৈবাক অসিনা পুরকখিবা মাইপাকপশিং অদুবু হেন্না মিংচৎ পুরক্কদবনি। অহুমশুবদা, চহি ৭৫ অসিদা ফংখিবা মাইপাকপশিং অদুদা য়ুমফম ওইরগা, ২০৪৭, নিংতম্বগী চহি চামাশুবা ফাওবদা হিরম খুদিংমক্তা ভারতপু কদাইদা য়ৌহনগদগে হায়বা অসিগী মতাংদা ফিরেপ অমা লৌগদবনি। শ্রী শাহনা হায়খি মদুদি ঐখোয়না ঙসি লৌবা ফিরেপ অদুনা চহি ১০০ মপুং ফারকপা মতমদা লৈবাক্কী মাইপাকপা অমা ওইরগনি অমসুং ঐখোয়গী ভারতনা নিংতম লানগী লুচিংবশিংনা মঙখিবা মঙলান অদুগী ভারত অদু ওইরগনি। মহাক্না হায়খি মদুদি করিগুম্বা মীপুম খুদিংমক্না আজাদি কা অমৃত মাহোতসবকী চহিদা ফিরেপ অমমম লৌরবদি, মী করোর ১৩০গী খোংথাং করোর ১৩০না লৈবাক অসিবু মাংলোমদা পুখৎলগনি। মহাক্না হায়খি মদুদি ৱিতস্তা মাহোতসব অসি কাশ্মির লাক্কদবা তুংলমচৎকী কুম্মৈনি, ঐখোয়গী মমিং লৈরবা পুৱারিগা ঐখোয়গী ময়েক শেংলবা তুংলমচৎ অদুগা শম্নহল্লিবা মরি অদুনি, অমসুং কাশ্মির অমসুং লৈবাক অসিনা মাংলোমদা কাখৎপগা লোইননা মতিক-মগুন লৈবা ভারত অমা শেম্লগনি, মসিনা কুম্মৈ অসিগী পান্দম্নি।

****



(Release ID: 1935103) Visitor Counter : 107


Read this release in: English , Urdu , Hindi , Punjabi