হকশেল অমসুং য়াইফ-য়ুম্বাল মন্ত্রালয়
ভারতকী রাস্ত্রপতিনা রাস্ত্রপতি ভাবন্দা মনা ফংলবা মীওই ৩০দা নেসনেল ফ্লোরেন্স নাইতিঙ্গল এৱার্দ ২০২২ অমসুং ২০২৩ য়েন্থোকখ্রে
পি.এম তি.বি-মুক্তা খুমাঙ চাউশিনবগী মতাংদা য়ুনিয়ন হেল্থ মিনিস্তর দোক্তর মনসুখ মন্দাবিয়ানা রাস্ত্রপতিদা পাউদমখি অমসুং লৈবাক শীনবা থুংনা পায়খৎপা খোঙজংদা মহাক্না লুচিংবগীদমক থাগৎপা ফোঙদোকখি
Posted On:
22 JUN 2023 5:19PM by PIB Imphal
ঙসি রাস্ত্রপতি ভাবন্দা ভারতকী রাস্ত্রপতি শ্রীমতি দ্রৌপতি মুর্মুনা মনা ফংলবা মীওই ৩০দা নেসনেল ফ্লোরেন্স নাইতিঙ্গল এৱার্দ ২০২২ অমসুং ২০২৩ য়েন্থোকখ্রে। মীয়ামগীদমক মখোয়গী কৎথোকপা, মথৌ মশক খঙবা অমসুং থবক অদু ইকায়খুম্নবা উৎপা ওইনা নর্সকী শীনফমদা লৈবা মীওই ৩০ দা লেমজনিঙাই ওইরবা মনাশিং পীখি।
থৌরম অদুদা হেল্থ অমসুং ফেমিলি ৱেলিফিয়ারগী য়ুনিয়ন মিনিস্তর দোক্তর মনসুখ মন্দাবিয়া অমসুং হেল্থ অমসুং ফেমিলি ৱেলিফিয়ারগী রাজ্য মন্ত্রী প্রোফেসার এস.পি বাঘেল অমসুং অতোপ্পা শক্নাইরবশিং শরুক য়াখি।
পি.এম তি.বি-মুক্তা খুমাঙ চাউশিনবগী মতাংদা য়ুনিয়ন হেল্থ মিনিস্তর দোক্তর মনসুখ মন্দাবিয়ানা রাস্ত্রপতিদা পাউদমখি অমসুং লৈবাক শীনবা থুংনা পায়খৎপা খোঙজংদা মহাক্না লুচিংবগীদমক থাগৎপা ফোঙদোকখি। জুন ১৮, ২০২৩গী মন কি বাত্তা প্রধান মন্ত্রী শ্রী নরেন্দ্র মোদীনা অভিয়ান অমসুং নি-ক্ষয় মিত্রগী থবকশিংগী মতাংদা পাউদমখি। প্রধান মন্ত্রীনা হায়খি, ২০২৫ দা তি.বি মুৎথৎনবা ভারতনা পান্দম থম্লি। তি.বিগী মায়োক্তা চঙশিল্লিবা খোঙজং অসিদা নি-ক্ষয় মিত্রশিংনা থৌদাং লৌরে। খুঙ্গংগী লমশিংদা মীওই লিশিং কয়ানা তি.বি অনাবশিং মতেং পাংলে। মসি তশেংনা ভারতকী থৌনানি। ২০২৫ দা তি.বি মুৎথৎনবা ভারতনা পান্দম অসি ফংনবা নহারোলশিংনা মতেং পাংলি।
দোক্তর মনসুখ মন্দাবিয়ানা হায়খি সিক্কল সেল এনেমিয়া মুৎথৎনবা লৈবাক শীনবা থুংনা ভারত সরকারনা অখন্নবা কেম্পেন অমা হৌরগনি। মিসন অসিগী মতাংদা য়ুনিয়ন মিনিস্তরনা রাস্ত্রপতিদা পাউদমখি অমসুং মসি মাইপাক্নবা মহাক্কী পাউতাক নিখি। কেন্দ্রগী বজেৎ ২০২৩-২৪দা ২০৪৭ ফাওবগী মনুংদা সিক্কল সেল এনেমিয়া মুৎথৎনবা অখন্নবা মিসন লাউথোকখ্রে। মিসন ন অসিনা চহি ২-৪০ ফাওবগী মনুংদা লায়না অসিনা শোকহল্লবা ত্রাইবেলগী মফমশিংদা লৈবা মীওই করোর ৭ রোম কাউন্সেল্লিং তৌগনি অমসুং লায়না অসি লৈবরা হায়না য়েংগনি অমসুং ৱাখল তাহনগনি।
খুন্নাই অসিদা নর্সকী শীনফমদা লৈরিবশিং অমসুং নর্সশিংনা লৌরিবা থবকশিং ইকায়খুম্নবা উৎনবা ১৯৭৩ দা ভারত সরকারগী হেল্থ অমসুং ফেমিলি ৱেলফিয়ার মিনিস্ত্রিনা নেসনেল ফ্লোরেন্স নাইতিঙ্গল এৱার্দ লিংখৎখি। অনৌবা যুগকী নর্সিংগী শীনফম অসি হৌদোক্লম্বা ফ্লোরেন্স নাইতিঙ্গল ইকায়খুম্নবা উৎপা ওইনা হায়রিবা মনাশিং অসি পীবনি।
নেসনেল ফ্লোরেন্স নাইতিঙ্গল এৱার্দ য়েন্থোকপগী থৌরম মফম অসিদা য়েংবা য়াগনি:
****
(Release ID: 1934722)
Visitor Counter : 93