ফেস ওথেন্তিকেসন ফীচর য়াওবা পি.এম.-কিসান মোবাইল এপ অসি লৌমীশিংদা শেলগী তেংবাং পীনবা কেন্দ্র সরকারগী অচৌবা অমসুং মমিং লৈরবা স্কিম “প্রধান মন্ত্রী কিসান সম্মান নিধি”গী মখাদা লৌউ-শিংউ অমসুং লৌমীশিংগী য়াইফ-থৌরাংগী কেন্দ্র মন্ত্রী, শ্রী নরেন্দ্র সিংহ তোমরনা লোঞ্চ তৌখি। এপ অসিদা য়াওরিবা ফেস ওথেন্তিকেসন ফীচর শীজিন্নরিবা মোদর্ন তেক্নোলোজীগী খ্বাইদগী ফবা খুদম অসি লৌমীনা ময়ুমদা ফমদুনা ও.তি.পি. নত্ত্রগা ফিঙ্গরপ্রিন্ত য়াওদনা মমাই স্কেন তৌদুনা লাইনা অরাপ্পা মফমদগী ই-কে.ৱাই.সি. মপুং ফানা তৌবা ঙম্লগনি অমসুং লৌমী ১০০দা মখোয়গী ময়ুমশিংদা ই-কে.ৱাই.সি. তৌবদা মতেং পাংখি। ই-কে.ৱাই.সি. মেন্দতরী ওইহনবা মথৌ তাই খঙলদুনা ভারত সরকারনা রাজ্য সরকারশিংগী ওফিসরশিংদা ই-কে.ৱাই.সি. তৌনবা খঙহনখ্রে, অসুম তৌবনা ওফিসর অমমমনা লৌমী ৫০০গী ই-কে.ৱাই.সি.গী প্রোসেস তৌবা ঙম্লগনি।

নই দিল্লীগী কৃশি ভবন্দা পাঙথোকপা থৌরম অসিদা ভর্চুএল ওইনা কন্নেক্ত তৌদুনা লৈবাক শিনবা থুংবদা লৈরিবা কৃশি বিজ্ঞান কেন্দ্রশিংদা লৈরিবা লৌমী লিশিং কয়া লোয়ননা কেন্দ্র অমদি রাজ্য সরকারশিংগী ওফিসরশিং অমসুং তোঙান-তোঙানবা সরকারগী ওর্গনাইজেসনশিংগী মীহুৎশিংনা শরুক য়াখি। থৌরম অসিদা কেন্দ্র মন্ত্রী শ্রী তোমরনা হায়খি প্রধান মন্ত্রী কিসান সম্মান নিধি অসি য়াম্না কমপ্রিহেন্সিব ওইবা অমসুং ভারত সরকারগী অচৌবা স্কিম অমনি, মসি ইমপ্লিমেন্ত তৌবদা রাজ্য সরকারশিংনা মখোয়গী থৌদাং চেকশিন্না পাঙথোকখি, মসিনা মরম ওইদুনা কে.ৱাই.সি.গী মতুংদা লৌমী করোর ৮.৫দা স্কিম অসিগী ইনস্তোলমেন্ত পীবা ঙমহনখি। প্লেৎফোর্ম অসিনা হেন্না রিফাইন ওইবনা মসি পি.এম.-কিসানগীদমক কান্নগনি অমসুং লৌমীশিংদা পীগদবা কান্নবা অমা হেক্তা ওইরবসু মপুং ফাবা দেতা অসি কেন্দ্র অমসুং রাজ্য সরকারশিংদা ফংহনগনি মসিনা দেতা ভেরিফিকেসন্দা সমস্যা অমত্তা থোকহল্লোই।

শ্রী তোমরনা হায়খি পি.এম.-কিসান অসি মিদলমেন অমত্তা য়াওদনা লৌমীশিংদা কেন্দ্র সরকারনা কান্নবা পীরিবা ইন্নোবেতিব স্কিম অমনি। ঙসি তেক্নোলোজীগী মতেংগা লোয়ননা মশিং য়াম্লবা লৌমীশিংদা কান্নবা পীবা অসি ওইথোকখি। অপুনবা স্কিম অসি ইমপ্লিমেন্ত তৌবগী মতাংদা কনাগুম্বা অমত্তনা ৱাহং হংবা ঙমদবা অসি য়াম্না মরু ওইবা মাইপাকপা অমনি। জি.ও.আই.না তেক্নোলোজী শীজিন্নদুনা দিবেলপ তৌখিবা এপ অসিনা থবক অসি হেন্না লাইথোকহল্লি। ভারত সরকারনা রাজ্যশীংদা মথৌ তাবা ফেসিলিতী পুম্নমক ফংহল্লি হৌজিক করিগুম্বা রাজ্যশিংনা থবক হেন্না থুনা তৌরবদি বেনিফিসরী পুম্নমক ঐখোয়না য়ৌশিনবা ঙম্লগনি অমসুং থম্মিবা পান্দম ফংবা ঙমগনি।

কেন্দ্র মন্ত্রী, শ্রী তোমরনা হায়খি মদুদি প্রধান মন্ত্রী শ্রী নরেন্দ্র মোদীনা স্কিম অসিগীদমক করিগুম্বা ফন্দশিং মতিক চানা লৈরবদি ঐখোয়না সেচুরেসন ফংবা ঙমগনি হায়না লেপ্পা লৈতনা ফোঙদোক্তুনা লাকখি। উত্তর প্রদেশ য়াওনা অতোপ্পা রাজ্যশিংদা মাইকৈ অসিদা থবক পাইখৎলি অমসুং মসি মপুং ফানা লোইশিনবদা মশিং য়াম্লবা লৌমীশিংনা স্কিম অসিগী ১৪শুবা ইনস্তোলমেন্ত ফংলগনি। শ্রী তোমরনা রাজ্য সরকারশিংদা হীরম অসিদা থবক পাইখৎনবা হায়খি।

থৌরম অসিদা লৌউ-শিংউ অমসুং লৌমীশিংগী য়াইফ-থৌরাংগী কেন্দ্র রাজ্য মন্ত্রীনা হায়খি এগ্রিকলচর সেক্তর অসি তেক্নোলোজীদগী কান্নবা ফংলি অমসুং এপ অসিগী অনৌবা ফেসিলিতীনা লৌমীশিংদা চাউনা কান্নবা পীরগনি। কেন্দ্রগী লৌউ-শিংউগী সেক্রেতরী শ্রী মনোজ অহুজানসু মহাক্কী ৱাখল্লোনশিং ফোঙদোকখি। প্রোগ্রাম অসি দিপার্তমেনতেল এদভাইজর শ্রী মনোজ কুমার গুপ্তানা কোওর্দিনেৎ তৌখি। থৌরম অসিদা কেন্দ্র সরকারশিংগী ওফিসিএলশিংনা স্কিম অমসুং এপ অসিগী কান্নবশিংগা মরী লৈনবা মখোয়গী এক্সপরিয়েন্সশিং শিয়র তৌখি। খোঙথাংশিং অসিনা নহারোলশিংগী খুত্থাংদা এপ অসিগা লৌমী কয়া কয়াগা কন্নেক্ত তৌবা ঙমহল্লগনি অমসুং পীরিবা ক্রাইতেরিয়াগী মখাদা লৌউ-শিংউ অমসুং লৌমীশিংগী য়াইফ-থৌরাং মন্ত্রালয়না মসিদা মতেং পাংখিবা নহারোলশিংদা সর্তিফিকেৎশিং পীগনি। 

পি.এম. কিসান অসি মালেমগী খ্বাইদগী চাউবা দি.বি.তি. স্কিমশিংগী মনুংদা অমনি, মসিগী মখাদা চহি অমদা ইনস্তোলমেন্ত অহুমদা আধার লিঙ্ক বেঙ্ক একাইন্তশিংগী খুত্থাংদা লৌমীশিংদা হকথেংননা লুপা ৬,০০০ ত্রান্সফর তৌরি। লৌমী করোর ১১ হেনবগী একাউন্তশিংদা লুপা করোর লাখ ২.৪২ ত্রান্সফর তৌখি মসিগী মনুংদা করোর ৩ হেনবদি নুপীশিংনা ওইরি। পি.এম. কিসান য়োজনা অসি কোবিদকী মতমদা তৌখিবা লোকদাউন মনুংদা লৌমীশিংগীদমক শক্তি লৈরবা মপাং অমা ওইখি। স্কিম অসিনা লৌমীশিংদা দাইরেক্ত ফাইনান্সিএল এসিস্তেন্স পীদুনা মথৌ তাবা ফেসিলিতীশিং পীবা ঙমখি অমসুং অৱাবা মতমশিংদা মখোয়দা থাজবা পোকহনখি। হৌজিক পি.এম. কিসান পোর্তেলদা আধার ভেরিফিকেসন অমসুং বেঙ্ক একাউন্তগী অকুপ্পা ৱারোলশিংগী অপদেৎ তৌবগা মরী লৈনবা খুদোংচাদবশিং অসি দিজিতেল পব্লিক গুদশিং নীংথিনা শীজিন্নদুনা কোকহনবা ঙমখি।

অহানবা ওইনা আধার ইনেবল পেমেন্ত খক্তগী খুত্থাংদা মখোয়গী আধার লিঙ্ক তৌবা বেঙ্ক একাউন্তশিংদা পি.এম. কিসানগী ১৩শুবা ইনস্তোলমেন্ত অসি লৌমী করোর ৮.১  হেনবদা মাইপাক্না পীবা উবা ফংখি, মসিমক রেকোর্দ অমনি। অনৌবা এপ অসি শীজিন্নবা য়াম্না লাই অমসুং গুগল প্লে স্তোরগী লাইনা দাউনলোদ তৌবা য়ারে। এপ অসিনা স্কিম অমসুং পি.এম. কিসান একাউন্তশিংগা মরী লৈনবা য়াম্না মরু ওইবা ই-পাউশিং লৌমীশিংদা ফংহল্লি। মসিদা লৌমীশিংনা লেন্দসীদিংগী স্তেতস, বেঙ্ক একাউন্তশিংগা আধার লিঙ্ক তৌবা অমসুং নো য়ুজর স্তেতস মোদ্যুল শীজিন্নদুনা ই-কে.ৱাই.সি.গী মরমদা খঙবা য়াগনি। দিপার্তমেন্ত অসিনা ইন্দিয়া পোস্ত পেমেন্ত বেঙ্ক (আই.পি.পি.বি.)না বেনিফিসরীশিংদা মখোয়গী য়ুমগী থোংজিলশিংদা আধার লিঙ্ক তৌবা বেঙ্ক একাউন্তশিং হাংনবা থৌদাং পীখি অমসুং সি.এস.সি.শিংদা রাজ্য/য়ু.তি.শিংগী মতেংগা লোয়ননা ভিলেজ-লেবেলদা ই-কে.ৱাই.সি. কেম্পশিং পাঙথোক্নবা খঙহনখি।

*****