ঙা য়োকপগা মরী লৈনবা হিরম অসিনা ভারতকী শেন্মিৎলোন্দা মরুওইবা থৌদাং অমা লৌরি। মসিনা জাতিগী শেন্থোক, মপান্দা থাদোকপা, চীঞ্জাক অমসুং মচি ওইবা চীঞ্জাক ফংহনবদা অমসুং থবক ফংহনবদা মতেং পাংলি। শীনফম অসিনা ঙামী করোর ২.৮ হেনবগী হিংনবা লম্বী পীরি। মসিনা লৈবাক অসিগী শেন-থুমগী ফিবম শোক্লবা মশিং য়াম্লবা মীয়ামগী মরুওইবা শেন্থোক লম্বী অমসু ওইরি।

ঙা য়োকপগী হিরম অসিদা অচৌবা অওনবশিং পুরক্নবা ভারত সরকারনা ২০১৪দগী  থবক কয়া পায়খৎতুনা লাক্লি। ঙা য়োকপা, তেক্নোলোজি শীজিন্নবা, মতমগা চুনবা অনৌবা ইনফ্রাস্ত্রকচর শীজিন্নবা, লৈবাক মনুংদা ঙা শীজিন্নবা হেনগৎহনবা, মপান্দা থাদোকপা হেনগৎহনবা, ওন্ত্রেপ্রেনিউয়রশিপ চাউখৎহনবা অমসুং থবক পীবগী হিরমশিংদা মীৎয়েং চঙদুনা লাক্লি। কেন্দ্র সরকারগী লুপা করোর ৯৪০৭ গী চাকথুং পুথোক্তুনা অপুনবা ওইনা লুপা করোর ২০,০৫০ গী শেনফম অমা থাদদুনা প্রধান মন্ত্রী মতস্য সম্পদা য়োজনা (২০২০-২১ দগী ২০২৪-২৫) হৌদোকখ্রে।

হৌজিক ফাওবদা, প্রধান মন্ত্রী মতস্য সম্পদা য়োজনাগী মখাদা ২০২০-২১দগী ২০২২-২৩ ফাওবদা লুপা করোর ১৪,৬৫৪.৬৭ গী প্রোজেকশিং অয়াবা পীখ্রে। চাউরাক্না থাদখিবা শেনফমগী চাদা ৭৩ রোম শীজিন্নবা ঙম্লে। মসিগা লোয়ন্না, ২০২০-২১ দগী ২০২২-২৩ ফাওবগী ওইনা লুপা করোর ৯,৪০৭গী কেন্দ্রগী চাকথুংগী মনুংগী , লুপা করোর ৬,১৪০.৮২গী সিয়ার অয়াবা পীখ্রে।

প্রধান মন্ত্রী মতস্য সম্পদা য়োজনা থবক পায়খৎপা চহি ৪ মপুংফারকপগা লোয়ন্না, থবকশিং য়াংশিন্নবা দিপার্তমেন্তনা থৌরাং কয়া তৌরি। মসিগীদমক, ভারত সরকারগী দি.ও.এফ, ও.এস.দি শ্রী অভিলাক্ষনা চিয়ারমেন ওইদুনা জুন ২১দগী জুন ২৪,২০২৩ ফাওবা রাজ্যশিং/য়ু.তিশিংগী হন্না য়েংশিনবা মীফমশিং পাংথোক্নবা থৌরাং তৌরে। হন্না য়েংশিনবা মীফম অদুদা স্তেৎ এন্নুয়েল এক্সন প্লান ২০২৩-২৪,  সেন্ত্রেল ফন্দশিং শীজিন্নবা, স্তেৎ সিয়ার থাদোকপা,  এস.এন.এগা মরী লৈনবা ৱাফমশিং খন্ননবা পান্দম থমখি অমসুং জুলাই ১, ২০২৩দগী মার্চ ৩১, ২০২৪ ফাওবগী ওইনা তোঙান-তোঙানবা প্রোজেকশিং পায়খৎনবা লাল্লোংশিং খন্নগনি।

অৱাং-নোংপোক লমদমগী অহানবা হন্না য়েংশিনবা মীফম জুন ২১দা পাংথোকখ্রে। মীফম অদুদা অৱাং-নোংপোক রাজ্যশিংগী মরী লৈনবা ওফিসিএলশিং অমসুং ভারত সরকারগী সেনিয়র ওফিসিএলশিং শরুক য়াখি। অৱাং-নোংপোক রাজ্যশিংগী ফিসরি দিপার্তমেন্তশিং নিতি অয়োগ অমসুং দোনর মিনিস্ত্রিদগী অখন্নবা খুদোংচাবা ফংলি। কেন্দ্রগী চাকথুং লুপা করোর ৫২৫.২৮ (শেনবা চহি ২০২-২১ দগী ২০২২-২৩ ফাওবা) গা লোয়ন্না, প্রধান মন্ত্রী মতস্য সম্পদা য়োজনাগী মখাদা লুপা করোর ৯৫৮.২৬ গী প্রোজেকশিং অয়াবা পীখ্রে। য়োজনা অসিদা থাদনবা পান্দম থমখিবা শেনফমগী চাদা ৭২ অৱাং-নোংপোক্না ফংখি অমসুং কেন্দ্রগী চাকথুংগী চাদা ৬৮.৩৯ (লুপা করোর ৭৬৮) ফংখি। ২০১৪গী মমাঙদা অৱাং-নোংপোক্কী ওইনা তোখাইবা শেনফম কাইথোক্লমদে। অয়াবা পীখ্রবা থবকশিংগী মনুংদা অনৌবা পুখ্রি তৌবা,  অপুনবা ওইনা ঙা য়োকপগী থবকশিং, লৈতেং ওইনা শীজিন্নবা য়াবা ঙা পুথোকপা, বাইওফ্লোগ, ঙা মচা পুথোকপা, ব্রুদ বেঙ্কশিং, ঙা মচিঞ্জাক পুথোক্না মিলশিং লিংখৎপা য়াওরি।

য়োজনা অসিগী মখাদা পায়খৎলিবা থবকশিংগী ফিবম অমসুং শেন-থুম শীজিন্নখিবগী মতাংদা মীফম অদুদা খন্নখি। অয়াবা পীখ্রবা প্রোজেকশিং/থবকশিং অথুবা মতমদা থবক ওইনা পাংথোক্নবা অমসুং মথংগী ফন্দ থাদোক্নবা য়ুতিলাইজেসন সর্তিফিগেদশিং পীরক্নবা খঙহনখি। এস.এন.এগী নিয়মশিং থবক ওইনা পাংথোক্নবা, স্তেৎ ত্রেজরিদা লৈরিবা শেনফমশিং এস.এন.এদা পীরক্নবা অমসুং মন্থলি প্রোগ্রেস রিপোর্ত, প্রায়াস অমসুং দি.বি.তিগী রিপোর্তশিং পীরক্নবা খন্নখি।

প্রোজেক এপ্রাইজেল কম্মিতি (পি এ সি)না স্তেৎ এন্নুয়েল এক্সন প্লানশিং হন্না য়েংশিনখ্রে হায়না রাজ্যশিংনা পাউদমখি অমসুং মখা তানা থবক ওইনা পাংথোক্নবা নত্ত্রগা হন্না য়েংশিন্নবা প্রোজেকশিং থাদখ্রে হায়রি। শেনবা চহি ২০-২১দা অয়াবা পীখ্রবা প্রোজেকশিংগী কেন্দ্রগী চাকথুং চাদা ১০০ পীরকপদা রাজ্যশিংনা থাগৎপা ফোঙদোকখি। মখোয়না থবক ফজনা পাংথোকপা অমসুং এম.আই.এসতা বেনিফিসরিশিংগী মরোলশিং মেনশিনবগীদমক  অসাম অমসুং মনিপুর রাজ্যশিং থাগৎপা ফোঙদোকখি।

মখোয়গী দরকার ওইবা শেনফমশিং ফংনবা ঙামীশিংনা বেঙ্কশিংদগী শেন্থং ফংনবা, বেনিফিসরিশিংগী কে.সি.সি এপ্লিকেসনশিং মেনশিন্নবা থবক পায়খৎনবা রাজ্যশিংদা তকশিনখি।

থবক  ওইনা পায়খৎলিবা প্রোজেকশিংগী ফিবম ফগৎনবা অমসুং মতমগী মতুংইন্না ফিবম ফগৎনবা হোৎনবদা থেংনরিবা খুদোংচাদবশিংগী মতাংদা মখোয়গী ওইবা ৱাফমশিং রাজ্যশিংগী ওফিসিএলশিংনা পুখৎলকখি।

****