উপ-রাস্ত্রপতিগী লোইশঙ
য়োগ ঐখোয়গী নাৎকী থাদোক্নবা য়াদ্রবা শরুক্নি; মসি মীওইবা খুন্নাই য়াইফনবনি
উপ রাস্ত্রপতিনা জবলপুরদা মালেমগী য়োগ নুমিৎকী থৌরমশিং শরুক য়াখ্রে
ভারতনা হোৎনবদগী, য়োগ মালেমগী কুহ্মৈ অমা ওইরক্লে- উপ রাস্ত্রপতি
উপ রাস্ত্রপতিনা হায়খি, য়োগ অসি শুপ্নগী নোংমা খক্তগী নত্তে, মসি ঐখোয়গী পুন্সিগী থাদোক্নবা য়াদ্রবা শরুক অমা ওইহনগদবনি
Posted On:
21 JUN 2023 5:31PM by PIB Imphal
ভারতকী উপ রাস্ত্রপতি শ্রী জগদিপ ধানখারনা হায়খি য়োগনা হকচাং, পুক্নিং অমসুং ৱাখল অমতা ওইহল্লি অমসুং মসিগী মমাঙঙৈগী বিজ্ঞান অসিনা লনাই মীওইশিং য়াইফনবা মীৎয়েং চঙবা খক নত্তনা, মীওই খুন্নাই য়াইফনবা মীৎয়েং থম্লি। য়োগ অসি “শেল তিংদবা হেল্থ ইন্সুরেন্স” নি হায়না প্রধান মন্ত্রী শ্রী নরেন্দ্র মোদীনা ফোঙদোকখিবা ৱাফম অদু মহাক্না নিংশিংখি।
মধ্য প্রদেসকী জবলপুরদা পাংথোকপা ৯শুবা মালেমগী য়োগ নুমিৎ থৌরমদা ৱা ঙাংবদা উপ রাস্ত্রপতিনা হায়খি য়োগ অসি শুপ্নগী নোংমা খক্তগী নত্তে, মসি ঐখোয়গী পুন্সিগী থাদোক্নবা য়াদ্রবা শরুক অমা ওইহনগদবনি। চহি অসিগী মালেমগী য়োগ নুমিৎকী থিম অসি ‘বসুধাইব কুতুম্বকমগীদমক য়োগ’ হায়বনি। ভারতনা জি-২০গী প্রসিদেন্ত ওইবগী থিম ‘ মালেম অমা, ইমুং অমা, তুংলমচৎ অমা’ হায়বা অসিগা চুনরি। পান্দম অনিমক অসিদা মালেমগী লৈবাকশিং অমতা ওইনা পুন্নবা অমসুং মালেমগী শান্তি পুরক্নবা ভারতকী পান্দম অদু মমি তারে।
জুন ২১ অসি মালেমগী য়োগ নুমিৎ হায়না পাংথোক্নবা য়ুনাইতেদ নেসন্স জেনেরেল এশেমব্লিগী ৬৯শুবা মীফমদা প্রধান মন্ত্রী শ্রী নরেন্দ্র মোদীনা লৌখিবা থৌদাং অদু থাগৎলদুনা উপ রাস্ত্রপতিনা হায়খি পুখৎলকখিবা ৱাফম অদু লৈবাক ১৯৩না মত অমতা ওইনা য়ানখি। ভারতনা হোৎনবদগী, য়োগ মালেমগী কুহ্মৈ অমা ওইরে।
য়োগ অসি ভারতী নাৎ অমসুং সভেত্যগী থাদোক্নবা য়াদ্রবা শরুক অমনি হায়না ফোঙদোক্লদুনা উপ রাস্ত্রপতিনা হায়খি লৈবাক অসিগী চাউখৎপদা য়োগনা মরুওইবা থৌদাং লৌরি। মালেমগী য়োগ নুমিৎ শরুক য়ানবা মালেমগী লৈবাকশিংনা হরাওনা অমসুং খিং খিং লাউনা হোৎনরিবা অসি থাগৎনিঙাইনি।
থৌরম অদুদা মধ্য প্রদেসকী রাজ্যপাল শ্রী মঙ্গুভাই পতেল, মধ্য প্রদেসকী চীফ মিনিস্তর শ্রী সিবরাজ সিংহ চৌহান, অয়ুসকী য়ুনিয় মিনিস্তর শ্রী সর্বনন্দা সোনোৱাল, পদ্ম ভুসন ফংলবা অমসুং শ্রী রাম চন্দ্র মিসনগী প্রসিদেন্ত দাজি কামলেস পতেল, এম.পিশিং অমসুং অতোপ্পা শক্নাইরবশিং শরুক য়াখি।
****
(Release ID: 1934470)