য়ুথ এফিয়ার্স অমসুং স্পোর্তস মন্ত্রালয়গী য়ুথ এফিয়ার্স বিভাগনা অন্তররাস্ত্রীয়া য়োগ নুমিৎ, ২০২৩ (আই.দি.ৱাই.-২০২৩)গী তাঞ্জা লাকপদা ঙসি ২০২৩গী জুন ২০দা নই দিল্লীগী মেজর ধ্যান চান্দ নেস্নেল স্তেদিয়মদা “য়োগ মহোত্সব” পাংথোকখ্রে। থৌরমদুদা য়ুথ এফিয়ার্সকী সেক্রেতরী শ্রীমতী মীতা রজিবলোচন, জোইন্ত সেক্রেতরী শ্রী মনোজ সেথি অমসুং দাইরেক্তর পঙ্কজ কুমার সিংহনা শরুক য়াখি।

মসিগী কমন য়োগ প্রোতোকোল অসিদা য়ুথ এফিয়ার্স অমসুং স্পোর্তস মন্ত্রালয়, দাইরেক্তোরেত ওফ নেস্নেল সর্বিস স্কিম (এন.এস.এস.),নেস্নেল সর্বিস স্কিম (এন.এস.এস.), নেহরু য়ুবা কেন্দ্র সঙ্গথন (এন.ৱাই.কে.এস.), স্পোর্তস ওথোরিতী ওফ ইন্দিয়া (এস.এ.আই.), নেস্নেল এন্তি দোপিং এজেন্সী (এন.এ.দি.এ.), নেস্নেল দোপ তেস্ত লেবোরেতরী (এন.দি.তি.এল.)গী ওফিসরশিং/ওফিসিয়েলশিংনসু  শরুক য়াখি। মসিগী মথক্তা এন.এস.এস.গী ভোলুন্তীয়র ১০০ হেনবনসু য়োগ মহোৎসব ২০২৩দা কমন য়োগ প্রোতোকোলদা শরুক য়াখি।

য়ুথ এফিয়ার্সকী সেক্রেতরী শ্রীমতী মীতা রজিবলোচননা সভাদা ৱা ঙাংলদুনা মেন্তেল অমসুং ফিজিকেল হেল্থ ফগৎহনবদা য়োগগী মরুওইবা অদু ফোংদোকখি। থৌরম অসিদা প্রজাপিতা ব্রহ্ম কুমারী ইশ্বরিয়া বিশ্ব বিদ্যালয়না পাংথোকপা ‘বেনেফিৎস এন্দ তেক্নিক ওফ রাজয়োগ এন্দ মেদিতেসন’ অমসুং মোরাজী দেসাই নেস্নেল ইন্সতিত্যুৎ ওফ য়োগগী য়োগ ইন্সত্রকতরশিংনা পাংথোকপা য়োগ দেমোন্ত্রেসনসু য়াওখি।

**********