ত্রাইবেল খুৎহৈবশিং য়োকখৎনবা পান্দমদা ত্রাইবেল কোওপরেতিপ মার্কেত্তিং দিবলপমেন্ত ফেদেরেসন ওফ ইন্দিয়া (ত্রাইফেদ)না অয়ুস মিনিস্ত্রিগা খুৎশম্নদুনা য়োগ শান্নবা ফক ৩৪,০০০ পীগদৌরি।

মালেমগী য়োগ নুমিৎ থৌরমদা চান্নবা পায়খৎলিবা থবক অসিদা ত্রাইবেলশিং চাউখৎনবা অমসুং ভারতকী নাৎকী ফজবশিং উৎনবা সরকারনা পায়খৎলিবা থবকশিং উবা ফংলে। থবক অসিনা ত্রাইবেলশিংগী শেন-থুমগী ফিবম ফগৎহনবা খক নত্তনা মখোয়গী অখন্নবা কলাগী চৎনবীশিং য়োকখৎপা অমসুং ঙাক-শেনবা ঙম্লগনি।

লৈবাক্কী তোঙান-তোঙানবা মফমশিংদগী ত্রাইবেল খুৎহৈবশিংদগী অখন্ননা লৈখিবা য়োগ ফক ৩৪,০০০ অসিদা মখোয় মখোয়গী ফুরুপশিংগী দিজাইনশিং অমসুং মোতিফশিং য়াওরি।  ভারতকী ত্রাইবশিংগী মখল কয়াগী নাৎশিং, মখোয়গী ৱারিশিং, ফুঙ্গা ৱারি অমসুং কলাগী মচাকশিং ফক অমমমদা মমি তারি।

ত্রাইফেদনা ত্রাইবেলশিংদগী লৈরিবা ফকশিং অসি অয়ুস মিনিস্ত্রিনা মালেমগী য়োগ নুমিৎকী তোঙান-তোঙানবা থৌরমশিং, ৱার্কশোপশিং অমসুং ত্রেনিংশিংদা শীজিন্নগনি। ফকশিং অসিনা য়োগ পামজবশিং অমসুং ত্রাইবেল খুৎহৈবশিংগী নাৎকী ফজবশিংগী মরক্তা অচেৎপা মরী অমা লৈহল্লনি। থৌরম শরুক য়াখিবশিংনা ভারতকী তোঙান-তোঙানবা ত্রাইবশিং কলাগী হৈথোই-শিংথোইবা অমসুং কলচরগী ফজবশিং শিংথাবা ঙম্লগনি।

মালেমগী য়োগ নুমিৎতা ত্রাইফেদ অমসুং অয়ুস মিনিস্ত্রিনা পুন্না ত্রাইবেল ফুরুপশিংগী কলাগী হৈথোই-শিংথোইবা হরাওবা ফোঙদোক্লি অমসুং মখোয়গী শেন-থুম অমসুং খুন্নাইগী ফিবম ফগৎনবা হোৎনরি। ভারতকী কলচরগী পুক্কৈ ইনাকখুলহন্নবা ত্রাইবেল খুৎহৈবশিংগী মমল নাইদ্রবা থবকশিং য়োকখৎপা অমসুং মখল কয়াগী নাৎকী শক্তমশিং য়োকখৎনবা মখোয়না অপুনবা ওইনা থবক তৌমিন্নরি।

মসিগী অপুনবা থবক অসিগী শরুক অমা ওইনা, মখাগী  পোৎথোকশিং/ফুরুপশিং ত্রাইফেদনা মশক তাক্কনি-

সন্থাল ফুরুপকী কলাগী হৈশিংবশিং মশক তাকপা: মেদিনিপুরগী মদুরকাথি ফকশিং মশক তাকপা

মেদিনিপুরগী ফি শাবগী হেরিতেচগী শরুক অমা ওইরিবা মদুরকাথিগী ফজবা অদুগা লোয়ন্না ত্রাইফেদনা সন্থাল ফুরুপকী মশক তাক্কনি। হৈথোই-শিংথোইরবা ত্রাইবেলশিংনা চেকশিন্না খুৎনা শাবা ফকশিং অসিদা নোংচুপ বেঙ্গলগী কলচরগী মমি তারি।

শুপ্নগী ফক খক নত্তনা, হায়রিবা পোৎথোকশিং অসিনা কান্নবা কয়া পীরি। মখোয়গী মৈশা চুপশিন্দবা অমসুং হুমাং চুপশিনবা ঙম্বা অসিনা মখোয় নোংচুপ বেঙ্গলগী অশাবা অমসুং নুংশিত্তা ঈশিং মনিল য়াম্না য়াওবা অইং-অশাগী ফিবম অসিদা থাদোক্নবা য়াদ্রবা অমা ওইরি। মসিগী মথক্তা, ফকশিং অসি লাইনিং লাইশোলগী থবকশিংদা অচৌবা মফম অমা কল্লি।

ফকশিং অসি শাবদা সোনালি সিনকু, রাত্রি তুদু, নিলিমা মুর্মু অমসুং প্রানাতি তুদু শরুক য়াখি। বেলতালা, গোচারা, সঞ্চারা, কঙ্গাল বেরিয়া, দেব্রা, মেদিনিপুর অমসুং পুরুলিয়া জিলাশিংদগী ফকশিং পুথোকপদা হায়রিবা হৈথোই-শিংথোইরবা ত্রাইবেল ফিশাবশিং অসিনা অচৌবা মতেং পাংখি।

ওরিসাগী ময়ুরভঞ্জগী সাবাই গ্রাস য়োগ ফকশিং

সিমপ্লিপাল রিজার্বকী অচিকপা মরক্তা সাবাই গ্রাস য়োগ ফকশিং ফংলি। মহৌশাদা ফংবা মচাকশিংনা শাবা ফকশিং অসি ওরিসাগী ময়ুরভঞ্জগী ত্রাইবেলশিং অমসুং মখোয়গী মহৌশাগী অকোয়গী ফিবমগা লৈনবা মরী অদু উৎথোক্লি।

সাবাই গ্রাস ফকশিং শাবদা নাপী খাউবা, কংহনবা অমসুং শেম-শাবগী থবক পাংথোকই। য়োঙখম অমা শীজিন্নদুনা সাবাই গ্রাসশিং অমগা অমগা লোনশিন্নদুনা ফকশিং শাবনি। শাবা লোইরবা ফকশিং চেকশিন্না য়েংশিল্লি অমসুং মতম কুইনা চৎনবা অমসুং ফজনা অহেনবা থবক কয়া পাংথোকই। হৈশিংলবা থবকশিং অসিনা ফজরবা অমসুং মতম কুইনা চৎনবা য়ারবা ফকশিং পুথোরকই।

হায়রিবা পোৎথোকশিং অসি ফকশিং , খাউশিং, কোতশিং, ফর্নিচরশিং, ফক্লাংদা থেৎনবা, লৈতেংগী উপুশিং ওইনা ওন্থোকপা য়াই। অখন্নবা ফকশিং অসি লশিং অমসুং সাবাই গ্রাস পুন্না পুথোকপনি অমসুং মসিনা য়োগ পামজবশিংদা অনৌবা মহাও অমা পীরগনি।

হায়রিবা য়োগ ফকশিং অসি পুথোকপদা ওরিসাগী ময়ুরভঞ্জগী গোহালদিহি খু্ঙ্গংগী বাথুদি ত্রাইবকী শ্রীমতি উসারানি নাইক, ওরিসাগী ময়ুরভঞ্জগী বেতনোতি খুঙ্গংগী বাথুদি ত্রাইবকী শ্রীমতি গুরুচরন নাইক শরুক য়াখি। ওরিসাগী তোঙান তোঙানবা ত্রাইবশিংগী খুৎহৈবশিং অসিনা মগুন লৈবা য়োগ ফকশিং পুথোকখি।

চৎনবী হিঙ্গৎহনবা অমসুং মীয়াম শক্তি পীবা: মীয়াম্না পায়খৎপা শিংথানিঙাই ওইরবা থবক অমা, গোন্ধা গ্রাস

ঝারখন্দগী ইস্ত সিংবুমগী পোতকা ব্লোক্তা লৈবা মীয়াম্না গোন্ধ গ্রাস শীজিন্নদুনা ফজরবা ফকশিং পুথোক্লি। লমহাং অমসুং তুরেল মপান্দগী খোমজিনবা গোন্ধা গ্রাস অদু কংহল্লি, অপীক অমসুং অচৌবা খন্দোকই অমসুং মশিং ওইনা শেম্মী। লশিংগী লং অমসুং গোন্ধা গ্রাস শীজিন্দুনা তোঙান-তোঙানবা ক্রাফকী পোৎলমশিং হায়বদি  ফকশিং, খাউসিং, মখুমশিং অমসুং ইমুং-মনুংগী পোৎলম কয়া পুথোকই।

গ্রাস মেতশিং অসি মতম শাংনা চৎপা, মখল কয়া থোক্না শীজিন্নবা য়াবা অমসুং মহৌশাগী অকোয়বগী ফিবম কায়হন্দবগীদমক মমিং চৎলি। মমাংঙৈদগী চৎনরক্লবা শাবগী তেক্নিকশিং মাঙহন্দনা থমদুনা অমসুং মহৌশাদা ফংবা পোৎলমশিং শীজিন্নদুনা থবক অসিনা অখন্নবা অমসুং মগুন লৈবা পোৎথোকশিং পুথোকপা খক নত্তনা লমদম অমগী মীওইশিংগী শেন-থুমগী ফিবম ফগৎহল্লি।

গোন্ধা গ্রাসনা মীয়ামগী থৌনা, চৎনবী অমসুং তুংকোইনা চৎনবা য়াগদবা ওন্ত্রেপ্রেনিউয়রশিপকী খুদম অমা ওইরি। মমাংঙৈগী খুৎশা-হৈবগী চৎনবী ঙাক-শেন্দুনা অমসুং মফম অমগী খুৎহৈবশিং শক্তি পীদুনা, মসিনা হেন্না ফবা তুংলমচৎ অমগী লম্বী অমা শেম্লি।

*****