قبائلی کاریگروں اور ان کی شاندار فنکاری کو فروغ دینے کے مقصد سے ایک طاقتور پہل میں، ٹرائبل کوآپریٹو مارکیٹنگ ڈیولپمنٹ فیڈریشن آف انڈیا لمیٹڈ (ٹی آر آئی ایف ای ڈی - ٹرائیفیڈ) نے آیوش کی وزارت کے ساتھ 34,000 یوگا میٹ کی فراہمی کے لیے تعاون کیا ہے۔

یہ مشترکہ کوشش، جو آنے والے بین الاقوامی یوم یوگ کے ساتھ ہم آہنگ ہے، قبائلی برادریوں کی ترقی اور ہندوستان کے بھرپور ثقافتی ورثے کو منانے کے لیے حکومت کے عزم کو اجاگر کرتی ہے۔ یہ اقدام نہ صرف قبائلی برادریوں کے معاشی امکانات کو تقویت دیتا ہے، بلکہ ان کی منفرد فنی روایات کے تحفظ اور فروغ کو بھی یقینی بناتا ہے۔

خصوصی طور پر ملک کے مختلف خطوں سے تعلق رکھنے والے قبائلی کاریگروں سے خریدے گئے 34,000 یوگا میٹ،  الگ الگ ڈیزائن اور نقش و نگار کے حامل ہوں گے، جو متعلقہ برادریوں کی نمائندگی بھی کریں گے۔ ہر چٹائی (میٹ) ہندوستان کے قبائل کے متنوع ثقافتی ورثے کا ایک متحرک اظہار ہے، جو ان کی کہانیوں، لوک داستانوں اور فنکارانہ وراثت کی عکاسی کرتی ہے۔

ٹرائیفیڈ  کی طرف سے قبائلی کاریگروں سے منگوائے گئے یوگا میٹ کو آیوش کی وزارت بین الاقوامی یوم یوگ کے موقع پر منعقد ہونے والے مختلف تقریبات، ورکشاپوں اور تربیتی پروگراموں کے لیے استعمال کرے گی۔ یہ چٹائیاں محرک کے طور پر کام کریں گی اور یوگ کے شوقین افراد و قبائلی کاریگروں کے بھرپور ثقافتی ورثے کے درمیان گہرے تعلق کو فروغ دیں گی۔ ان تعاملات کے ذریعے، شرکاء فنکارانہ امتیاز اور ثقافتی گہرائی، جو قبائلی برادریاں ملک کی متنوع ٹیپسٹری میں لاتی ہیں، کے قدردان بنیں گے۔

جیسے جیسے بین الاقوامی یوم یوگ قریب آئے گا، ٹرائیفیڈ  اور آیوش کی وزارت  کی مشترکہ کوششیں تحریک کی روشنی کے طور پر کام کریں گی اور قبائلی برادریوں کی فنکارانہ وراثت کا جشن منانے اور ان کی سماجی و اقتصادی بااختیاریت کو فروغ دینے کا کام کریں گی۔ ایک ساتھ مل کر، وہ تعاون کی تبدیلی کی طاقت کا مظاہرہ کرتے ہیں، ثقافتی تنوع کو فروغ دیتے ہیں، اور ہندوستان کے بھرپور ثقافتی ورثے میں قبائلی کاریگروں کے انمول تعاون کو اجاگر کرتے ہیں۔

اس مشترکہ کوشش کے ایک حصے کے طور پر، ٹرائیفیڈ  درج ذیل پروڈکٹس/کمیونٹیز کو اجاگر کرے گا۔

سنتھال کمیونٹی کی فنکاری کو دریافت کرنا: میدنی پور کی مدرکاٹھی چٹائیوں کے روح کی نقاب کشائی

سنتھال کمیونٹی کی فنکاری کو دریافت کرکے ٹرائیفیڈ ٹرائیفیڈ مدرکاٹھی کی روح کی نقاب کشائی کرے گا جو میدنی پور کی چٹائیوں کی خوش حال وراثت کا ایک لازمی جزو ہے۔ ہنر مند قبائلیوں کے ہاتھ سے تیار کردہ، یہ چٹائیاں مغربی بنگال کی ثقافتی میراث کا احاطہ کرتی ہیں۔

فلائی شٹل ہینڈ لوم کا استعمال کرتے ہوئے ساڑھی کو بُننے میں شامل پیچیدہ کاریگری کی طرح، یہ چٹائیاں سوتی دھاگے کو تانا (عمودی دھاگوں) اور مدرکاٹھی کو بانا (افقی دھاگوں) کے طور پر پیچیدہ طریقے سے جوڑتی ہیں۔

چٹائیوں سے آگے، یہ تخلیقات بہت سے فوائد پیش کرتی ہیں۔ ان کی نان کنڈکٹیو نیچر اور پسینہ جذب کرنے والی غیر معمولی خصوصیات انہیں مغربی بنگال کی گرم اور مرطوب آب و ہوا میں ناگزیر بناتی ہیں۔ مزید برآں، وہ مذہبی رسومات اور اطوار میں بہت اہمیت رکھتی ہیں۔

محترمہ سونالی سنکو، محترمہ راتری ٹوڈو، محترمہ نیلیما مرمو اور محترمہ پرانتی ٹوڈو ان قبائلی بنکروں میں سے ہیں جو چٹائیوں کی تیاری سے جڑی ہوئی ہیں۔ یہ باصلاحیت قبائلی بُنکر مختلف اضلاع سے چٹائیوں کی پیداوار میں اپنی مہارت اور دستکاری کا حصہ ڈالتے ہیں، جن میں میدنی پور اور پرولیا اضلاع کے بیلٹالہ، گوچرا، سنچرا، کنگل بیریا، ڈیبرا، اور لولارا  شامل ہیں۔

محترمہ استامی ٹوڈو              محترمہ ارچیتا سورین            محترمہ گنگا مرمو

محترمہ جبارانی ٹوڈو                      محترمہ بسنتی ہمرن

محترمہ پورنیما ٹوڈو              محترمہ پرناتی مرمو              محترمہ موسمی ٹوڈو

محترمہ سندھیا مرمو                       محترمہ راتری ٹوڈو

اڈیشہ کے میور بھنج کے شاندار سبائی گراس یوگ میٹ کے ساتھ فطرت کے سکون کی نقاب کشائی

سمپلیپل ریزرو کی پرسکون خوبصورتی کے درمیان پائے جانے والے اور پیدا ہوئے سبائی گراس یوگ میٹ ہیں۔ قدرتی مواد سے تیار کردہ، یہ چٹائیاں اڈیشہ کے میور بھنج کے قبائلیوں اور ان کے آس پاس کے سرسبز مناظر کے درمیان فطری تعلق کا ثبوت ہیں۔

سبائی گھاس کی چٹائیوں کو بُننے کے عمل میں گھاس کی کٹائی اور چھنٹائی شامل ہیں، اس کے بعد اسے خشک کرنا اور لچکدار بنانے کے لیے اسے ٹریٹ کرنا شامل ہے۔ عمودی وارپ دھاگوں کے ساتھ لوم کا استعمال کرتے ہوئے، بنکر سبائی گھاس کے دھاگوں کو افقی طور پر ان کے ذریعے جوڑتا ہے، پائیداری کے لیے جڑواں بنانے کی تکنیک کا استعمال کرتا ہے۔ رنگے ہوئے گھاس کے ساتھ اضافی رنگ اور نمونے متعارف کرائے جا سکتے ہیں۔ مستقل تناؤ کو برقرار رکھتے ہوئے، بنکر بُنائی کو مکمل کرتا ہے، اضافی گھاس کو تراشتا ہے، اور ڈھیلے سروں کو محفوظ رکھتا ہے۔ تیار شدہ چٹائی کو معیار کے معائنہ اور بہتر استحکام اور ظاہری شکل کے لیے آپشنل ٹریٹمنٹ کے عمل سے گزرنا پڑتا ہے۔ اس ہنر مند عمل سے خوبصورتی سے تیار کردہ، پائیدار چٹائیاں ملتی ہیں جو لمبی عمر کے ساتھ جمالیات کا امتزاج ہوتی ہیں۔

اپنے ہلکے وزن اور لچک کے لیے معروف یہ چٹائیاں، ایک شاندار مصنوعات میں ماہرانہ طور پر تبدیل ہوگئی ہیں، جن میں چٹائیاں، ٹوکریاں، چارپائیاں، فرنیچر، وال ہینگنگ، آرائشی بکسے اور کوسٹرز جیسی شاندار مصنوعات شامل ہیں۔ ان چٹائیوں کی منفرد ساخت، جس میں بنیادی طور پر کپاس اور سبائی گھاس شامل ہیں، غیر معمولی جذب اور سکون فراہم کرتی ہے، جو انہیں یوگ کے شوقین افراد اور مشق کرنے والوں کے لیے ایک پائیدار اور ضروری ساتھی بناتی ہیں۔

قدرتی مواد اور سنتھال کمیونٹی کی فنکارانہ روایات کو شامل کرکے، یہ چٹائیاں افراد کو پرسکون اور ماحول دوست یوگ کا تجربہ فراہم کرتی ہیں۔

محترمہ اوشا رانی نائک جن کا تعلق اڈیشہ کے میور بھنج میں گوہل ڈیہی گاؤں کی بتھوڈی قبیلے سے ہے، یوگا میٹ بنانے میں اپنی صلاحیتوں کا حصہ ڈال رہی ہیں۔ گروچرن نائک، جن کا تعلق اڈیشہ کے میو بھنج ضلع کے بیٹ نوٹی گاؤں کے بتھوڈی قبیلے سے ہے، ایک اور ہنرمند کاریگر ہیں جو یوگ چٹائیوں کی تیاری میں اپنا حصہ ڈال رہے ہیں۔ اڈیشہ کے مختلف قبائل سے تعلق رکھنے والے یہ کاریگر اعلیٰ معیار کی یوگ چٹائیوں کی تخلیق میں اپنی مہارت اور ثقافتی ورثہ کا مظاہرہ کررہے ہیں۔

روایت کو زندہ کرنا اور کمیونٹیز کو بااختیار بنانا: گوندھا گراس، کمیونٹی پر مبنی ایک قابل ذکر انٹرپرائز

جھارکھنڈ کے مشرقی سنگھ بھوم میں پوٹکا بلاک کے مرکز میں واقع، ایک کمیونٹی سے چلنے والا ادارہ ہے جو گوندھا گھاس کی خوبصورتی اور صلاحیت کو سلبریٹ کرتا ہے۔ قبائلی خواتین کے ذریعہ بنجر زمین اور ندی کے کنارے کاشت کی گئی گوندھا گھاس مقامی کمیونٹیز کے بھرپور ورثے اور پائیدار طور طریقوں کی نمائندگی کرتی ہے۔

گوندھا گھاس، بنجر زمین اور دریا کے کنارے سے جمع کی جاتی ہے، اسے خشک کیا جاتا ہے۔ ایک سائز کیا جاتا ہے، اور ریشوں میں پروسیس کیا جاتا ہے۔ بنائی کے عمل میں پودے لگانا، کاٹنا، تقسیم کرنا اور گھاس کا سائز بنانا شامل ہے۔ سوتی دھاگے اور گوندھا گھاس کا استعمال مختلف دستکاری کی اشیاء جیسے چٹائی، تھیلے، کور اور گھریلو اشیاء بنانے کے لیے کیا جاتا ہے۔ سوت کو بوبن پر لپیٹا جاتا ہے، ہیلڈز اور ریڈس (سرکنڈے) کے ذریعے دھاگے کو وارپنگ بیم پر لپیٹا جاتا ہے۔ بُنائی کا عمل وارپ اور ویفٹ دھاگوں کو آپس میں جوڑتا ہے، جس سے پیچیدہ نمونے تیار ہوتے ہیں۔

گھاس کی چٹائیاں اپنی پائیداری، استعداد اور ماحول دوست نوعیت کے لیے مشہور ہیں۔ بُنائی کی روایتی تکنیکوں کو محفوظ رکھتے ہوئے اور قدرتی مواد کو استعمال کرتے ہوئے، انٹرپرائز نہ صرف منفرد اور اعلیٰ معیار کی مصنوعات پیش کرتا ہے، بلکہ مقامی برادریوں کو ترقی کے منازل طے کرنے کا اختیار بھی دیتا ہے۔

گوندھا گراس انٹرپرائز کمیونٹی، روایت اور پائیدار کاروبار کی طاقت کے ثبوت کے طور پر نمایاں ہے۔ روایتی دستکاری کو محفوظ رکھ کر اور مقامی کاریگروں کو بااختیار بنا کر، یہ ایک روشن اور زیادہ جامع مستقبل کی راہ ہموار کرتا ہے۔

کرمی مرمو،                                 سروج ہنسڈا ،

سرجمدہ، موٹکا ٹولہ،                                سرجمدہ لوپنگ ٹولہ

پرسوڈیہہ

سرلا سردار، جنم ڈیہہ، پوٹکا بلاک

اشریتا سردار                                کملا سردار

جنم ڈیہہ، پوٹکا بلاک                                جنم ڈیہہ، پوٹکا بلاک

سمترا سردار

جنوم ڈیہہ، پوٹکا بلاک

******

ش ح۔ م م۔ م ر

U-NO.6302